وزیر اعظم جناب نریندر مودی 10 فروری کو صبح دس بجے اترپردیش اور مہاراشٹر کا دورہ کریں گے ۔وزیر اعظم لکھنو بھی جائیں گے جہاں وہ اترپر دیش میں ہونے والی عالمی سرمایہ کاروں کی سربراہ کانفرنس 2023 کا افتتاح کریں گے۔ تقریباً پونے تین بجے وہ ممبئی میں چھترپتی شیواجی مہاراج ٹرمنس میں دو وندے بھارت ٹرینوں کو جھنڈی دکھاکر روانہ کریں گے ۔ جناب مودی دو سڑک پروجیکٹوں ،سانتا کروز چیمبور لنک روڈ اور کورار انڈر پاس پروجیکٹ قوم کے نام وقف کریں گے۔اس کے بعد شام ساڑھے چار بجے وزیر اعظم مودی ممبئی میں الجامعۃ السیفیہ کے نئے کیمپس کا افتتاح کریں گے۔
وزیر اعظم لکھنو میں
وزیر اعظم اترپردیش میں ہونے والی سرمایہ کاروں کی عالمی سربراہ کانفرنس کا افتتاح کریں گے وہ عالمی تجارتی شو کا بھی افتتاح کریں گے۔انویسٹ یوپی 2.0 کا آغاز کریں گے۔
اترپردیش میں ہونے والی سرمایہ کاروں کی عالمی سربراہ کانفرنس دس سے بارہ فروری تک منعقد ہوگی۔ یہ اترپردیش حکومت کی سرمایہ کاری سے متعلق اہم سربراہ کانفرنس ہے اور یہ سربراہ کانفرنس کاروباری مواقع اور شراکتداری بڑھانے کے تعلق سے دنیا بھر کے لیڈروں صنعتی سربراہوں تعلیمی ماہرین، مفکروں اور پالیسی سازوں کو ایک ساتھ لاسکے گی۔
انویسٹ یوپی2.0اترپردیش میں ایک جامع ،سرمایہ کاروں پر مرکوز اور خدمات پر مبنی سرمایہ کاری سے متعلق ماحولیاتی نظام ہے جو سرمایہ کاروں کو متعلقہ، اچھی طرح سے طے شدہ، معیاری خدمات فراہم کرنے کی کوشش کرتا ہے۔
وزیر اعظم ممبئی میں
ممبئی- سولہ پور وندے بھارت ٹرین اور ممبئی سائی نگر-شرڈی وندے بھارت ٹرین ایسی دو ٹرینیں ہیں جنہیں وزیر اعظم ممبئی کے چھترپتی شیوا جی مہاراج ٹرمنس پر جھنڈی دکھاکر روانہ کریں گے ۔یہ نئے بھارت کے لئے بہتر ،فعال اور مسافروں کے لئے سازگار ٹرانسپورٹ کے بنیادی ڈھانچے کی تعمیر کے وزیر اعظم کے وژن (سوچ) کو پورا کرنے کی جانب ایک اہم قدم ہوگا ۔
ممبئی –سولہ پور وندے بھارت ٹرین ملک میں نویں وندے بھارت ٹرین ہوگی ۔نئی عالمی نوعیت کی ٹرین ممبئی اور سولہ پور کے درمیان رابطہ کو بہتر بنائے گی اور اس سے سولہ پور میں سدھیشور ،سولہ پور کے نزدیک اکالکوٹ،تلجاپور،پانڈھارپوراور پونے کے نزدیک الانڈی جیسے اہم تیرتھ استھانوں کے سفر میں آسانی بھی پیدا ہوسکے گی۔
ممبئی –سائی نگر شرڈی وندے بھارت ٹرین ملک میں دسویں وندے بھارت ٹرین ہوگی۔ یہ ٹرین ناشک ٹرمبکیشور، سائی نگر ،شرڈی ، شنی سنگناپور جیسے مہاراشٹر میں اہم تیرتھ مقامات کے رابطے کو بھی بہتر بنائے گی۔
ممبئی میں ٹریفک کی بھیڑ بھاڑ کو کم کرنے اور گاڑیوں کی نقل و حمل کو آسان بنانے کے لئے وزیر اعظم سانتا کروز ، چیمبور لنک روڈ ،کورار انڈر پاس قوم کے نام وقف کریں گے۔کرلا سے وکولا تک اورکرلا میں ایم ٹی این ایل جنکش ، بی کے سی سے ایل بی ایس فلائی اوور تک نو تعمیر شدہ ایلیویٹڈ کوریڈور شہر میں ایسٹ ویسٹ کنیکٹوٹی کو بڑھائے گا جو وقت کی ضرورت ہے جس کا کافی عرصہ سے انتظار بھی تھا۔یہ رابطے ویسٹرن ایکسپریس ہائی وے کو ایسٹرن ایکسپریس ہائی وے سے جوڑتے ہیں اس طرح مشرقی اور مغربی مضافاتی علاقوں کو موثر طریقے سے بھی جوڑتے ہیں۔ کورار انڈر پاس ویسٹرن ایکسپریس ہائی وے (ڈبلیو ای ایچ) پر ٹریفک کو کم کرنے اورڈبلیو ای ایچ کے ملاڈ اور کورارکے اطراف کو جوڑنے کے لیے بہت اہم ہے۔ یہ لوگوں کو آسانی سے سڑک پار کرنے اور گاڑیوں کو ڈبلیو ای ایچ پر بھاری ٹریفک کے باوجود چلنے پھرنے کی اجازت دے سکے گا ۔
وزیر اعظم ممبئی کے مارول میں الجامعۃ السیفیہ کے نئے کیمپس کا بھی افتتاح کریں گے۔ الجامعۃ السیفیہ داؤد بورا کمیونٹی کا اہم تعلیمی ادارہ ہے ،اس کمیونٹی کےعزت مآب سیدنا مفضل سیف الدین کی رہنمائی میں یہ ادارہ کمیونٹی کی علمی روایات اور ادبی ثقافت کے تحفظ کے لیے کام کر رہا ہے۔
