وزیر اعظم جناب نریندر مودی ویڈیو کانفرنسنگ کے ذریعے 16 نومبر 2020 کو دن میں ساڑھے 12 بجے جین آچاریہ شری وجے ولبھ سرایشور جی مہاراج کی 151 ویں سالگرہ تقریبات کے موقع پر امن کے مجسمے کی نقاب کشائی کریں گے۔
شری وجے ولبھ سرایشور جی مہاراج 1954-1870) نے ایک ایسے جین سنت کی حیثیت کفایت شعاری سے سے زندگی گزاری جو بھگوان مہاویر کے پیغام کو پھیلانے کے لئے بے لوث اور جانفشانی سے کام کرتا ہے۔ انہوں نے عوام کی فلاح وبہبود اور بھلائی ،تعلیم کو پھیلانے، سماجی برائیوں کو ختم کرنے کے لئے بھی زبردست کام کیا۔انہوں نے تحریک دینے والی شاعری، مضامین اورادب میں بھی خوب ہاتھ آزمایا اور آزادی کی تحریک اور سودیشی کے کاز کی سرگرم حمایت کی۔ ان سے تحریک پاکر کالجوں، اسکولوں اور مطالعے کے مراکز سمیت 50 سے زیادہ نامور تعلیمی ادارے سے بہت سی ریاستوں میں سرگرم عمل ہیں۔ ان کے اعزاز میں جس مجسمے کی نقاب کشائی کی جائے گی اسے امن کے مجسمے کا نام دیا گیا ہے۔ 151 انچ اونچا مجسمہ تانبے کے ساتھ 8 دھاتوں Ashtadhatu سے بنایا گیا ہے۔ اس مجسمے میں تانبے کا زیادہ استعمال کیاگیا ہے اور یہ راجستھان کے پالی میں وجے ولبھ سادھنا کیندر، جیت پورہ میں نصب کیا جارہا ہے۔
