“Central Government is standing alongside the State Government for all assistance and relief work”
Shri Narendra Modi visits and inspects landslide-hit areas in Wayanad, Keralaوزیر اعظم جناب نریندر مودی نے کہا ہے کہ ہماری دعائیں وائناڈ میں لینڈ سلائیڈنگ سے متاثر ہونے والوں کے ساتھ ہیں اور مرکز امدادی سرگرمیوں میں مدد کے لیے ہر ممکن تعاون کا یقین دلاتا ہے۔ انہوں نے کہا کہ مرکزی حکومت تمام امداد اور راحت کاری میں ریاستی حکومت کے ساتھ کھڑی ہے۔ وزیر اعظم نے آج کیرالہ کے وائناڈ میں ایک فضائی سروے کے بعد لینڈ سلائیڈنگ سے متاثرہ علاقوں کا دورہ کیا اور معائنہ کیا۔
وزیراعظم نے قدرتی آفت کے دوران زخمی ہونے والے مریضوں سے ملاقات کی اور راحت کیمپوں میں مقیم افراد سے بات چیت کی۔ایک جائزہ میٹنگ میں جناب مودی نے یقین دلایا کہ مرکزی حکومت اور ملک دکھ کی اس گھڑی میں آفت سے متاثرہ افراد کے ساتھ ہیں۔ انہوں نے کہا کہ وزیر اعلی کی طرف سے تفصیلی میمورنڈم بھیجا جائے گا۔
Our prayers are with those affected by the landslide in Wayanad. The Centre assures every possible support to aid in relief efforts.https://t.co/3fS83dFmrp
— Narendra Modi (@narendramodi) August 10, 2024
وزیر اعظم نے کہا کہ وہ وائناڈ میں بچاؤ کی کوششوں پر گہری نظر رکھے ہوئے ہیں اور حکام سے مسلسل رابطے میں ہیں۔ انہوں نے کہا کہ ڈیزاسٹر مینجمنٹ فنڈ پہلے ہی جاری ہوچکے ہیں اور بقیہ حصہ بھی فوری جاری کردیا جائے گا۔
جناب مودی نے کہا کہ تمام مرکزی ایجنسیاں جو موجودہ صورتحال سے نمٹ سکتی ہیں متحرک ہو گئی ہیں اور متاثرین کی مدد کر رہی ہیں۔ وزیر اعظم نے این ڈی آر ایف، ایس ڈی آر ایف، فوج، ریاستی پولیس، مقامی میڈیکل فورس، غیر سرکاری ادارے اور دیگر خدمات پر مبنی اداروں کے اہلکاروں کی ستائش کی ، جنہوں نے فوری طور پر آفت زدہ علاقے میں پہنچ کر تلاش اور بچاؤ کی کوششیں شروع کیں۔
جناب مودی نے متاثرین کی مدد کے لیے نئی طویل مدتی اسکیمیں بنانے کی ضرورت پر زور دیا، خاص طور پر ان بچوں کے لیے جو اپنے خاندانوں کو کھو چکے ہیں۔ انہوں نے یقین ظاہر کیا کہ ریاستی حکومت مرکز سے درکار تمام تعاون کے ساتھ اس میں اہم کردار ادا کرے گی۔
وزیر اعظم نے وائناڈ کے لوگوں کو یقین دلایا کہ ملک اور مرکزی حکومت علاقے میں ذریعہ معاش بحال کرنے میں کوئی کسر نہیں چھوڑے گی، خواہ وہ گھر ہوں، اسکول ہوں یا سڑک کے بنیادی ڈھانچے کے ساتھ ساتھ بچوں کا مستقبل ہو۔
