نمسکار!
کھیلو انڈیا یونیورسٹی گیمز کے لیے آپ سب کو بہت بہت مبارکباد۔
بنگلور شہر اپنے آپ میں ملک کے نوجوانوں کی پہچان ہے۔ بنگلور پیشہ ور افراد کی آن بان اور شان ہے۔ ڈیجیٹل انڈیا کے بنگلورو میں کھیلو انڈیا کی شروعات اپنے آپ میں اہم ہے۔ اسٹارٹ اپس کی دنیا میں کھیلوں کا یہ امتزاج حیرت انگیز ہے۔ بنگلور میں کھیلو انڈیا یونیورسٹی گیمز کاہونا اس خوبصورت شہر کی توانائی میں اضافہ کریں گے اور ملک کے نوجوان بھی یہاں سے نئی توانائی کے ساتھ لوٹیں گے۔ میں کرناٹک حکومت کو ان کھیلوں کے انعقاد کے لیے مبارکباد دیتا ہوں۔ عالمی وبا کے تمام چیلنجوں کے درمیان یہ کھیل ہندوستان کے نوجوانوں کے عزم اور جذبے کی ایک مثال ہے۔ میں آپ کی کوششوں، اس حوصلے کو سلام کرتا ہوں۔ آج یہ نوجوان جذبہ ملک کو ہر میدان میں نئی رفتار سے آگے لے جا رہا ہے۔
میرے نوجوان ساتھیو،
کامیاب ہونے کا پہلا منتر ہے ۔
اجتماعی حوصلہ!
یہ ٹیم کا جذبہ ہے جو ہمیں کھیلوں سے سیکھنے کو ملتا ہے۔ کھیلو انڈیا یونیورسٹی گیمز میں آپ اس سے تجربہ کریں گے۔ یہ ٹیم اسپرٹ آپ کو زندگی کو دیکھنے کا ایک نیا نظریہ بھی دیتی ہے۔
کھیل میں جیتنے کا مطلب ہوتا ہے۔
مجموعی نقطہ نظر! 100 فیصد لگن!
ہر سمت میں کوششیں، اور صد فیصد کوشش!
آپ میں سے ہی بہت سے کھلاڑی ابھریں گے جو مستقبل میں ریاستی سطح پر کھیلیں گے۔ آپ میں سے بہت سے نوجوان بین الاقوامی سطح پر ملک کی نمائندگی کریں گے۔ آپ کے کھیل کے میدان کا یہ تجربہ آپ کو زندگی کے ہر شعبے میں کام آئے گا۔ کھیل حقیقی معنوں میں زندگی کا حقیقی معاون نظام ہے۔ جو طاقت، جو سیکھ آپ کو کھیلوں میں آگے لے جاتا ہے، وہی آپ کو زندگی میں بھی آگے لے جاتی ہے۔ کھیل اور زندگی دونوں میں جذبہ، جوش کی اہمیت ہے۔ کھیل اور زندگی دونوں میں جو چیلنجوں کو قبول کرتا ہے، وہی توفاتح ہوتاہے۔ کھیل اور زندگی دونوں میں ہار بھی جیت ہے، ہار بھی سبق ہے۔ ایمانداری آپ کو کھیل اور زندگی دونوں میں سب سے آگے لے جاتی ہے۔ کھیل اور زندگی دونوں میں ہر لمحہ اہمیت کاحامل ہے، موجودہ لمحے کی زیادہ اہمیت ہے، اس لمحے میں جینے ، اس لمحے میں کچھ کر کے گزر جانے کی اہمیت ہے۔
جیت کو ہضم کرنے کا ہنر اور ہار سے سیکھنے کا فن زندگی کی ترقی کے سب سے قیمتی حصے ہوتے ہیں۔ اور یہ ہم میدان میں کھیل کھیل میں سیکھ لیتے ہیں۔ کھیل میں جب ایک طرف جسم توانائی سے بھرا ہوتا ہے تو کھلاڑی کے اعمال کی شدت غالب رہتی ہے۔ اس وقت اچھے کھلاڑی کا دماغ پرسکون ہوتا ہے، صبر سے لبریز ہوتا ہے۔ یہ زندگی گزارنے کا بہت بڑا فن ہوتا ہے۔
دوستو، آپ نئے ہندوستان کے نوجوان ہیں۔ آپ ایک بھارت -شریسٹھ بھارت کے پرچم بردار بھی ہیں۔ آپ کی نوجوان سوچ اور آپ کی نوجوانی آج قوم کی پالیسیوں کا فیصلہ کر رہی ہے۔ آج نوجوانوں نے فٹنس کو ملک کی ترقی کا منتر بنا دیا ہے۔ آج نوجوانوں نے کھیل کو پرانی سوچ کے بندھنوں سے آزاد کر دیا ہے۔
نئی تعلیمی پالیسی میں کھیل پر زور ہو، یا جدید کھیل کے بنیادی ڈھانچے کی تعمیر، کھلاڑیوں کے انتخاب میں شفافیت ہو، یا کھیل میں جدید ٹیکنالوجی کا بڑھتا استعمال، یہ نئے بھارت کی پہچان ہے۔
بھارت کے نوجوانوں کی خواہشات، ان کی امیدیں، نئے بھارت کے فیصلوں کی بنیاد بن رہی ہیں۔ اب ملک میں نئے اسپورٹس سائنس سینٹرز قائم کیے جا رہے ہیں۔ اب ملک میں اسپورٹ یونیورسٹیاں بن رہی ہیں۔
یہ آپ کی سہولت کے لیےہے، آپ کے خوابوں کو پورا کرنے کے لیے ہے۔
ساتھیو،
کھیل کی طاقت سے ملک کی طاقت میں اضافہ ہوتا ہے۔ کھیل میں شناخت ملک کی شناخت کو بڑھاتی ہے۔ مجھے آج بھی یاد ہے جب میں ٹوکیو اولمپکس سے لوٹ کر آئے کھلاڑیوں سے ملا تھا۔ ان کے چہرے پر جیت سے زیادہ ملک کے لیے جیت کا فخر تھا۔ ملک کی جیت سے جو خوشی ملتی ہے اس کا کوئی مقابلہ نہیں۔
آپ بھی آج صرف اپنے یا اپنے خاندان کے لیے نہیں کھیل رہے ہیں۔ یہ یونیورسٹی گیمز بھلے ہوں لیکن اسے اس طرح کھیلیں جیسے آپ ملک کے لیے کھیل رہے ہیں، ملک کے لیے اپنے اندر ایک عظیم کھلاڑی کو تیار کر رہے ہیں۔ یہ جذبہ آپ کو آگے لے جائے گا۔ یہ جذبہ آپ کو میدان میں فتح اور تمغہ بھی دلائے گا۔
مجھے پورا یقین ہے کہ آپ تمام نوجوان ساتھی خوب کھیلیں گے، خوب کھیلیں گے۔
اسی یقین کے ساتھ ایک بار پھر ملک بھر کے آپ سبھی نوجوان ساتھیوں کو بہت بہت نیک خواہشات۔ شکریہ۔
