وزیر اعظم نے مہاراشٹر میں پرائم منسٹر آواس یوجنا ۔ گرامین (پی ایم اے وائی ۔ جی) کے استفادہ کنندگان کو گرہ پرویش کے موقع پر ان کے مکانات کی چابیاں سونپیں۔
مجھے دشہرہ کے موقع پر عوام کے درمیان اپنی موجودگی سے ملک و قوم کی بہتری کے لئے کام کرنے کی توانائی اور طاقت ملتی ہے : وزیر اعظم مودیiسائیں بابا کی تعلیمات ہمیں ایک متحدہ اور مضبوط سماج کی تشکیل کا اصول فراہم کراتی ہیں اور محبت کے ساتھ انسانیت کی خدمت کی ترغیب دیتی ہیں: وزیر اعظم مودیلوگوں کو ان کے مکانات دیا جانا غریبی سے لڑنے کی سمت میں ایک زبردست قدم ہے: وزیر اعظم مودیگذشتہ چار برسوں میں ہماری حکومت نے 1.25 کروڑ مکانات تعمیر کرائے ہیں : وزیر اعظم مودیوزیر اعظم مودی نے مہاراشٹر کو کھلے میں رفع حاجت سے مبرا بنانے کے لئے ریاست کے عوام کی ستائش کی۔آیوشمان بھارت کے تحت، جدید طبی سہولیات کا ایک نیا ڈھانچہ تیار کیا جا رہا ہے: وزیر اعظم مودیوزیر اعظم مودی نے مہاراشٹر میں خوشک سالی کی سنگین صورت حال کے سدباب کے لئے کی جانے والی سرکارکی کوششوں کی اہمیت پر زور دیا۔نئی دہلی،20/ اکتوبر اسٹیج پر موجود مہاراشٹر کے گورنر محترم ساگر راؤ جی، مہاراشٹر کے وزیر اعلیٰ جناب دیویندر جی،اسمبلی کے اسپیکر ہری بابو جی، وزرا کی کونسل کے میرے ساتھی جناب سبھاش دھامرے جی، سائیں بابا سنستھان ٹرسٹ کے چیئرمین محترم سریش ہاورے جی، مہاراشٹر کے تمام وزرا، پارلیمنٹ کے میرے ساتھی ، مہاراشٹر کے ارکان اسمبلی اور یہاں بڑی تعداد میں موجود میرے پیارے بھائیو اور بہنوں آپ سبھی کو، پورے مہاراشٹر، پورے ہندوستان کو اور ملک کے تمام عوام کو دسہرے اور وجے دشمی کی بہت بہت مبارکباد۔
ہم سبھی کی یہ کوشش رہتی ہے کہ ہر سال تہوار کو اپنوں کے ساتھ منائیں، میری بھی یہ کوشش رہتی ہے کہ ہر تہوار ملک کے عوام کے ساتھ جاکرکے مناؤں۔ اسی جذبے کے ساتھ آج آپ سبھی کے درمیان حاضر ہونے کا مجھے موقع ملا ہے۔ جس طرح آپ سبھی دسہرے کے مبارک موقع پر بڑی تعداد میں یہاں مجھے آشیرواد دینے آئے ہیں اور میں دیکھ رہا ہوں کہ کہیں جگہ بھی نہیں بچی، آدھے لوگ تو دھوپ میں کھڑے ہیں۔ میں آپ سب کا اور آپ کا یہی اپنا پن، یہی میری لیاقت ہے اور آپ کی اس محبت کے لیے ، آپ کی یہ محبت مسلسل نئی توانائی بخشتی ہے، مجھے طاقت دیتی ہے۔
ساتھیو! دسہرے کے ساتھ ساتھ ہم آج شرڈی کی اس پاکیزہ سرزمین پر ایک اور پاکیزہ موقع کے شاہد بن رہے ہیں، سائیں بابا کی سمادھی کی صد سالہ تقریب کو بھی آج پورا ہونے کا، مکمل ہونے کا، اختتام پذیر ہونے کا یہ موقع تھا۔ تھوڑی دیر قبل ہی مجھے سائیں بابا کے درشن میں، ان کا آشیرواد حاصل کرنے کا موقع ملا، میں جب بھی پوجیہ سائیں بابا کا درشن کرتاہوں، ان کو یاد کرتاہوں تو کروڑوں عقیدتمندوں کی طرح جیسے آپ لوگوں کے دل میں جذبہ جاگتا ہے ویسے ہی عوامی خدمت کا جذبہ اور عوامی خدمت کے لیے خود کو وقف کرنے کا ایک نیا ولولہ اس سرزمین پر سے ملتا ہے۔
بھائیو اور بہنو! شرڈی کے ذرّے ذرّے میں سائیں کے منتر، ان کی سیکھ ہے۔ عوامی خدمت ، ایثار اور تپسیا کی جب بات ہوتی ہے تو شرڈی کی مثال ہر کوئی پیش کرتا ہے۔ یہ ہمارا شرڈی تاتیہ پاٹل جی کی نگری ہے، یہ دادا کوتے پاٹل جی نگری ہے، یہ مادھو راؤ دیش پانڈے، مالساپتی جیسے عظیم انسان اسی سرزمین نے دیئے ہیں۔ کاشی رام شپی اور اپّا جاگلے، سائیں بابا کے آخری وقت تک خدمت کرتے رہے۔ کونڈا جی، گوا جی اور تکارام کو کون بھول سکتا ہے۔ اس پاک سرزمین کے عظیم فرزندوں کو میں سلام کرتا ہوں۔
بھائیو اور بہنو! سائیں کا منتر ہے سب کا مالک ایک ہے۔ سائیں کے چار لفظ جیسے معاشرے کو ایک کرنے کا بنیادی مقولہ بن گئے ہیں۔ سائیں سماج کے تھے اور سماج سائیں کا تھا۔ سائیں نے سماج کی خدمت کے کچھ راستے بتائے تھے اور مجھے خوشی ہے کہ سائیں بابا کے دکھائے راستے پر شری سائیں سنستھان، ٹرسٹ مسلسل سماج کی خدمت کر رہا ہے۔
تعلیم کے ذریعے سے سماج کو بااختیار بنانا ہو، روحانیت کے ذریعے خیالات میں تبدیلی لانی ہو، سماج میں یکسانیت اور ساتھ ساتھ رہنے کے جذبے کو پھیلانا ہو ، اس کے لیے آپ کی کوشش بہت ہی قابل ستائش ہے۔
آج بھی اس سرزمین پر عقیدت، روحانیت اور ترقی سے جڑے متعدد پروجیکٹوں کی شروعات ہوئی ہے اور میں مہاراشٹر سرکار کو مبارکباد دیتا ہوں کہ غریبوں کی بہبود کے اتنے بڑے منصوبے کے لیے اس سے بڑھ کر کے کوئی جگہ نہیں ہوسکتی۔ سائیں کے قدموں میں بیٹھ کرکے غریبوں کے لیے کام کرنا اس سے بڑی سعادت کیا ہوسکتی ہے اور اس لیے مہاراشٹر حکومت مبارکباد کی مستحق ہے۔ درشن کرنے والوں کے لیے بننے والے کیمپس کے بھومی پوجن کے موقع پر موجود ہونے پر مجھے خوشی ہو رہی ہے۔ آج ہی کے دن سائیں بابا انگلش میڈیم اسکول کنیا ودھیالیہ اور کالج کی بنیاد رکھی جارہی ہے۔ مجھے پورا یقین ہے کہ سائیں کی زندگی اور فلسفے کو لے کر شروع ہونے والے سائیں نولج پارک سے لوگوں کو سائیں کی سیکھ سمجھنے میں اور آسانی ہوگی۔
ساتھیو، آج یہاں 10 میگاواٹ کی ایک سولر یونٹ کا کام بھی شروع ہوا ہے۔ اس سے سنستھان کے وسائل بڑھیں گے اور صاف ستھری توانائی میں سنستھان کی بہت حصے داری ہوگی۔ ایک طرح سے سائیں ٹرسٹ کی جانب سے کروڑوں عقیدتمندوں کے لیے اس دسہرہ کو وجے دشمی کا ایک بہت بڑا تحفہ ہے۔
ساتھیو، نوراتر سے لے کر دیوالی تک سال کا یہ وقت ہوتا ہے جب ہمارے ملک کے لوگ گھر، گاڑی، گہنے جیسے کئی سامان خریدتے ہیں، جس کی جتنی حیثیت ہوتی ہے اسی حساب سے پیسے بچاتا ہے اور اپنے خاندان کو تحفہ دیتا ہے۔ مجھے خوشی ہے کہ دسہرے کے اس مبارک موقع پر مجھے مہاراشٹر کے ڈھائی لاکھ بھائیوں اور بہنوں کو اپنا گھر سونپنے کا موقع ملا ہے۔
میرے وہ بھائی بہن جن کے لیے خود کا گھر ہمیشہ ہی خواب رہا ہے، اپنے اس عظیم خاندان کے ارکان کو ایک ساتھ گرہ پرویش کرانے سے اس سے بڑی اپنے غریب بھائیوں اور بہنوں کی خدمت میں سمجھتا ہوں، دسہرے کی پوجا بھلا میرے لئے اس خدمت سے بڑی کیا ہوسکتی ہے۔ آپ سبھی لوگوں کو پردھان منتری آواس یوجنا کے تحت بنے ان نئے گھروں کی آپ کی زندگی میں آئے اس مبارک موقع کی آپ سبھی کو بہت بہت مبارکباد دیتا ہے۔ یہ نئے گھر آپ کے اپنے خوابوں کی علامت تو ہیں ہی۔ آپ کی امیدوں کو نئی جہت دینے والے بھی ہیں۔ اب آپ کی زندگی، آپ کے بچوں کی زندگی بامعنی تبدیلی کے راستے پر آگے بڑھ چکی ہیں۔ یہ غریبی پر فتح کی طرف ایک بہت بڑا پہلا اہم قدم ہے۔
ساتھیو، اپنا گھر زندگی کو آسان بنادیتا ہے اور غریبی سے لڑنے کا نیا جوش پیدا کرتا ہے۔ ایک احترام کا جذبہ پیدا ہوتا ہے۔ اسی کو دھیان میں رکھتے ہوئے ہم نے سوچا ہے کہ 2022، بھارت کی آزادی کے 75 سال ہوں گے۔ ملک کے ہر بے گھر غریب خاندان کو اس کا خود کا گھر دینے کا نشانہ رکھ کرکے ہم کام کر رہے۔
مجھے خوشی ہے کہ قریب قریب آدھا راستہ ہم اتنی کم مدت میں پار کرچکے ہیں۔ بھائیو اور بہنو، غریب ہو یا متوسط طبقے کا خاندان، گذشتہ چار برسوں میں اسے جھگی سے، کرایے کے مکان سے نکال کر اپنا گھر دینے کی سمت میں حکومت نے سنجیدہ کوششیں کی ہیں۔ کوششیں پہلے بھی ہوئی ہیں لیکن بدقسمتی سے ان کا مقصد غریبوں کو گھر دے کر غریبوں کو بااختیار بنانے کی بجائے ایک خاص خاندان کے نام کا پروپیگنڈہ کرنا یہی ان کا مقصد تھا۔ ووٹ بینک تیار کرنا یہی ان کا مقصد تھا۔ گھر اچھا ہو، اس میں ٹوائلٹ ہو، بجلی ہو، پانی ہو، گیس کا کنکشن ہو۔ اس پر پہلے کبھی سوچا ہی نہیں گیا۔ جب کسی منصوبے کی بنیاد میں سیاسی فائدہ وہ مرکز میں نہیں ہوتا ہے، سیاسی فائدے کی بجائے صرف اور صرف غریب کی بہبود ہوتی ہے تو اس کی زندگی کو آسان بنانے کی تحریک ملتی ہے تب کام کی رفتار کیسے بڑھتی ہے یہ آج ملک کے سامنے جیتی جاگتی مثال ہے۔
ساتھیو، پہلے جو حکومت تھی، اس پچھلی حکومت نے اپنے آخری چار سال کی مدت میں پورے ملک میں صرف پچیس لاکھ گھر بنائے تھے۔ چار سال میں پچیس لاکھ۔۔۔۔ کتنے ۔۔۔۔ ذرا بولئے نہ کیا ہو ۔۔۔۔۔ چار سال میں کتنے گھر بنائے تھے؟ چار سال میں کتنے گھر بنائے تھے؟ 25 لاکھ، جبکہ گذشتہ چار برسوں میں ہماری حکومت بننے کے بعد بھارتیہ جنتا پارٹی کی قیادت والی حکومت کے مرکز میں آنے کے بعد ایک کروڑ 25 لاکھ گھر بنائے ہیں۔ ان کے چار سال کے 25 لاکھ اور ہمارے چار سال کے ایک کروڑ 25 لاکھ۔
اگر وہی حکومت ہوتی تو اتنے گھر بنانے کے لیے 20 سال لگ جاتے۔۔۔۔ 20 سال اور آپ کو بھی 20 سال تک اس گھر کے لیے انتظار کرنا پڑتا۔ تیز رفتار سے کام کرنے والی حکومت غریبوں کو تیز رفتار سے کیسے کام دیتی ہے اس کی یہ مثال ہے۔ اور آپ دیکھئے سب کچھ تو وہی ہے۔ وہی ذرائع، وہی وسائل، وہی لوگ لیکن صاف نیت سے غریب کی خدمت کے جذبے سے جب کام ہوتا ہے تو ایسے ہی تیز رفتار سے نتیجے بھی ملتے ہیں۔
بھائیو اور بہنو! پہلے کی حکومت نے ایک مکان بنانے میں قریب قریب 18 مہینے لگائے تھے، ڈیڑھ سال لگتا تھا اس حکومت میں ایک سال کے اندر اندر 12 مہینے سے بھی کم مدت میں گھر تیار ہوجاتا ہے۔ وقت تو کم ہوا ہی ہے ہم نے گھر کا سائز بھی بڑھایا ہے اس کے ساتھ ساتھ گھر بنانے کے لیے سرکاری مدد کو بھی 70 ہزار روپئے سے بڑھا کرکے ایک لاکھ 20 ہزار روپئے کردیا گیا ہے۔ سب سے اہم بات یہ ہے کہ پیسے سیدھے بینک کھاتے میں جمع ہو رہے ہیں۔ اور اس استفادہ کنندگان کا انتخاب سائنسی اور شفاف طریقے سے ہو رہا ہے۔ اتنا ہی نہیں یہ گھر پائیدار ہو، اس میں ٹوائلٹ سمیت ساری بنیادی سہولتیں ہوں، اس پر بھی خاص توجہ دی جارہی ہے۔
میں ایک بار پھر پردھان منتری آواس یوجنا کے تحت آج اپنا گھر حاصل کرنے والوں کو دل سے بہت بہت مبارکباد دیتا ہوں ۔ اور مجھے جب آج کچھ خاندانوں سے الگ الگ ضلعوں میں بات کرنے کا موقع ملا ان بہنوں کی خود اعتمادی، ان کے چہرے کی خوشی، مجھے کتنی مسرت ملتی تھی، آپ تصور نہیں کرسکتے جب میرا کوئی غریب خاندان اس کے چہرے پر خوشی نظر آتی ہے تو زندگی کام کرنے کی جیسےسرشار ہوجاتی ہے۔ نیا کام کرنے کی توانائی مل جاتی ہے، آج ان سبھی بہنوں نے جو آشیرواد دیئے میں پھر ایک بار اس عزم کو دہراتا ہوں کہ آپ کی خدمت کے لیے ہم پل پل اپنی زندگی آپ کے لیے کھپاتے رہیں گے۔
بھائیو اور بہنو! ملک کے ہر گھر کو ٹوائلٹ کی سہولت سے جوڑنے کی مہم اب آخری مرحلے پر ہے۔ مہاراشٹر نے تو اس معاملے میں قابل تعریف کام کیا ہے۔ آپ سبھی نے پورے مہاراشٹر نے خود کو کھلے میں رفع حاجت سے پاک قرار دیا ہے۔ اس کے لیے ریاست کے 11 کروڑ شہریوں کو بھی میں بہت بہت مبارکباد دیتا ہوں۔ اس سے مہاراشٹر کے گاؤں اور گلیاں صاف ستھری تو رہیں گی ہی، ساتھ میں ڈائریاں جیسے متعدد امراض سے غریب کسان خاندانوں کے بچوں کی زندگی محفوظ رہے گی۔
ساتھیو! جب غریبوں کی زندگی اور صحت کی بات آتی ہے۔ جو آج کل پوری دنیا میں آیوشمان بھارت یعنی پی ایم جے اے وائی پردھان منتری جن آروگیہ یوجنا کی بڑی چرچا ہو رہی ہے۔ اس کے تحت ہر سال ملک کے قریب پچاس کروڑ شہریوں کو سنگین مرض کی صورت میں مفت علاج کو یقینی بنایا گیا۔
مہاراشٹر کے بھی لاکھوں خاندانوں تک اس منصوبے کا فائدہ پہنچ رہا ہے۔ ابھی تو اس کو شروع ہوئے مہینہ بھی نہیں ہوا ہے لیکن ملک بھر کے اسپتالوں میں قریب قریب ایک لاکھ مریض اس کا فائدہ حاصل کرچکے ہیں۔ اس منصوبے کی وجہ سے کسی غریب کی پتھری کا مفت علاج ہوا ہے۔ توکسی غریب کے ٹیومر کو ہٹایا گیا ہے۔ کسی کا پچاس ہزار کا میڈیکل کا بل بھرا گیا تو کسی کا تین لاکھ کا۔
ساتھیو! اس منصوبے کے تحت اب تک جو کلیم دیا گیا ہے وہ اوسطا فی کس تقریباً 20 ہزار روپیہ دیا گیا ہے۔ اب آپ سوچئے ہزاروں کی یہ رقم اس غریب کو اپنی جیب سے خرچ کرنی پڑ رہی تھی۔ وہ کر بھی نہیں پاتا تھا۔ اسی وجہ سے وہ اسپتال جانے سے بچتا تھا۔ اب سرکار اس غریب کے ساتھ کھڑی ہے۔ پیسے کی فکر مت کیجئے پہلے اپنا علاج کروایئے۔
ساتھیو! آیوشمان بھارت یوجنا کی وجہ سے ملک میں جدید میڈیکل انفراسٹرکچر کا نیا ڈھانچہ تیار ہو رہا ہے، خاص طور پر ٹیئر-II ٹیئر-IIIشہروں میں ہزاروں نئے اسپتال کھلنے کا امکان پیدا ہوا ہے۔ یہ اسپتال ملک کے نوجوانوں کے لیے روزگار کے لاکھوں نئے مواقع لے کر آئیں گے۔
بھائیو اور بہنو! معاشرے کا ہر طبقہ ، ہر فرد سکھی ہو، سب کی زندگی آسان اور باسہولت ہو اسی مقصد کے ساتھ سرکار کام کر رہی ہے۔ مجھے معلوم ہے کہ ریاست کے حصے ہمارے مہاراشٹر میں ورون دیو کی مہربانی کچھ کم ہوئی ہے، بارش کم ہوئی ہے۔ میں آپ کو یقین دلاتا ہوں کہ پردھان منتری فصل بیمہ یوجنا کے تحت اس کے ذریعے سے آپ کو جلد سے جلد راحت ملے گی ہی، اس کے علاوہ حکومت مہاراشٹر جو قدم اٹھائے گی اس میں مرکز بھی کندھے سے کندھا ملاکرکے پورا تعاون کرے گا۔
بھائیو اور بہنو! پانی کے اس بحران سے ملک کے کسانوں کو نکالنے کے لیے حکومت پردھان منتری کرشی سینچائی یوجنا کے تحت برسوں سے اٹکے ہوئے پروجیکٹوں کو پورا کرنے کا کام کر رہی ہے۔ اس کے تحت مہاراشٹر میں بھی کئی بڑے پروجیکٹوں پر کام چل رہا ہے۔ حکومت مہاراشٹر نے بھی اپنے جل یکت شور ابھیان کے ذریعے سے پانی کے بحران سے نمٹنے کی ایک بے مثال کوشش کی ہے۔ یہ بہت اطمینان کی بات ہے کہ اس ابھیان کی وجہ سے ریاست کے 16 ہزار گاؤں سوکھے سے پاک ہوچکے ہیں۔ اور قریب 9 ہزار گاؤں کو سوکھے سے نجات دلانے کا کام تیزی سے چل رہا ہے۔
میں مہاراشٹر کے لوگوں کی اس بات کے لیے بھی تعریف کروں گا کہ انھوں نے سینچائی ٹینکوں کی صفائی ڈی سلٹیشن کی مہم کو بہت کامیابی کے ساتھ چلایا ہے۔ آبپاشی کے ٹینکوں سے 9 کروڑ مربع میٹر کی سلٹ نکالنے کا کام آسان نہیں ہے لیکن آپ لوگوں نے عوامی شراکت سے ایک لاثانی کام کرکے پورے ملک کو راستہ دکھایا ہے۔ مجھے بتایا گیا ہے کہ یہی کام اگر کسی ٹھیکے دار کو دیدیتے تو 600 کروڑ سے بھی زیادہ خرچ ہوتا لیکن یہی کام آپ نے اپنی محنت سے کردکھایا ہے۔
ساتھیو! اگر فصل زیادہ بھی ہو اور اس کی مناسب قیمت بھی ملے اس کے لیے بھی مسلسل کوششیں کی جارہی ہیں۔ یہ ہماری حکومت ہے جس نے ایسے ایم ایس پی کو لیکر کسانوں کے برسوں پرانے مطالبے کو پورا کیا ہے۔ حکومت نے گنے سمیت خریف اور ربیع کی 21 فصلوں کو امدادی قیمت میں لاگت کے اوپر پچاس فیصد کا فائدہ مقرر کیا ہے۔ اس تاریخی فیصلے سے اس سال ملک کے کسانوں کو ہزاروں کروڑ روپئے کی فاضل آمدنی کو یقینی بنایا جاسکے گا۔
ساتھیو! کھیتی کے ساتھ ساتھ حکومت سیاحت کو بھی بڑھاوا دے رہی ہے۔ مہاراشٹر میں تو شرڈی جیسے عقیدت سے جڑے بڑے مقام پر تو دوسری جانب اجنتا ایلورا جیسے دلکش مقامات بھی ہیں جہاں دنیا بھر کے سیاح کھنچے چلے آتے ہیں۔ عقیدت، روحانیت اور تاریخ کو نوجوانوں کے روزگار سے جوڑنے کی ایک بہت بڑی مہم ہم نے شروع کی ہے۔
ملک کے ٹورسٹ سرکٹ کو آپس میں جوڑا جارہاہے۔ وہاں سہولتیں تیار کی جارہی ہیں۔ یہاں شرڈی میں بھی پچھلی بار جب یہ صد سالہ تقریب کا آغاز کرنے ہمارے قابل احترام صدر جمہوریہ آئے تھے، انھوں نے ایئرپورٹ کا تحفہ دیا تھا۔ مجھے کہا گیا ہے کہ یہاں سے اب جو فلائٹ چل رہی ہے ان میں آنے والے وقت میں اور اضافہ کیا جائے گا تاکہ ملک اور دنیا کا ہر ایک سائیں بھگت آسانی سے یہاں آکرکے درشن کرسکے۔
بھائیو اور بہنو، مہاراشٹر کی سرزمین نے ہمیشہ سماجی یکسانیت کا سبق ملک کو پڑھایا ہے۔ ویر شیواجی ہو، بابا صاحب بھیم راؤ امبیڈکر ہوں یا پھر پوجیہ مہاتما جیوتی با پھولے ہوں سب نے ان اقدار کو قائم کیا جو مساوات اور اتحاد کو سماجی طاقت مانتے ہیں۔ آپ نے ان عظیم سنتوں کا سبق ہمیشہ یاد رکھنا اور لالچ کے لیے سماج میں تفریق کرنے والی ہر طاقت ، ہر برائی کو ہمیں شکست دینی ہے۔ توڑنا آسان ہے جوڑنا بہت مشکل ہوتا ہے۔ ہمیں جوڑنے والی طاقت کو مستحکم کرنا ہے، توڑنے والی طاقتوں کو شکست دینی ہے۔ سب کا ساتھ سب کا وکاس اور ایک بھارت شریشٹھ بھارت کا یہی عزم اسی وجے دشمی کو ہمیں کرنا ہے اور اسی لئے میں آپ سبھی سے اصرار کروں گا کہ ہم سب اس پیغام کو لے کر کے آگے بڑھیں اور اسی پیغام کے راستے ہمیں آگے چلنا ہے۔ سائیں بابا نے جو راستہ دکھایا ہے اسی راستے پر ہمیں آگے چلنا ہے۔ مجھے بہت خوشی ہوئی۔
ساتھیو، آج میں اس پاکیزہ مقام پر ہوں صد سالہ تقریب کا اختتام کر رہا ہوں، اس 31 اکتوبر کو ریاست میں آپ سبھی کی حکومت چار سال پورے کرنے والی ہے۔ میں دیویندر فڑنویس جی اور ان کی پوری ٹیم کو پیشگی مبارکباد دیتا ہوں۔ آپ یوں ہی پوری طاقت سے مہاراشٹر کے باشندوں کی خدمت کرتے رہیں اور آپ کو یہاں کے عوام کا آشیرواد ملتا رہے۔ میری یہی خواہش ہے۔
اسی یقین کے ساتھ ایک بار پھر ان سبھی خاندانوں کو بہت بہت مبارکباد جن کو آج دسہرے کے دن خود کا اپنے من کا اپنے خوابوں کا گھر ملا ہے۔ یہ نئے گھر آپ کے خوابوں کو پورا کرنے کا ذریعہ بنیں ان گھروں میں رہتے ہوئے آپ اور آپ کے خاندان زندگی میں اور آگے بڑھیں، ترقی کریں، آپ کے بچے کامیابی کی نئی بلندیوں پر پہنچیں۔ اسی خواہش کے ساتھ میں اپنی بات ختم کرتا ہوں اور آپ سب کو اس مبارک موقع پر یہاں بلانے کے لیے، اس خدمت کا موقع دینے کے لیے، میں شری سائیں ٹرسٹ کا بھی ممنون ہوں۔ آنے والا ہر تہوار آپ سبھی کی زندگیوں میں خوشیاں لے کر کے آئے۔ اسی نیک خواہش کے ساتھ آپ سبھی کا بہت بہت شکریہ۔
شکریہ!
