نئی دہل۔27؍جنوری۔وزیراعظم جناب نریندر مودی کل نئی دہلی میں کریپّا پریڈ گراؤنڈ میں نیشنل کیڈٹ کور (این سی سی) ریلی میں شرکت کریں گے۔
اس موقع پر وزیراعظم این سی سی کے مختلف دستوں کی طرف سے گارڈآف آنر کامعائنہ کریں گے اور مارچ پاسٹ کا جائزہ لیں گے۔ کلچرل پروگرام کے ساتھ ساتھ این سی سی کے کیڈٹ وزیراعظم کے سامنے ایڈوینچر کھیل کود، موسیقی او رپرفارمنس آرٹس میں اپنی صلاحیتوں کا اظہار کریں گے۔
وزیراعظم قابل تعریف این سی سی کیڈٹوں میں ایوارڈ تقسیم کریں گے اور بعد میں ان سے خطاب کریں گے۔
ہر سال این سی سی کے سینکڑوں کیڈٹ یوم جمہوریہ کے کیمپ کیلئے نئی دہلی آتے ہیں، پچھلے سال وزیراعظم نے این سی سی کی ریلی سے خطاب کرتے ہوئے قدرتی آفات کے وقت راحت رسانی اور بچاؤ کارروائیوں میں ان کی کوششوں کی تعریف کی تھی اور سوچھ بھارت ابھیان کے فروغ میں ان کی کوششوں کو سراہا تھا۔
