وزیر اعظم 30-29ستمبر کو گجرات کا دورہ کریں گے

Published By : Admin | September 27, 2022 | 12:34 IST
Quoteوزیر اعظم سورت، بھاو نگر، احمد آباد اور امباجی میں پھیلے پروگراموں میں تقریباً 29000 کروڑ روپے کی لاگت کے مختلف ترقیاتی پروجیکٹوں کا افتتاح کریں گے اور سنگ بنیاد رکھیں گے
Quoteپروجیکٹوں کا مقصد عالمی معیار کا بنیادی ڈھانچہ تیار کرنا، نقل و حرکت کو بڑھانا اور زندگی کی آسانی کو نمایاں طور پر بہتر بنانا ہے
Quoteوزیر اعظم احمد آباد میٹرو پروجیکٹ کے مرحلہ اول کا افتتاح کریں گے اور گاندھی نگر-ممبئی سنٹرل وندے بھارت ایکسپریس کو ہری جھنڈی دکھائیں گے
Quoteوزیر اعظم وندے بھارت ایکسپریس اور احمد آباد میٹرو میں سواری بھی کریں گے
Quoteوزیر اعظم بھاو نگر میں دنیا کے پہلے سی این جی ٹرمینل کا سنگ بنیاد رکھیں گے
Quoteوزیراعظم گجرات میں پہلی بار منعقد ہونے والے 36ویں نیشنل گیمز کے افتتاح کا اعلان کریں گے
Quoteوزیر اعظم ڈریم سٹی کے مرحلہ اول پروجیکٹ کا افتتاح کریں گے، جس کا مقصد سورت میں ہیروں کی تجارت کے کاروبار کی تیز رفتار ترقی کو پورا کرنا ہے
Quoteوزیر اعظم نئی براڈ گیج لائن کا سنگ بنیاد رکھیں گے جس سے زائرین کے لیے امباجی کا سفر آسان ہو جائے گا
Quoteوزیر اعظم حیاتیاتی تنوع پارک کا سنگ بنیاد رکھیں گے جو کہ ڈاکٹر ہیڈگیوار پل سے بھیم راڈ-بامرولی پل تک 87 ہیکٹر سے زیادہ کے رقبے میں تعمیر کیا جا رہا ہے۔ وزیر اعظم
Quoteگبر تیرتھ میں مہا آرتی میں ش

وزیر اعظم جناب نریندر مودی 29 اور 30 ​​ستمبر کو گجرات کا دورہ کریں گے۔ 29 ستمبر کو صبح تقریباً 11 بجے وزیر اعظم سنگ بنیاد رکھیں گے اور سورت میں 3400 کروڑ روپے سے زیادہ کے مختلف پروجیکٹوں کو قوم کے نام وقف کریں گے۔  اس کے بعد وزیر اعظم بھاو نگر جائیں گے۔ وہاں دوپہر تقریباً 2 بجے، وہ سنگ بنیاد رکھیں گے اور 5200 کروڑ روپے سے زیادہ کے متعدد ترقیاتی پروجیکٹوں  کا افتتاح کریں گے۔ شام تقریباً 7 بجے، وزیر اعظم احمد آباد کے نریندر مودی اسٹیڈیم میں 36 ویں نیشنل گیمز کا افتتاح کریں گے۔ تقریباً  شام 9 بجے، وزیر اعظم احمد آباد کے جی ایم ڈی سی گراؤنڈ میں نوراتری فیسٹیول میں شرکت کریں گے۔

تیس ستمبر کو، صبح تقریباً 10:30 بجے، وزیر اعظم گاندھی نگر- ممبئی وندے بھارت ایکسپریس کو گاندھی نگر اسٹیشن پر ہری جھنڈی دکھائیں گے اور وہاں سے کالوپور ریلوے اسٹیشن تک ٹرین میں سفر کریں گے۔ صبح تقریباً 11:30 بجے، وزیر اعظم احمد آباد میٹرو ریل پروجیکٹ کو جھنڈی دکھائیں گے اور کالوپور اسٹیشن سے دور درشن کیندر میٹرو اسٹیشن تک میٹرو کی سواری کریں گے۔ دوپہر 12 بجے کے قریب وزیر اعظم احمد آباد میں احمد آباد ایجوکیشن سوسائٹی میں ایک عوامی تقریب میں احمد آباد میٹرو پروجیکٹ کے  مرحلہ اول  کا افتتاح کریں گے۔ اس کے بعد، تقریباً 5:45 بجے، وزیر اعظم امباجی میں 7200 کروڑ روپے سے زیادہ کے مختلف پروجیکٹوں کا سنگ بنیاد رکھیں گے اور  قوم کے نام وقف کریں گے۔ شام 7 بجے کے قریب، وزیر اعظم امباجی مندر میں درشن اور پوجا کریں گے۔ اس کے بعد، تقریباً 7:45 بجے، وہ گبر تیرتھ میں مہا آرتی میں شرکت کریں گے۔

ان وسیع پیمانے پر ترقیاتی منصوبوں کا افتتاح اور سنگ بنیاد وزیر اعظم کے عالمی معیار کے بنیادی ڈھانچے کی ترقی، شہری نقل و حرکت کو بڑھانے اور کثیر جہتی رابطے کو بہتر بنانے کے عزم کی عکاسی کرتا ہے۔ یہ عام آدمی کی زندگی کی آسانی کو بہتر بنانے پر ان کی حکومت کی مسلسل توجہ کو بھی ظاہر کرتا ہے۔

سورت میں وزیراعظم

وزیراعظم سنگ بنیاد رکھیں گے اور 3400 کروڑ  روپے سے زائد مالیت کے مختلف منصوبوں کو وقف کریں گے۔ ان میں پانی کی فراہمی، نکاسی آب کے منصوبے، ڈریم سٹی، حیاتیاتی تنوع پارک اور دیگر ترقیاتی کام جیسے عوامی انفراسٹرکچر، ورثہ کی بحالی، سٹی بس/بی آر ٹی ایس انفراسٹرکچر، الیکٹرک وہیکل انفراسٹرکچر کے ساتھ ساتھ مرکزی اور ریاستی حکومت کے مشترکہ ترقیاتی کام شامل ہیں۔

وزیر اعظم سڑک کے بنیادی ڈھانچے کے کاموں کے  مرحلہ اول  اور ڈائمنڈ ریسرچ اینڈ مرکنٹائل (ڈریم) سٹی کے مرکزی دروازے کا افتتاح کریں گے۔ ڈریم سٹی پروجیکٹ کو تجارتی اور رہائشی جگہ کی بڑھتی ہوئی مانگ کو پورا کرنے کے وژن کے ساتھ شروع کیا گیا ہے تاکہ سورت میں ہیروں کی تجارت کے کاروبار کی تیزی سے ترقی کی تکمیل کی جاسکے۔ وزیراعظم منصوبے کے مرحلہ دوم  کا سنگ بنیاد بھی رکھیں گے۔

وزیر اعظم حیاتیاتی تنوع پارک کا سنگ بنیاد رکھیں گے جو کہ ڈاکٹر ہیڈگیوار پل سے بھیم راڈ-بامرولی پل تک 87 ہیکٹر سے زیادہ کے رقبے میں تعمیر کیا جا رہا ہے۔ وزیر اعظم سورت میں سائنس سینٹر میں کھوج میوزیم کا بھی افتتاح کریں گے۔ بچوں کے لیے بنائے گئے میوزیم میں انٹرایکٹو ڈسپلے، انکوائری پر مبنی سرگرمیاں اور جستجو پر مبنی دریافتیں ہوں گی۔

بھاؤ نگر میں وزیر اعظم

وزیر اعظم  بھاؤنگر میں 5200 کروڑ روپے مالیت کے پروجیکٹوں کا افتتاح کریں گے اور سنگ بنیاد رکھیں گے ۔وزیر اعظم دنیا کے سب سے پہلے سی این جی ٹرمینل اور بھاؤنگر میں براؤن فیلڈ بندرگاہ کا سنگ بنیاد رکھیں گے ۔یہ بندرگاہ چار ہزار کروڑ روپے کی لاگت سے تیار کی جائے گی جو دنیا کے پہلے سی این جی ٹرمینل کے ساتھ ساتھ دنیا کے چوتھے بڑے لاک گیٹ سسٹم کے لئے جدید ترین بنیادی ڈھانچہ ہوگا۔ سی این جی ٹرمینل کے علاوہ یہ بندرگاہ خطے میں آنے والے مختلف منصوبوں کی مستقبل کی ضروریات اور مطالبات کو بھی پورا کرے گی۔ بندرگاہ میں انتہائی جدید کنٹینر ٹرمینل،کثیر مقصدی ٹرمینل، اوررقیق ٹرمینل ہوں گے جو موجودہ سڑک راستوں اور ریلوے نیٹ ورک سے براہ راست منسلک ہوں گے۔ اس سے نہ صرف کارگو کے کام  انجام دینے میں لاگت کی بچت کے لحاظ سے معاشی فوائد حاصل ہوں گے بلکہ خطے کے لوگوں کے لیے روزگار بھی فراہم ہوگا۔ نیز،صاف  ستھری توانائی کی بڑھتی ہوئی ضروریات کو پورا کرنے کے لیے سی این جی امپورٹ ٹرمینل توانائی کا ایک اضافی متبادل ذریعہ فراہم کرے گا۔

وزیر اعظم بھاؤ نگر میں علاقائی سائنس مرکزکا بھی افتتاح کریں گے، جو 20 ایکڑ پر پھیلا ہوا ہے اورجوتقریباً 100 کروڑ روپے کی لاگت سے تیار کیا گیا ہے۔مذکورہ مرکز میں مختلف  موضوعات پر مبنی کئی گیلریاں ہیں جن میں میرین ایکواٹک گیلری،آٹوموبائل گیلری، نوبل پرائز گیلری - فزیالوجی اینڈ میڈیسن، الیکٹرو میکینکس گیلری، بائیولوجی سائنس گیلری شامل ہیں۔ یہ مرکزاینی میٹرونک ڈائنوسار، سائنس تھیم پر مبنی کھلونا ٹرین،فطرت کو دریافت کرنے سے متعلق چور، موشن سمیلیٹرس، پورٹیبل سولر آبزرویٹری وغیرہ کے ذریعہ گھر کےباہر کی تنصیبات سے بچوں کے لیے دریافت کے لیے ایک تخلیقی پلیٹ فارم بھی فراہم کرے گا۔

پروگرام کے دوران، وزیر اعظم سونی یوجنا لنک 2 کے پیکج 7، 25 میگاواٹ پالیتانہ شمسی  پی وی پروجیکٹ، اے پی پی ایل کنٹینر (آوادکروپا پلاسٹومیچ پرائیویٹ لمیٹڈ) پروجیکٹ سمیت مختلف دیگر پروجیکٹوں کا بھی افتتاح کریں گےاور سنگ بنیادبھی رکھیں گےان پروجیکٹوں میں  سونی یوہنا لنک 2 کے پیکج 9، پانی کی سپلائی کےچورواڈلا زون پروجیکٹ سمیت دیگر پروجیکٹ  شامل ہیں۔

پی ایم احمد آباد میں

وزیر اعظم احمد آباد کے نریندر مودی اسٹیڈیم میں منعقد ایک شاندار تقریب میں 36 ویں قومی کھیلوںکی شروعات کریں گے۔ وزیر اعظم قومی  کھیلوں میں حصہ لینے والے ملک بھر کے ایتھلیٹس سے بھی خطاب کریں گے۔ تقریب کے دوران وزیر اعظم دیسر میں عالمی معیار کی’’سورنیم گجرات اسپورٹس یونیورسٹی‘‘ کا افتتاح بھی کریں گے۔توقع ہے کہ اس تاریخی منصوبے سے ملک کے کھیلوں کی تعلیم کے منظر نامے کو یکسر تبدیل کیا جاسکے گا۔

ریاست گجرات میں پہلی بار قومی کھیلوں کا انعقاد کیا جا رہا ہے۔یہ کھیل 29 ستمبر سے 12 اکتوبر 2022 تک  منعقد کئے جائیں گے۔ ملک بھر سے تقریباً 15,000 کھلاڑی، کوچز اور اہلکار36 کھیل کود سے متعلق سرگرمیوں میں حصہ لیں گے، جو اسے اب تک کا سب سے بڑا قومی کھیل بنائے گا۔ یہ کھیل کود مقابلے چھ شہروں احمد آباد، گاندھی نگر، سورت، وڈودرا،راجکوٹ اور بھاو نگر میں منعقد کئے جائیں گے۔اس وقت کے گجرات کے وزیر اعلیٰ اور موجودہ وزیر اعظم نریندر مودی کی قیادت میں، گجرات نے بین الاقوامی معیارکے کھیلوں کے مضبوط بنیادی ڈھانچے ایک مضبوط کھیلوں کا بنیادی ڈھانچہ تیار کرنے کا عمل شروع کیا تھا جس نے ریاست کو بہت کم وقت میں کھیلوں کے لیے تیار کرنے میں مدد کی ہے۔

احمد آباد میں ایک عوامی تقریب میں وزیر اعظم احمد آباد میٹرو پروجیکٹ کے فیزI کا افتتاح کریں گے۔ یہ اپیرل پارک سے تھلتیج تک تقریباً 32 کلومیٹر مشرقی مغربی کوریڈورراہداری  اور موٹیرا سے گیاس پور کے درمیان شمالی جنوبی کوریڈور پر مشتمل ہے۔ ایسٹ ویسٹ کوریڈور میں تھلتیج-وسترال روٹ میں 17 اسٹیشن ہیں۔ اس راہداری میں چار اسٹیشنوں کے ساتھ 6.6 کلومیٹر زیرزمیں سیکشن بھی ہے۔ 19 کلومیٹر شمال-جنوب کوریڈور جو گیاس پور کو موٹیرا اسٹیڈیم سے جوڑتا ہے اس میں 15 اسٹیشنس ہیں۔ فیز 1 کا پورا پروجیکٹ12900کروڑروپے سے زیادہ کی لاگت سے تیار کیا گیا ہے۔ احمد آباد میٹرو ایک جدید ترین بنیادی ڈھانچہ پروجیکٹ ہے جس میں زیر زمین سرنگیں، وائڈکٹ اور پل، زیرزمین اور سطح زمیں سے اوپراسٹیشن کی عمارتیں،متوازن ریل پٹریاں اور بغیرڈرائیور ٹرین آپریشن کمپلائنٹ رولنگ اسٹاک وغیرہ شامل ہیں۔ میٹرو ٹرین سیٹ ایک توانائی کے مؤثر  مضبوط نظام سے لیس ہےجس سے توانائی کی کھپت میں  30سے35 فیصد تک  بچت کی جاسکتی ہے۔ٹرین میں جدید ترین سسپنشن سسٹم ہے جو مسافروں کو سواری کا بہت آسان تجربہ فراہم کرتا ہے۔ احمد آباد فیز-1 میٹرو پروجیکٹ کےافتتاح سے شہر کے لوگوں کو عالمی معیار کی کثیر ماڈل کنیکٹیویٹی فراہم ہوگی۔ بھارتی ریلوے، اور بس سسٹم (جی ایس آر ٹی،بی آر ٹی ایس اور سٹی بس سروس) کے ساتھ یہ ملٹی ماڈل کنیکٹیویٹی فراہم کی جا رہی ہے۔ اس میں رانیپ، وڈاج، اے ای سی اسٹیشن وغیرہ پر بی آر ٹی ایس کے ساتھ اور گاندھی دھام، کالوپور اور سابرمتی اسٹیشن پربھارتی ریلوے کے ساتھ رابطہ شامل ہیں۔ کالوپور میں میٹرو لائن کو ممبئی اور احمد آباد کو جوڑنے والے تیز رفتار ریل نظام سے منسلک کیا جائے گا۔

وزیر اعظم گاندھی نگر اور ممبئی کے درمیان وندے بھارت ایکسپریس کے نئے اور اپ گریڈ کئے گئے ورژن کو بھی جھنڈی دکھائیں گے۔ وندے بھارت ایکسپریس متعدد اعلیٰ اور ہوائی جہاز جیسا سفری تجربہ پیش کرتی ہے۔ یہ جدید ترین حفاظتی خصوصیات سے آراستہ ہے جس میں مقامی طور پر تیار کردہ ٹرین کے تصادم سے بچاؤ کا نظام - کے اے وی اے سی ایچ (کوچ)شامل ہے۔ سفر کےسبھی قسم کے کلاس  میں ٹیک لگانے والی نشستیں ہیں جبکہ ایگزیکٹو کوچز میں 180 ڈگری تک گھومنے والی نشستوں کی اضافی خصوصیت بھی  دی گئی ہے۔کوچوں میں موجود سبھی  32اسکرین کے  ذریعہ مسافروں کو معلومات فراہم کی جاتی ہیں۔

پی ایم امباجی میں

وزیراعظم امباجی میں 7200 کروڑ روپے مالیت کے مختلف ترقیاتی پروجیکٹوں کا سنگ بنیاد رکھیں گے اور انہیں قوم کے نام وقف کریں گے۔ وزیر اعظم پی ایم آواس یوجنا کے تحت  تعمیر کئے گئے 45,000 سے زیادہ مکانات کاسنگ بنیاد رکھیں گے اور انہیں وقف بھی کریں گے۔ وزیر اعظم پی آر اے ایس اے ڈی (پرساد) اسکیم کے تحت ترنگا ہل – امباجی – ابو روڈ نئی براڈ گیج لائن اور امباجی مندر میںیاتری سہولیات کی ترقی کا سنگ بنیاد رکھیں گے۔ نئی ریل لائن سے امباجی آنے والے لاکھوں عقیدت مندوں کو فائدہ حاصل ہوگا،جو کہ 51 شکتی پیٹھوں میں سے ایک پیٹھ ہے اور ان تمام یاتری مقامات پر عقیدت مندوں کے پوجا کے تجربے  میں اضافہ ہوگا۔ جن دیگر پروجیکٹوں کا سنگ بنیاد رکھا جائے گا ان میں رن وے کی تعمیر اور ائیر فورس اسٹیشن، ڈیسا میں امباجی بائی پاس روڈ اور دیگرمتعلقہ ڈھانچہ شامل ہیں۔

وزیر اعظم  وقف کئے گئے  مغربی فریٹ کوریڈور کے 62 کلومیٹر طویل نیو پالن پور-نیو مہیسانہ سیکشن اور 13 کلومیٹر طویل نیو پالن پور-نیو چٹودر سیکشن (پالن پور بائی پاس لائن)کو بھی وقف کریں گے۔اس سے پیپاوا، دین دیال پورٹ اتھارٹی (کاندلہ)، موندرا اور گجرات کی دیگر بندرگاہوں سے رابطے میں اضافہ ہوگا۔ ان سیکشنز کے کھلنے کے ساتھ ہی مغربی ڈیڈیکیٹڈ فریٹ کوریڈور کا 734 کلومیٹر کام شروع ہو جائے گا۔ اس سلسلے کے کھلنے سے گجرات میں مہسانہ-پالن پور ،راجستھان میں سوروپ گنج، کیشو گنج، کشن گڑھ؛ ہریانہ میں ریواڑی-مانیسر اور نارنول صنعتوں کو فائدہ پہنچے گا۔ وزیر اعظم میٹھا - تھراڑ - ڈیسا روڈ کو چوڑا کرنے کے منصوبوں سمیت  سڑکوں کے مختلف منصوبوں کو بھی وقف کریں گے۔

  • kumarsanu Hajong August 04, 2024

    Gujarat power full state 2024
  • Babla sengupta December 23, 2023

    Babla sengupta
  • Charpot Vipul June 16, 2023

    હેલો સર હું તમને નિવેદન કરું છું કે અમારી મદદ કરો અને ખાસ કરીને અમારા ગામમાં કોઈ પણ જાતનો કોઈ વિકાસ થયો નથી દાહોદ જિલ્લાના ફતેપુરા મારગાળા ગામથી આ મેસેજ સેન્ડ કરી રહ્યો છું અને અમારા ફળિયાની અંદર બહુ તકલીફ છે લોકોને અને અહીંયા પીવા માટે પાણી પણ નથી પીવા માટે પાણી ભરવા માટે અમારે દૂર જવું પડે છે એટલા માટે અમારા ઘરની લેડીસો ને બહુ તકલીફ પડે છે અમારે ભૂર બકરી ગાય અને પાણી પીવડાવવા માટે પણ બહુ તકલીફ પડે છે અને અહીંયા કોઈ પણ જાતની કોઈ સુવિધા થઈ નથી એટલા માટે હું ખાસ કરીને નમ્ર વિનંતી કરું છું કે સરકાર ને આ જોવું જરૂરી છે કે અમારા ફળિયામાં કોઈ પણ જાતની વિકાસ કરવામાં આવ્યો નથી કોઈ અહીંયા બાથરૂમ પણ નથી બનાવવામાં આવ્યા અને પાણીની પણ કોઈ સુવિધા નથી અને જે અત્યારે સરકારી યોજના છે પાણીના ટાંકા બનાવવાની એ અમારે ટાંકા પણ નથી આવ્યા શું અમારે કોની જોડે જઈને ભીખ માંગવી પ્લીઝ અમારી મદદ કરો આ બધા સરકારી કર્મચારીઓ છે ચેક કરપટ છે એ લોકો અહીંયા કોઈ પણ જાતનો વિકાસ નથી કરી રહ્યા
  • Sudhakar December 20, 2022

    A great leader and a visionary, you are giving importance for development, you are seeing every man kind is a single community ,there is no vote bank politics in our B.J.P government, even then opposition parties are continously attacking B.J.P government, and abuse our B.J.P government by using unparliame'ntary word, people will give answer in coming elections.
  • Jayakumar G December 18, 2022

    We face a huge challenge but already know many solutions Many climate change solutions can deliver economic benefits while improving our lives and protecting the environment. We also have global frameworks and agreements to guide progress, such as the Sustainable Development Goals, the UN Framework Convention on Climate Change and the Paris Agreement. Three broad categories of action are: cutting emissions, adapting to climate impacts and financing required adjustments. Switching energy systems from fossil fuels to renewables like solar or wind will reduce the emissions driving climate change. But we have to start right now. While a growing coalition of countries is committing to net zero emissions by 2050, about half of emissions cuts must be in place by 2030 to keep warming below 1.5°C. Fossil fuel production must decline by roughly 6 per cent per year between 2020 and 2030.  
  • Kodipaka Ramesh December 05, 2022

    GOOD EVENING HONORABLE PRIME MINISTER JI AND THE WHOLE WORLD. I AM GOING TO VISIT GUJARAT ON 9-12-2022. I DEFINITELY ENJOY THE VICTORY. I WILL GO TO VAADNAGAR RAILWAY STATION, I WANT TO VISIT YOUR TEA STALL AND I TAKE A PHOTO. KODIPAKA RAMESH A PRIMARY SCHOOL TEACHER AND SOCIAL ACTIVIST FROM WARANGAL TELANGANA.
  • sureshbhai p patel kucha naya rasta keliy Petel December 04, 2022

    ज़य ज़य सिया राम राम 🚩🚩🚩🚩🚩🌹🌹🌹🌹🌹 एक कानून एक राष्ट् आत्म निर्भर एक राष्ट् सबका साथ सबका विकास सबका विश्र्वास सबका ख्याल सबका प़यास एक राष्ट् भगवा हिन्दुत्व हिंदुस्तान ज़य हो सनातन धर्म की मातृभूमि और संस्कृति एक भारत श्रेष्ठ अंखड भारत ज़य हिन्द वन्दे मातरम भारत माता को नमन 🇮🇳🇮🇳🇮🇳🇮🇳🇮🇳🇮🇳🌹🌹🌹🌹🌹
  • Avantishkumarjain December 02, 2022

    Gujarati main vapas B.J.P. ki bhari bahumath se jeet nichay hain....
  • Avantishkumarjain December 02, 2022

    दुनिया में कोई भी व्यक्ति इस भ्रम में न रहे की बिना गुरु के ज्ञान के भवसागर को पार पाया जा सकता है.....!!!.... 🧐
  • Rajni balla Rajni balla December 02, 2022

    har har Modi gar gar Modi🙏🇹🇯🇹🇯🇹🇯🇹🇯🇹🇯🙏
Explore More
وزیراعظم نریندر مودی کا 78 ویں یوم آزادی کے موقع پر لال قلعہ کی فصیل سے خطاب کا متن

Popular Speeches

وزیراعظم نریندر مودی کا 78 ویں یوم آزادی کے موقع پر لال قلعہ کی فصیل سے خطاب کا متن
India's first microbiological nanosat, developed by students, to find ways to keep astronauts healthy

Media Coverage

India's first microbiological nanosat, developed by students, to find ways to keep astronauts healthy
NM on the go

Nm on the go

Always be the first to hear from the PM. Get the App Now!
...
سوشل میڈیا کارنر، 20 فروری 2025
February 20, 2025

Citizens Appreciate PM Modi's Effort to Foster Innovation and Economic Opportunity Nationwide