سینیٹ کے اکثریتی رہنما چارلس شومر کی قیادت میں امریکی کانگریس کے نو سینیٹرز پر مشتمل ایک وفد نے آج وزیر اعظم نریندر مودی سے ملاقات کی۔اس وفد میں سینیٹر رون وائیڈن، سینیٹر جیک ریڈ، سینیٹر ماریا کینٹ ویل، سینیٹر ایمی کلوبوشر، سینیٹر مارک وارنر، سینیٹر گیری پیٹرز، سینیٹر کیتھرین کورٹیز میسٹو اور سینیٹر پیٹر ویلچ شامل تھے۔
وزیر اعظم نے کانگریس کے وفد کا ہندوستان میں خیرمقدم کیا اور ہندوستان اور امریکہ کے مابین تعلقات کو مستحکم کرنے کے لئے امریکی کانگریس کی مستقل اور دو طرفہ حمایت کی تعریف کی۔ وزیر اعظم نے صدر جوزف بائیڈن کے ساتھ فون پر اپنی حالیہ بات چیت اورعصری عالمی چیلنجوں سے نمٹنے کے لئے ہندوستان اورامریکہ کے مابین جامع عالمی اسٹریٹجک شراکت داری کو مزید مستحکم بنانے کے لیے دونوں رہنماؤں کے مشترکہ وژن کا حوالہ دیا۔
وزیر اعظم اور امریکی وفد نے مشترکہ جمہوری اقدار، مضبوط دوطرفہ تعاون، عوام سے عوام کے درمیان مضبوط روابط اور امریکہ میں متحرک ہندوستانی برادری کو دو طرفہ اسٹریٹجک شراکت داری کے مضبوط ستون کے طور پر تسلیم کیا۔
وزیر اعظم نے امریکی وفد کے ساتھ اہم ٹیکنالوجیز، صاف ستھری توانائی کی منتقلی، مشترکہ ترقی اور پیداوار، اور قابل اعتماد اور لچکدار سپلائی چینز میں ہندوستان اورامریکہ کےتعلقات کو مستحکم کرنے کے لئےنئے مواقع پر تبادلہ خیال کیا۔
Wonderful to interact with US Congressional delegation led by Senate Majority Leader @SenSchumer. Appreciate the strong bipartisan support from the US Congress for deepening India-US ties anchored in shared democratic values and strong people-to-people ties. pic.twitter.com/Xy3vL6JeyF
— Narendra Modi (@narendramodi) February 20, 2023
