Quoteیوگا کے تئیں جموں و کشمیر کے لوگوں کے جوش و جذبے اور عزم کا آج کا نظارہ لافانی رہے گا
Quote’’یوگا کو قدرتی طور پر آنا چاہیے اور زندگی کا ایک فطری حصہ بننا چاہیے‘‘
Quote’’مراقبہ خود کو بہتر بنانے کا ایک بہترین ذریعہ ہے‘‘
Quote’’یوگا اپنی ذات کے لیے اتنا ہی اہم، قابل اطلاق اور طاقتور ہے جتنا معاشرے کے لیے‘‘

دوستو،

آج جو منظر ہے وہ ایک ایسا منظر ہے جو پوری دنیا کے ذہنوں میں زندہ رہے گا۔ اگر بارش نہ ہوتی تو شاید اتنی توجہ مبذول  نہ ہو پاتی جتنی بارش کے باوجود ہوئی ہےاور جب سری نگر میں بارش ہوتی ہے تو سردی بھی بڑھ جاتی ہے۔ مجھے سویٹر بھی پہننا پڑا۔ تم لوگ یہیں کے ہو، تم اس کے عادی ہو، تمہیں کوئی مسئلہ نہیں ہے۔ لیکن بارش کی وجہ سے تھوڑی تاخیر ہوئی، ہمیں اسے دو تین حصوں میں تقسیم کرنا پڑا۔ اس کے باوجود عالمی برادری کو یہ جاننا چاہیے کہ یوگا کی خود اور معاشرے کے لیے کیا اہمیت ہے، یوگا زندگی کا فطری رجحان کیسے بن سکتا ہے۔ جس طرح دانت صاف کرنا ایک معمول بن جاتا ہے، بالوں کو سنوارنا ایک باقاعدہ معمول بن جاتا ہے، اسی طرح یوگا جب آسانی سے زندگی میں شامل ہو جاتا ہے تو یہ ایک فطری عمل بن جاتا ہے، اور یہ ہر لمحہ فائدے دیتا رہتا ہے۔

کبھی کبھی جب مراقبہ کی بات آتی ہے، جو یوگا کا ایک حصہ ہے، زیادہ تر لوگ سوچتے ہیں کہ یہ ایک بڑا روحانی سفر ہے۔ یہ ایشور کو پانے کا پروگرام ہے، یا خدا کو حاصل کرنے کا، یا گاڈ کو حاصل کرنے کا۔ اور جب لوگ کہتے ہیں… ارے بھائی، یہ میرے بس میں نہیں، میری استطاعت سے باہر ہے، وہ رک جاتا ہے۔ لیکن اگر ہم اسے سادگی سے سمجھنا چاہیں تو اسکول میں پڑھنے والے بچے مراقبہ پڑھ رہے ہوں گے… جب ہم بھی اسکول میں پڑھتے تھے تو ہمارے اساتذہ دن میں دس بار کہا کرتے تھے- بھائی ذرا غور سے دیکھو، سنو۔ دھیان سے، ارے آپ کا دھیان کہاں ہے؟ یہ مراقبہ ہماری ارتکاز سے متعلق معاملہ ہے کہ ہم چیزوں پر کتنا فوکس کرتے ہیں، ہمارا دماغ کتنا مرکوز ہے۔

 

|

آپ نے دیکھا ہوگا کہ بہت سے لوگ یادداشت کی طاقت بڑھانے کے لیے تکنیک تیار کرتے اور سکھاتے ہیں۔ اور جو لوگ اس پر باقاعدگی سے عمل کرتے ہیں، ان کی یادداشت کی طاقت آہستہ آہستہ بڑھ جاتی ہے۔ اسی طرح کسی بھی کام میں من لگانے کی عادت، توجہ مرکوز کرنے کی عادت بہترین نتائج دیتی ہے، خود کو بہتر سے بہتر بناتی ہے اور کم سے کم تھکاوٹ کے ساتھ زیادہ سے زیادہ سکون حاصل ہوتا ہے۔

جس کا دماغ ایک کام کرتے ہوئے دس جگہ بھٹک جاتا ہے وہ تھک جاتا ہے۔ اب اس لیے یہ جو دھیان ہے ، روحانی سفرکو ابھی چھوڑ دیجیے، وقت آنے پر اس کو کر لینا۔ ابھی تو اپنی ذاتی زندگی میں توجہ مرکوز کرنے کے لیے، اپنے آپ  کو تربیت دینے کے لیے یوگا کا ایک حصہ ہے۔ اگر آپ اس کو اتنی آسانی کے ساتھ شامل کرتے ہیں تو میرا پختہ یقین ہے کہ دوستو، آپ کو بہت فائدہ ہوگا، یہ آپ کے ترقی کے سفر کا ایک بہت مضبوط پہلو بن جائے گا۔

 

|

اور اس لیے یوگا اپنی ذات کے لیے جتنا ضروری ہے، جتنا مفید ہے، جتنا طاقت دیتا ہے، اتنا ہی اس کے پھیلاؤ سے معاشرے کو بھی فائدہ ہوتا ہے اور جب معاشرہ فائدہ اٹھاتا ہے تو تمام بنی نوع انسان کو فائدہ ہوتا ہے، دنیا کے ہر کونے تک فائدہ پہنچتا ہے۔

ابھی دو دن پہلے میں نے ایک ویڈیو دیکھی، مصر نے ایک مقابلے کا اہتمام کیا۔ اور اس نے اس شخص کو ایوارڈ دیا جو سیاحت سے متعلق مشہور مراکز میں یوگا کی بہترین تصویر یا ویڈیو لے گا۔ اور جو تصویریں میں نے دیکھیں، مصر کے بیٹے اور بیٹیاں تمام مشہور اہرام کے قریب کھڑے ہو کر یوگا کر رہے تھے۔ اتنی کشش پیدا کر رہے تھے۔ اور کشمیر کے لیے یہ لوگوں کے لیے روزگار کا ایک بہت بڑا ذریعہ بن سکتا ہے۔ سیاحت کے لیے کشش کا بڑا مرکز بن سکتا ہے۔

 

|

تو آج مجھے بہت اچھا لگا، سردی بڑھ گئی، موسم نے کچھ چیلنجز بھی پیدا کیے، پھر بھی آپ ڈٹے رہے۔ میں دیکھ رہا تھا کہ ہماری بہت سی بیٹیاں بارش سے خود کو بچانے کے لیے اس قالین کو،جو کہ یوگا چٹائی تھی، استعمال کر رہی تھیں، لیکن وہ یہاں سے نہیں گئیں، وہ ثابت قدم رہیں۔ یہ اپنے آپ میں بہت بڑا سکون ہے۔

میں آپ کو بہت بہت مبارکباد دیتا ہوں، بہت بہت نیک خواہشات کا اظہار کرتا ہوں۔

 

  • Dheeraj Thakur January 19, 2025

    जय श्री राम ।
  • Dheeraj Thakur January 19, 2025

    जय श्री राम
  • कृष्ण सिंह राजपुरोहित भाजपा विधान सभा गुड़ामा लानी November 21, 2024

    जय श्री राम 🚩 वन्दे मातरम् जय भाजपा विजय भाजपा
  • Amrita Singh September 26, 2024

    हर हर महादेव
  • दिग्विजय सिंह राना September 18, 2024

    हर हर महादेव
  • Narendrasingh Dasana September 07, 2024

    जय श्री राम
  • Deepak kumar parashar September 07, 2024

    नमो
  • Avaneesh Rajpoot September 06, 2024

    jai shree ram
  • Vivek Kumar Gupta September 05, 2024

    नमो ..🙏🙏🙏🙏🙏
  • Vivek Kumar Gupta September 05, 2024

    नमो ..................🙏🙏🙏🙏🙏
Explore More
وزیراعظم نریندر مودی کا 78 ویں یوم آزادی کے موقع پر لال قلعہ کی فصیل سے خطاب کا متن

Popular Speeches

وزیراعظم نریندر مودی کا 78 ویں یوم آزادی کے موقع پر لال قلعہ کی فصیل سے خطاب کا متن
Global aerospace firms turn to India amid Western supply chain crisis

Media Coverage

Global aerospace firms turn to India amid Western supply chain crisis
NM on the go

Nm on the go

Always be the first to hear from the PM. Get the App Now!
...
Former UK PM, Mr. Rishi Sunak and his family meets Prime Minister, Shri Narendra Modi
February 18, 2025

Former UK PM, Mr. Rishi Sunak and his family meets Prime Minister, Shri Narendra Modi today in New Delhi.

Both dignitaries had a wonderful conversation on many subjects.

Shri Modi said that Mr. Sunak is a great friend of India and is passionate about even stronger India-UK ties.

The Prime Minister posted on X;

“It was a delight to meet former UK PM, Mr. Rishi Sunak and his family! We had a wonderful conversation on many subjects.

Mr. Sunak is a great friend of India and is passionate about even stronger India-UK ties.

@RishiSunak @SmtSudhaMurty”