میرے پیارے ہم وطنو،
نمسکار!
آج کے دن کا پورے ملک کو بے صبری سے انتظار رہا ہے۔ کتنے مہینوں سے ملک کے ہر گھر میں، بچے، بوڑھے، جوان سبھی کی زبان پر یہی سوال تھا کہ- کورونا کی ویکسین کب آئے گی؟ تو اب کورونا کی ویکسین آگئی ہے، بہت کم وقت میں آگئی ہے۔ اب سے کچھ ہی منٹ بعد بھارت میں دنیاکی سب سے بڑی ٹیکہ کاری مہم شروع ہونے جارہی ہے۔ میں سبھی ہم وطنوں کو اس کے لئے بہت بہت مبارکباد دے رہا ہوں، آج وہ سائنسداں ، ویکسین ریسرچ سے جڑے متعدد افراد خصوصی طور سے تعریف کے حقدار ہیں، جو گزشتہ کئی مہینوں سے کورونا کے خلاف ویکسین بنانے میں مصروف تھے، دن –رات مصروف تھے، نہ انہوں نے تیوہار دیکھا ہے نہ انہوں نے دن دیکھا ہے، نہ انہوں نے رات دیکھی ہے۔ عام طور پر ایک ویکسین بنانے میں برسوں لگ جاتے ہیں لیکن اتنے کم وقت میں ایک نہیں دو دو میڈ اِن انڈیا ویکسین تیار ہوئی ہیں۔ اتنا ہی نہیں کئی اور ویکسین پر بھی کام تیز رفتاری کے ساتھ چل رہا ہے۔ یہ بھارت کی طاقت، بھارت کی سائنسی مہارت، بھارت کی صلاحیتوں کا جیتا جاگتا ثبوت ہے۔ ایسے ہی حصولیابیوں کیلئے قومی شاعر رام دھاری سنگھ دنکر نے کہا تھا۔ مانو جب زور لگاتا ہے، پتھر پانی بن جاتا ہے۔
بھائیو اور بہنو،
بھارت کی ٹیکہ کاری مہم بہت ہی انسانی اور اہم اصولوں پر مبنی ہے۔ جسے سب سے زیادہ ضروری ہے اسے سب سے پہلے کورونا کا ٹیکہ لگے گا۔ جسے کورونا انفیکشن کا خطرہ سب سے زیادہ ہے، اسے پہلے ٹیکہ لگے گا۔ جو ہمارے ڈاکٹرس ہیں، نرسیں ہیں، اسپتال میں صفائی کارکنان ہیں، میڈیکل-پیرامیڈیکل اسٹاف ہیں، وہ کورونا کی ویکسین کے سب سے پہلے حقدار ہیں۔ چاہے وہ سرکاری اسپتال میں ہوں یا پھر پرائیویٹ میں، سبھی کو یہ ویکسین ترجیحی بنیاد پر لگے گی۔ اس کے بعد ان لوگوں کو ٹیکہ لگایا جائے گا، جن پر ضروری خدمات اور ملک کی حفاظت یا قانون انتظام کی ذمہ داری ہے۔ جیسے ہمارے سیکورٹی اہلکار ہوگئے، پولیس کے جوان ہوگئے، فائربریگیڈ کے لوگ ہوگئے، صفائی ملازمین ہوگئے، ان سبھی کو یہ ویکسین ترجیحی بنیاد پر لگے گی۔ اور میں نے جیسا پہلے بھی کہا ہے۔ ان کی تعداد قریب قریب تین کروڑ ہوتی ہے۔ ان سبھی کے ویکسی نیشن کا خرچ بھارت سرکار کے ذریعے اٹھایا جائیگا۔
ساتھیو،
اس ٹیکہ کاری مہم کی پختہ تیاریوں کیلئے ریاستی حکومتوں کے تعاون سے ملک کے کونے کونے میں ٹرائلس کئے گئے ہیں، ڈرائی رنس ہوئے ہیں۔ خصوصی طور پر بنائے گئے کو۔ون ڈیجیٹل پلیٹ فارم میں ٹیکہ کاری کیلئے رجسٹریشن سے لیکر ٹریکنگ تک کا انتظام ہے۔ آپ کو پہلا ٹیکہ لگنے کے بعد دوسری ڈوز کب لگے گی، اس کی جانکاری بھی آپ کے فون پر دی جائے گی۔ اور میں سبھی ہم وطنوں کو یہ بات پھر یاد دلانا چاہتا ہوں کہ کورونا ویکسین کی دو ڈوز لگنی بہت ضروری ہے۔ ایک ڈوز لے لیا پھر بھول گئے، ایسی غلطی مت کرنا۔ اور جیسا ماہرین کہہ رہے ہیں، پہلی اور دوسری ڈوز کے درمیان لگ بھگ ایک مہینے کا وقفہ بھی رکھا جائیگا، آپ کو یہ بھی یاد رکھنا ہے کہ دوسری ڈوز لگنے کے دو ہفتے بعد ہی آپ کے جسم میں کورونا کے خلاف ضروری طاقت پیدا ہوجائے گی۔ اس لئے ٹیکہ لگتے ہی آپ بداحتیاطی برتنے لگیں، ماسک نکال کر رکھ دیں، دو گز کی دوری بھول جائیں، یہ سب مت کریئے گا۔ میں التجا کرتا ہوں مت کریئے گا اور میں آپ کو ایک اور چیز بہت گزارش کے ساتھ کہنا چاہتاہوں۔ جس طرح حوصلے کے ساتھ آپ نے کورونا کا مقابلہ کیا،ویسا ہی حوصلہ اب ویکسی نیشن کے وقت بھی دکھانا ہے۔
ساتھیو،
تاریخ میں اس قسم کا اور اتنی بڑی سطح پر ٹیکہ کاری مہم پہلے کبھی نہیں چلائی گئی ہے۔ یہ مہم کتنی بڑی ہے، اس کا اندازہ آپ صرف پہلے مرحلے سے ہی لگا سکتے ہیں۔ دنیا کے 100 سے بھی زیادہ ایسے ملک ہیں جن کی کُل آبادی تین کروڑ سے کم ہے۔ اور بھارت ویکسی نیشن کے اپنے پہلے مرحلے میں ہی تین کروڑ لوگوں کی ٹیکہ کاری کررہا ہے۔ دوسرے مرحلے میں ہمیں اس کو 30 کروڑ کی تعداد تک لے جانا ہے۔ جو بزرگ ہیں، جو سنگین بیماری میں مبتلا ہیں، انہیں اگلے والے مرحلے میں ٹیکہ لگے گا۔ آپ تصور کرسکتے ہیں، 30 کروڑ کی آبادی سے اوپر کے دنیا کے صرف تین ہی ملک ہیں۔ خود بھارت، چین اور امریکہ۔ اور کوئی بھی ملک ایسا نہیں ہے جن کی آبادی ان سے زیادہ ہو۔ اس لئے بھارت کی ٹیکہ کاری مہم اتنی بڑی ہے اور اس لئے یہ مہم بھارت کی طاقت کو دکھاتا ہے۔ اور میں ہم وطنوں کو ایک اور بات کہنا چاہتا ہوں۔ ہمارے سائنسداں، ہمارے ایکسپرٹس جب دونوں میڈ اِن انڈیا ویکسین کے تحفظ اور اثر کو لیکر مطمئن ہوئے تبھی انہوں نے اس کے ایمرجنسی استعمال کی اجازت دی ہے۔ اس لئے ہم وطنوں کو کسی بھی طرح کے پروپیگنڈے، افواہوں اور غلط معلومات سے بچ کر رہنا ہے۔
ساتھیو،
بھارت کے ویکسین سائنسداں، ہمارا میڈیکل سسٹم، بھارت کے عمل کا پوری دنیا میں بہت بھروسہ ہے اور پہلے سے ہے۔ ہم نے یہ اعتماد اپنے ٹریک ریکارڈ سے حاصل کیا ہے۔
میرے پیارے ہم وطنو،
ہر ہندوستانی اس بات پر فخر کریگا کہ ہندوستان بھر کے قریب 60 فیصد بچوں کو جو زندگی بچانے والے ٹیکے لگتے ہیں، وہ بھارت میں ہی بنتے ہیں، بھارت کے سخت سائنسی عمل سے ہی ہوکر گزرتے ہیں۔ بھارت کے سائنسدانوں اور ویکسین سے وابستہ ہماری مہارت پر دنیا کایہ اعتماد میڈ اِن انڈیا کورونا ویکسین میں اور مضبوط ہونے والا ہے۔ اس کی کچھ اور خاص باتیں ہیں جو آج میں اپنے ہم وطنوں کو ضرور بتانا چاہتا ہوں۔ یہ بھارتی ویکسین غیرملکی ویکسینوں کے مقابلےبہت سستی ہیں اور ان کا استعمال بھی اتنا ہی آسان ہے۔ بیرون ملک تو کچھ ویکسین ایسی ہیں جس کی ایک ڈوزن پانچ ہزار روپئے تک میں ہے اور جسے منفی 70 ڈگری درجہ حرارت میں فریج میں رکھنا ہوتا ہے۔ وہیں، بھارت کی ویکسین ایسی تکنیک پر بنائی گئی ہے، جو بھارت میں برسوں سے ٹرائیڈ اور ٹیسٹیڈ ہیں۔ یہ ویکسین اسٹوریج سے لیکر ٹرانسپورٹیشن تک بھارتی کے حالات اور صورتحال کے موافق ہیں۔ یہی ویکسین اب بھارت کو کورونا کے خلاف لڑائی میں فیصلہ کن فتح دلائے گی۔
ساتھیو،
کورونا سے ہماری لڑائی خود اعتمادی اور خود کفالت کی رہی ہے۔ اس مشکل لڑائی سے لڑنے کیلئے ہم اپنی خود اعتمادی کو کمزور نہیں پڑنے دیں گے، یہ عزم ہر بھارتی میں دکھائی دیا ہے۔ بحران کتنا ہی بڑا کیوں نہ ہو، ہم وطنوں نے کبھی خوداعتمادی کو نہیں کھویا ہے۔ جب بھارت میں کورونا پہنچا تب ملک میں کورونا ٹیسٹنگ کی ایک ہی لیب تھی۔ ہم نے اپنی طاقت پر یقین رکھا اور آج 2300 سے زیادہ کا لیبس کا نیٹ ورک ہمارے پاس ہے۔ شروعات میں ہم ماسک، پی پی ای کٹ، ٹیسٹنگ کٹس، وینٹی لیٹرس جیسے ضروری سامان کیلئے بھی دوسرے ملکوں پر منحصر تھے۔ آج ان سبھی سامانوں کے بنانے میں ہم خود کفیل ہوگئے ہیں اور ان کا برآمدبھی کررہے ہیں۔ خود اعتمادی اور خود کفالت کی اسی طاقت کو ہمیں ٹیکہ کاری کے اس دور میں بھی مضبوط کرنا ہے۔
ساتھیو،
عظیم تیلگو شاعر جناب گوراجاڈا اپّاراؤ نے کہا تھا۔ سونت لابھ کونت مانوکو، پوروگوواڈیکی توڈو پڈویو دیشمنٹے مٹی کادویی، دیشمنٹے منوشولویے! یعنی ہم دوسروں کے کام آئیں بغیرمفاد کا یہ جذبہ ہمارے اندر رہنا چاہئے۔ قوم صرف مٹی، پانی، کنکڑ، پتھر سے نہیں بنتا، بلکہ قوم کا مطلب ہوتا ہے، ہمارے لوگ۔ کورونا کے خلاف لڑائی کو پورے ملک نے اسی جذبے کے ساتھ لڑا ہے۔ آج جب ہم گزشتہ سال کو دیکھتے ہیں تو، ایک شخص کی شکل میں، ایک خاندان کی شکل میں، ایک قوم کی شکل میں ہم نے بہت کچھ سیکھا ہے، بہت کچھ دیکھا ہے، جانا ہے، سمجھا ہے۔
آج بھارت جب اپنا ٹیکہ کاری مہم شروع کررہا ہے، تو میں ان دنوں کو بھی یاد کررہا ہوں۔ کورونا بحران کا وہ دور جب ہر کوئی چاہتا تھا کہ کچھ کریں، لیکن اس کو اتنے راستے نہیں دکھائی دیتے تھے۔عام طور پر بیماری میں پورا کنبہ بیمار شخص کی دیکھ بھال کے لئے جٹ جاتا ہے۔ لیکن اس بیماری نے تو بیمار کو ہی اکیلا کردیا۔ کئی جگہوں پر چھوٹے چھوٹے بیمار بچوں کو ماں سے دور رہنا پڑا۔ ماں پریشان رہتی تھی، ماں روتی تھی، لیکن چاہ کر بھی کچھ کر نہیں پاتی تھی، بچے کو اپنی گود میں نہیں لے پاتی تھی۔ کہیں گزرباپ، اسپتال میں اکیلے، اپنی بیماری سے لڑنے کو مجبور تھے۔ بچے چاہ کر بھی اس کے پاس نہیں جاپاتے تھے۔ جو ہمیں چھوڑ کر چلے گئے، ان کو رواج کے مطابق وہ وداعی بھی نہیں مل سکی جس کے وہ حقدار تھے۔ جتنا ہم اس وقت کے بارے میں سوچتے ہیں، دل کانپ جاتا ہے، اُداس ہوجاتا ہے۔
لیکن ساتھیو،
بحران کے اسی دور میں، ناامیدی کے اسی ماحول میں، کوئی امید بھی پیداکررہا تھا، ہمیں بچانے کے لئے اپنی جانوں کو جوکھم میں ڈال رہا تھا۔ ہمارے ڈاکٹر، نرس، پیرامیڈیکل اسٹاف، ایمبولینس ڈرائیور، آشا ورکر، صفائی ملازمین، پولیس کے ساتھی اور دوسرے فرنٹ لائن ورکرس۔ انہوں نے ا نسانیت کے لئے اپنے فرائض کو ترجیح دی۔ ان میں سے زیادہ تر تب اپنے بچوں، اپنے خاندان سے دور رہے، کئی کئی دن تک گھر نہیں گئے۔ سینکڑوں ساتھی ایسے بھی ہیں جو کبھی گھر واپس لوٹ ہی نہیں پائے، انہوں نے ایک ایک زندگی کو بچانے کے لئے اپنی زندگی وقف کردی ہے۔ اس لئے آج کورونا کا پہلا ٹیکہ صحت خدمات سے جڑے لوگوں کو لگاکر، ایک طرح سے سماج اپنا قرض اداکررہا ہے۔ یہ ٹیکہ ان سبھی ساتھیوں کے لئے ممنون قوم کا خراج تحسین بھی ہے۔
بھائیو اور بہنو،
انسانی تاریخ میں متعدد مصیبتیں آئیں، وبائیں آئیں، سخت جنگ ہوئی، لیکن کورونا جیسے چیلنج کا کسی نے تصور نہیں کیا تھا۔ یہ ایک ایسی وبا تھی جس کا تجربہ نہ تو سائنس کو تھا اور نہ ہی سوسائٹی کو۔ تمام ملکوں سے جو تصویریں آرہی تھیں، جو خبریں آرہی تھیں، وہ پوری دنیا کے ساتھ ساتھ ہر ہندوستانی کو پریشان کررہی تھیں۔ ایسے حالات میں دنیا کے بڑے بڑے ماہرین بھارت کو لیکر تمام خدشات کا اظہار کررہے تھے۔
لیکن ساتھیو،
بھارت کی جس بہت بڑی آبادی کو ہماری کمزوری بتایا جارہا تھا، اس کو ہی ہم نے اپنی طاقت بنالیا۔ بھارت میں حساسیت اور ہم شرکت کو لڑائی کی بنیاد بنایا۔ بھارت نے چوبیس گھنٹے محتاط رہتے ہوئے، ہر واقعے پر نظر رکھتے ہوئے،صحیح وقت پر صحیح فیصلے لئے۔ 30 جنوری کو بھارت میں کورونا کا پہلا معاملہ ملا، لیکن اس کے دو ہفتے سے بھی پہلے بھارت ایک اعلیٰ سطحی کمیٹی بناچکا تھا۔ پچھلے برس آج کا ہی دن تھا جب ہم نے باقاعدہ نگرانی کاکام شروع کردیا تھا۔ 17 جنوری 2020 وہ تاریخ تھی جب بھارت نے اپنی پہلی ایڈوائزری جاری کردی تھی۔ بھارت دنیا کے ان پہلے ملکوں میں سے تھا جس نے اپنے ہوائی اڈوں پر مسافروں کی اسکریننگ شروع کردی تھی۔
ساتھیو،
کورونا کے خلاف لڑائی میں بھارت نے جیسی قوت ارادی دکھائی ہے، جو حوصلہ دکھایا ہے، جو اجتماعی قوت کا متعارف کروایا ہے، وہ آنے والی متعدد نسلوں کیلئے تحریک کاکام کریگا۔ یاد کیجئے جنتا کرفیو، کورونا کے خلاف ہمارے سماج کے صبر وضبط اور نظم ونسق کا بھی امتحان تھا، جس میں ہر شہری کامیاب ہوا۔ جنتا کرفیو نے ملک کو نفسیاتی اعتبار سے لاک ڈاؤن کیلئے تیار کیا۔ ہم نے تالی- تھالی اور دیا جلا کر، ملک کے خوداعتمادی کو بلند رکھا۔
ساتھیو،
کورونا جیسے انجان دشمن، جس کے ایکشن- ری ایکشن کو بڑے بڑے طاقتور ملک نہیں بھانپ رہے تھے، اس کے انفیکشن کو روکنے کا سب سے مؤثر طریقہ ہی یہی تھا کہ جو جہاں ہے، وہ وہیں رہے۔ اس لئے ملک میں لاک ڈاؤن کا فیصلہ بھی کیا گیا۔ یہ فیصلہ آسان نہیں تھا۔ اتنی بڑی آبادی کو گھر کے اندر رکھنا ناممکن ہے، اس کا ہمیں احساس تھا اور یہاں تو ملک میں سب کچھ بند ہونے جارہا تھا، لاک ڈاؤن ہونے جارہا تھا۔ اس کا لوگوں کی روزی روٹی پر کیا اثر پڑے گا، معیشت پر کیا اثر پڑے گا اس کااندازہ بھی ہمارے سامنے تھا۔ لیکن ملک نے ‘جان ہے تو جہان ہے’ کے منتر پر چلتے ہوئے ہر ایک بھارتی شہری کی زندگی بچانے کو اولین ترجیح دی۔ اور ہم سبھی نے یہ دیکھا ہے کہ کیسے فوراً ہی پورا ملک، پورا سماج، اس جذبے کے ساتھ کھڑا ہوگیا۔ کئی بار چھوٹی چھوٹی لیکن اہم چیزوں کی جانکاری دینے کے لئے میں نے بھی متعدد بارہم وطنوں کے ساتھ براہ راست گفتگو کی۔ ایک طرف جہاں غریبوں کو مفت کھانے کا انتظام کیا گیاتو وہیں دودھ، سبزی ، راشن، گیس ، دوا، ضروری اشیاءکی بلاروکاوٹ سپلائی یقینی بنائی گئی ملک میں انتظامات ٹھیک سے چلیں ، اس کے لئے وزارت داخلہ نے 24x7 کنٹرول روم شروع کیا جس پر ہزاروں کالس کا جواب دیا گیا ہے، لوگوں کو حل دیا گیا ہے۔
ساتھیو،
کورونا کے خلاف اس لڑائی میں ہم نے قدم قدم پر دنیا کے سامنے مثال پیش کیا ہے۔ ایسے وقت میں جب کچھ ملکوں نے اپنے شہریوں کو چین میں بڑھتے کورونا کے بیچ چھوڑ دیا تھا، تب بھارت، چین میں پھنسے ہر بھارتی کو واپس لیکر آیا۔ اور صرف بھارت کے ہی نہیں، ہم کئی دوسرے ملکوں کے شہریوں کو بھی وہاں سے واپس نکال کر لائے۔ کورونا کے دور میں وندے بھارت مشن کے تحت 45 لاکھ سے زیادہ بھارتیوں کو بیرون ملک سے بھارت لایاگیا۔ مجھے یاد ہے، ایک ملک میں جب بھارتیوں کو ٹیسٹ کرنے کے لئے مشینیں کم پڑرہی تھیں تو بھارت نے پورے ٹیسٹنگ لیب یہاں سے وہاں بھیج کرکے اس کو وہاں سجایا لگایا تاکہ وہاں سے بھارت آرہے لوگوں کو ٹیسٹنگ کی دقت نہ ہو۔
ساتھیو،
بھارت نے اس وبا سے جس طرح سے مقابلہ کیا،اس کا لوہا آج پوری دنیا مان رہی ہے۔ مرکز اور ریاستی حکومتیں، مقامی بلدیاتی ادارے، ہر سرکاری ادارے، سماجی ادارے، کیسےاکٹھا ہوکر بہتر کام کرسکتے ہیں، یہ مثال بھی بھارت نے دنیا کے سامنے پیش کیا۔ اسرو، ڈی آر ڈی او ، فوج سے لیکر کسانوں اورمزدوروں تک، سبھی ایک عہد کے ساتھ کیسے کام کرسکتے ہیں، یہ بھارت نے دکھایا ہے۔ ‘دو گز کی دوری اور ماسک ہے ضروری’ اس پر فوکس کرنے والوں میں بھی بھارت سرکردہ ملکوں میں رہا۔
بھائیو اور بہنو،
آج انہیں سب کوششوں کا نتیجہ ہے کہ بھارت میں کورونا سے ہونےوالی اموات کی شرح کم ہے اور ٹھیک ہونے والوں کی شرح بہت زیادہ ہے۔ ملک کے کئی ایسے ضلع ہیں جہاں ایک بھی شخص کو ہمیں کورونا کی وجہ سے کھونا نہیں پڑا۔ ان ضلعوں میں ہر شخص کورونا سے ٹھیک ہونے کے بعد اپنے گھر پہنچا ہے۔ بہت سے ضلع ایسے بھی ہیں، جہاں گزشتہ دو ہفتے سے کورونا انفیکشن کا ایک بھی معاملہ سامنے نہیں آیا ہے۔ یہاں تک کہ لاک ڈاؤن سے متاثرہ معیشت کی ری کوری میں بھی بھارت دنیا میں آگے نکل رہا ہے۔ بھارت ان گنے چنے ملکوں میں سے ہے جس نے مشکل کے باوجود دنیا کے 150 سے زیادہ ملکوں میں ضروری دوائیں اور ضروری میڈیکل امداد پہنچائی۔ پیراسیٹامول ہو، ہائیڈروکسی- کلوکوئن ہو، ٹیسٹنگ سے جڑا سامان ہو، بھارت نے دوسرے ملک کے لوگوں کو بھی بچانے کی ہر ممکن کوشش کی۔ آج جب ہم نے اپنی ویکسین بنالی ہے، تب بھی بھارت کی طرف دنیا امید کی نظروں سے دیکھ رہی ہے۔ ہماری ٹیکہ کاری مہم جیسے جیسے آگے بڑھے گی، دنیا کے متعدد ملکوں کو ہمارے تجربات کا فائدہ ملے گا۔ بھارت کی ویکسین، ہماری پیداواری صلاحیت، پوری انسانیت کے مفاد میں کام آئے، یہ ہمارا عزم ہے۔
بھائیو اور بہنو،
یہ ٹیکہ کاری ابھیان ابھی لمبا چلے گا۔ ہمیں ایک ایک فرد کی زندگی کو بچانے میں تعاون دینے کا موقع ملا ہے۔ اس لئے اس ابھیان سے وابستہ عمل کو، اس عمل کا حصہ بننے کیلئے بھی ملک میں رضاکار آگے آرہے ہیں۔ میں ان کا استقبال کرتا ہوں، اور بھی زیادہ رضاکاروں کو میں اپنا وقت اس خدمت کے کام میں جوڑنے کیلئے ضرور گزارش کروں گا۔ ہاں، جیسا میں نے پہلے کہا، ماسک، دو گز کی دوری اور صاف صفائی، یہ ٹیکے کے دوران بھی اور بعد میں بھی ضرور رہیں گے۔ ٹیکہ لگ گیا تو اس کا مطلب یہ نہیں کہ آپ کورونا سے بچاؤ کے دوسرے طریقے چھوڑ دیں۔ اب ہمیں نیا عہد لینا ہے۔ دوائی بھی، کڑائی بھی! آپ سبھی صحتمند رہیں، اسی تمنا کے ساتھ اس ٹیکہ کاری ابھیان کے لئے پورے ملک کو بہت بہت نیک خواہشات پیش کرتا ہوں۔ملک کے سائنسدانوں ، محققین کا، لیب میں جڑے ہوئے سب لوگوں کا جنہوں نے پورے سال ایک رشی کی طرح اپنی لیب میں زندگی بسر کردی اور یہ ویکسین ملک اور انسانیت کو دی ہے۔ میں ان کو بھی خاص طور سے نیک خواہشات پیش کرتا ہوں، ان کا شکریہ ادا کرتا ہوں۔ میری آپ سب کو بہت بہت نیک تمنائیں ہیں۔ آپ جلد اس کا فائدہ اٹھائیں۔ آپ بھی صحتمند رہیں، آپ کاکنبہ بھی صحتمند رہے۔ پوری بنی نوع انساں اس بحران کی گھڑی سے باہر نکلے اور صحتمندی ہم سب کو حاصل ہو، اسی طرح تمنا کے ساتھ آپ کا سب کا بہت بہت شکریہ!
आज वो वैज्ञानिक, वैक्सीन रिसर्च से जुड़े अनेकों लोग विशेष प्रशंसा के हकदार हैं, जो बीते कई महीनों से कोरोना के खिलाफ वैक्सीन बनाने में जुटे थे।
— PMO India (@PMOIndia) January 16, 2021
आमतौर पर एक वैक्सीन बनाने में बरसों लग जाते हैं।
लेकिन इतने कम समय में एक नहीं, दो मेड इन इंडिया वैक्सीन तैयार हुई हैं: PM
मैं ये बात फिर याद दिलाना चाहता हूं कि कोरोना वैक्सीन की 2 डोज लगनी बहुत जरूरी है।
— PMO India (@PMOIndia) January 16, 2021
पहली और दूसरी डोज के बीच, लगभग एक महीने का अंतराल भी रखा जाएगा।
दूसरी डोज़ लगने के 2 हफ्ते बाद ही आपके शरीर में कोरोना के विरुद्ध ज़रूरी शक्ति विकसित हो पाएगी: PM#LargestVaccineDrive
इतिहास में इस प्रकार का और इतने बड़े स्तर का टीकाकरण अभियान पहले कभी नहीं चलाया गया है।
— PMO India (@PMOIndia) January 16, 2021
दुनिया के 100 से भी ज्यादा ऐसे देश हैं जिनकी जनसंख्या 3 करोड़ से कम है।
और भारत वैक्सीनेशन के अपने पहले चरण में ही 3 करोड़ लोगों का टीकाकरण कर रहा है: PM#LargestVaccineDrive
दूसरे चरण में हमें इसको 30 करोड़ की संख्या तक ले जाना है।
— PMO India (@PMOIndia) January 16, 2021
जो बुजुर्ग हैं, जो गंभीर बीमारी से ग्रस्त हैं, उन्हें इस चरण में टीका लगेगा।
आप कल्पना कर सकते हैं, 30 करोड़ की आबादी से ऊपर के दुनिया के सिर्फ तीन ही देश हैं- खुद भारत, चीन और अमेरिका: PM#LargestVaccineDrive
भारत के वैक्सीन वैज्ञानिक, हमारा मेडिकल सिस्टम, भारत की प्रक्रिया की पूरे विश्व में बहुत विश्वसनीयता है।
— PMO India (@PMOIndia) January 16, 2021
हमने ये विश्वास अपने ट्रैक रिकॉर्ड से हासिल किया है: PM#LargestVaccineDrive
कोरोना से हमारी लड़ाई आत्मविश्वास और आत्मनिर्भरता की रही है।
— PMO India (@PMOIndia) January 16, 2021
इस मुश्किल लड़ाई से लड़ने के लिए हम अपने आत्मविश्वास को कमजोर नहीं पड़ने देंगे, ये प्रण हर भारतीय में दिखा: PM#LargestVaccineDrive
संकट के उसी समय में, निराशा के उसी वातावरण में, कोई आशा का भी संचार कर रहा था, हमें बचाने के लिए अपने प्राणों को संकट में डाल रहा था।
— PMO India (@PMOIndia) January 16, 2021
हमारे डॉक्टर, नर्स, पैरामेडिकल स्टाफ, एंबुलेंस ड्राइवर, आशा वर्कर, सफाई कर्मचारी, पुलिस और दूसरे Frontline Workers: PM#LargestVaccineDrive
भारत ने 24 घंटे सतर्क रहते हुए, हर घटनाक्रम पर नजर रखते हुए, सही समय पर सही फैसले लिए।
— PMO India (@PMOIndia) January 16, 2021
30 जनवरी को भारत में कोरोना का पहला मामला मिला, लेकिन इसके दो सप्ताह से भी पहले भारत एक हाई लेवल कमेटी बना चुका था।
पिछले साल आज का ही दिन था जब हमने बाकायदा सर्विलांस शुरु कर दिया था: PM
17 जनवरी, 2020 वो तारीख थी, जब भारत ने अपनी पहली एडवायजरी जारी कर दी थी।
— PMO India (@PMOIndia) January 16, 2021
भारत दुनिया के उन पहले देशों में से था जिसने अपने एयरपोर्ट्स पर यात्रियों की स्क्रीनिंग शुरू कर दी थी: PM#LargestVaccineDrive
जनता कर्फ्यू, कोरोना के विरुद्ध हमारे समाज के संयम और अनुशासन का भी परीक्षण था, जिसमें हर देशवासी सफल हुआ।
— PMO India (@PMOIndia) January 16, 2021
जनता कर्फ्यू ने देश को मनोवैज्ञानिक रूप से लॉकडाउन के लिए तैयार किया।
हमने ताली-थाली और दीए जलाकर, देश के आत्मविश्वास को ऊंचा रखा: PM#LargestVaccineDrive
ऐसे समय में जब कुछ देशों ने अपने नागरिकों को चीन में बढ़ते कोरोना के बीच छोड़ दिया था, तब भारत, चीन में फंसे हर भारतीय को वापस लेकर आया।
— PMO India (@PMOIndia) January 16, 2021
और सिर्फ भारत के ही नहीं, हम कई दूसरे देशों के नागरिकों को भी वहां से वापस निकालकर लाए: PM#LargestVaccineDrive
मुझे याद है, एक देश में जब भारतीयों को टेस्ट करने के लिए मशीनें कम पड़ रहीं थीं तो भारत ने पूरी लैब भेज दी थी ताकि वहां से भारत आ रहे लोगों को टेस्टिंग की दिक्कत ना हो: PM#LargestVaccineDrive
— PMO India (@PMOIndia) January 16, 2021
भारत ने इस महामारी से जिस प्रकार से मुकाबला किया उसका लोहा आज पूरी दुनिया मान रही है।
— PMO India (@PMOIndia) January 16, 2021
केंद्र और राज्य सरकारें, स्थानीय निकाय, हर सरकारी संस्थान, सामाजिक संस्थाएं, कैसे एकजुट होकर बेहतर काम कर सकते हैं, ये उदाहरण भी भारत ने दुनिया के सामने रखा: PM#LargestVaccineDrive
