وزیر اعظم جناب نریندر مودی 8 فروری 2024 کو تقریباً 12:30 بجے دن میں پرگتی میدان، بھارت منڈپم میں سریلا پربھوپدا جی کی 150 ویں سالگرہ کے موقع پر پروگرام سے خطاب کریں گے۔ وزیر اعظم عظیم روحانی پیشوا گرو سریلا پربھوپدا جی کے اعزاز میں ایک یادگاری ڈاک ٹکٹ اور سکہ بھی جاری کریں گے۔
آچاریہ سریلا پربھوپادا گاوڑیا مشن کے بانی تھے، جنہوں نے وشنو عقیدے کے بنیادی اصولوں کے تحفظ اور انہیں پھیلانے میں اہم کردار ادا کیا۔ گاوڑیا مشن نے سری چیتنیا مہا پربھو کی تعلیمات اور وشنو مت کے بھرپور روحانی ورثے کو پوری دنیا میں پھیلانے اور اسے ہرے کرشنا تحریک کا مرکز بنا نے میں اہم کردار ادا کیا ہے۔
