عالیجاب وزیراعظم پریوت چان اوچا
ایکسیلینسیز
عزت مآب
آپ سے ہند۔ آسیان سربراہ اجلاس کے موقع پر ایک بار پھر مل کر خوشی ہورہی ہے۔ میں شاندار التزامات اور اعلی معیار کی ضیافت کے لئے تھائی لینڈ کا شکریہ ادا کرتا ہوں۔ آئندہ سال آسیان اور مشرقی ایشیا سربراہ اجلاس کی صدارت کے لئے ویتنام کو بھی نیک خواہشات پیش کرتا ہوں۔
حضرات،
میں ہندوستان اور آسیان کے درمیان انڈو۔ پیسفک آؤٹ لُک کے تعلق سے باہمی تعاون کا خیر مقدم کرتا ہوں۔ ہندوستان کی ایکٹ ایسٹ پالیسی ہمارے ہند ۔ بحرالکاہل تصور کا ایک اہم جزو ہے۔ آسیان ہماری ایکٹ ایسٹ پالیسی کا دل ہے اور ہمیشہ رہے گا۔مربوط، منظم اور اقتصادی نقطہ نظر سے ترقی پذیر آسیان ، ہندوستان کے بنیادی مفاد میں ہے۔ ہم مضبوط تر سطحی، سمندری ، ایئر کنکٹی وٹی و ڈیجیٹل لنک کے توسط سے اپنی شراکت داری کو مزید مضبوط کرنے کے تئیں پابند عہد ہیں۔ایک بلین ڈالر کی لائن آف کریڈٹ ، فزیکل اور ڈیجیٹل کنکٹی وٹی کے لئے مفید ثابت ہوگا۔ہماری منشا مطالعات، تحقیق، تجارت اور سیاحت کے لئے لوگوں کی آمد و رفت میں زبردست اضافے کی ہے۔
اس مقصد کے حصول کے لئے ہندوستان باہمی مفادات کے شعبوں میں آسیان کے ساتھ شراکت داری میں اضافہ کرنے کے لئے تیار ہے۔گزشتہ برس سنگا پور میں کم میموریٹیو سمٹ اور انفارمل سمٹ میں لئے گئے فیصلوں کا نفاذ ہمیں اور قریب لایا ہے۔ ہم زراعت، سائنس، ریسرچ، آئی سی ٹی اور انجینئرنگ جیسے شعبوں میں صلاحیت سازی اور شراکت داری میں مزید اضافہ کرنے کے لئے تیار ہیں۔ میں حال ہی میں آسیان۔ انڈیا ایف ٹی اے کے جائزے کے تعلق سے لئے گئے فیصلے کا خیرمقد.
م کرتا ہوں۔ اس سے نہ صرف ہمارے اقتصادی تعلقات مزید مضبوط ہوں گے بلکہ اس سے ہماری تجارت میں بھی توازن آئے گا۔ ہم سمندری سلامتی، نیلی معیشت اور انسانی امداد جیسے شعبوں میں اپنی شراکت داری کو بھی مضبوط کرنا چاہتےہیں۔ آپ حضرات کے خیالات سننے کے بعد میں کچھ پہلوؤں پر تفصیل سے گفتگو کرنا چاہوں گا۔ میں ایک بار پھر تہہ دل سے تھائی لینڈ اور آپ سب کا شکریہ ادا کرتا ہوں۔
م کرتا ہوں۔ اس سے نہ صرف ہمارے اقتصادی تعلقات مزید مضبوط ہوں گے بلکہ اس سے ہماری تجارت میں بھی توازن آئے گا۔ ہم سمندری سلامتی، نیلی معیشت اور انسانی امداد جیسے شعبوں میں اپنی شراکت داری کو بھی مضبوط کرنا چاہتےہیں۔ آپ حضرات کے خیالات سننے کے بعد میں کچھ پہلوؤں پر تفصیل سے گفتگو کرنا چاہوں گا۔ میں ایک بار پھر تہہ دل سے تھائی لینڈ اور آپ سب کا شکریہ ادا کرتا ہوں۔
اظہار لاتعلقی : وزیراعظم کی یہ تقریر ہندی میں کی گئی تھی۔ یہ اس تقریر کا قریب تک ترجمہ ہے۔
