وزیر اعظم جناب نریندر مودی نے یکم دسمبر 2023 کو دبئی میں سی او پی 28 سربراہ کانفرنس کے موقع پر سوئس کنفیڈریشن کے صدر عزت مآب جناب ایلین برسیٹ کے ساتھ دو طرفہ میٹنگ کی۔
میٹنگ کے دوران، دونوں رہنماؤں نے تجارت و سرمایہ کاری، ٹیکنالوجی، صحت، تعلیم، آئی ٹی، سیاحت اور دونوں ممالک کے عوام کے درمیان رشتوں سمیت اپنی شراکت داری کو مزید مضبوط کرنے کے بارے میں بات چیت کی۔
بات چیت میں باہمی مفاد کے علاقائی اور عالمی امور کا بھی احاطہ کیا گیا۔
صدر برسیٹ نے ہندوستان کی جی 20 صدارت اور سربراہ کانفرنس کی کامیابی کے لیے وزیر اعظم کو مبارکباد دی۔
