وزیر اعظم جناب نریندر مودی 13 دسمبر 2022 کو شام 5 بجے ویڈیو کانفرنسنگ کے ذریعے سری اروبندو کی 150ویں یوم پیدائش کی یاد میں ایک پروگرام میں شرکت کریں گے۔ آزادی کا امرت مہوتسو کے زیراہتمام کمبن کلائی سنگم، پڈوچیری میں منعقد ہونے والے اس پروگرام میں وزیر اعظم سری اروبندو کے اعزاز میں ایک یادگاری سکہ اور ڈاک ٹکٹ جاری کرتے ہوئے دیکھیں گے۔ وہ اس موقع پر اجتماع عام سے بھی خطاب کریں گے، جس میں ملک بھر سے سری اروبندو کے پیروکار شامل ہوں گے۔
سری اروبندو جو 15 اگست 1872 کو پیدا ہوئے، ایک وژنری تھے جنھوں نے ہندوستان کی جدوجہد آزادی میں دیر پا تعاون کیا۔ آزادی کے 75 سال کے موقع پر ہندوستان کے لوگوں کی شاندار تاریخ، ثقافت اور کامیابیوں کو منانے کی ایک کوشش - آزادی کا امرت مہوتسو پورے ملک میں سال بھر کی سرگرمیوں اور پروگراموں کا اہتمام کرکے سری اروبندو کی 150ویں یوم پیدائش کی یاد منا رہا ہے۔
