نئی دہلی، 27 /نومبر 2020 ۔ وزیر اعظم جناب نریندر مودی ویکسین کے فروغ اور مینوفیکچرنگ کے عمل کا ذاتی طور پر جائزہ لینے کے لئے تین شہروں کا دورہ کریں گے۔ وہ احمدآباد میں زائیڈس بایوٹیک پارک، حیدرآباد میں بھارت بایوٹیک اور پونے میں سیرم انسٹی ٹیوٹ آف انڈیا کا دورہ کریں گے۔
کووڈ -19 کے خلاف جنگ میں بھارت کے فیصلہ کن دور میں داخل ہونے کے ساتھ، وزیر اعظم کے ان مراکز کے دورے اور سائنس دانوں کے ساتھ تبادلہ خیال سے تیاریوں اور چیلنجوں کے تناظر میں راست معلومات حاصل کرنے اور اپنے شہریوں کی ٹیکہ کاری کی بھارت کی کوششوں کا لائحۂ عمل تیار کرنے میں مدد ملے گی۔
