وزیراعظم جناب نریندر مودی 7 اگست کو دوپہر 12 بجے بھارت منڈپم، پرگتی میدان، دہلی میں قومی ہینڈ لوم ڈے کی تقریبات میں شرکت کریں گے۔
وزیر اعظم ہمیشہ ان کاریگروں اور دستکاروں کی حوصلہ افزائی اور پالیسی مدد دینے کے پرزور حامی رہے ہیں جو ملک کی فنکارانہ اور دستکاری کی شاندار روایت کو زندہ رکھے ہوئے ہیں۔ اس وژن کےتحت حکومت نے قومی ہینڈ لوم ڈے منانا شروع کیا اور اس طرح کا پہلا جشن 7 اگست 2015 کو منایا گیا۔ اس تاریخ کو خاص طور پر سودیشی تحریک کے لیے منتخب کیا گیا تھا جو 7 اگست 1905 کو شروع ہوئی تھی اور اس نے دیسی صنعتوں اور خاص طور پر ہینڈلوم بنکروں کی حوصلہ افزائی کی تھی۔
اس سال نواں قومی ہینڈ لوم ڈے منایا جا رہا ہے۔ اس پروگرام کے دوران وزیر اعظم نیشنل انسٹی ٹیوٹ آف فیشن ٹیکنالوجی (این آئی ایف ٹی) کی جانب سے تیار کردہ ٹیکسٹائل اور کرافٹس کا ایک ذخیرہ ’’بھارتیہ وستر شلپ کوش‘‘ ای پورٹل کا بھی افتتاح کریں گے۔
اس پروگرام میں ٹیکسٹائل اور ایم ایس ایم ای شعبوں کے 3000 سے زیادہ ہینڈلوم اور کھادی بنکروں، کاریگروں اور اسٹیک ہولڈروں کی شرکت کرنے کی توقع ہے۔ یہ پورے بھارت میں ہینڈ لوم کلسٹر، این آئی ایف ٹی کیمپس، ویور سروس سینٹر، انڈین انسٹی ٹیوٹ آف ہینڈ لوم ٹکنالوجی کیمپس، نیشنل ہینڈلوم ڈیولپمنٹ کارپوریشن، ہینڈلوم ایکسپورٹ پروموشن کونسل، کے وی آئی سی اداروں اور مختلف ریاستی ہینڈ لوم محکموں کو یکجاکرے گا۔
