وزیر اعظم جناب نریندر مودی نے 14 جولائی 2023 کو فرانس کی قومی اسمبلی کی صدر محترمہ یل برین پیویٹ اور اسمبلی کی سینئر لیڈروں سے ملاقات کی۔ یہ ملاقات ان کی سرکاری رہائش گاہ ،پیرس میں واقع ہوٹل ڈی لاسے میں ظہرانے کے دوران ہو ئی ۔
دونوں رہنماؤں نے جمہوریت، آزادی، مساوات اور بھائی چارے کی مشترکہ اقدار کو اجاگر کیا۔ انہوں نے دونوں ملکوں کے پارلیمنٹ کے مابین تعاون کو مزید بڑھانے کے طریقوں پر تبادلہ خیال کیا۔
فرانسیسی فریق نے ہندوستان کے وسیع انتخابی عمل کی ستائش کی۔ بات چیت میں تجارت اور معیشت، ماحولیات، ٹیکنالوجی اور ثقافت سمیت اسٹریٹجک شراکت داری کے مختلف ستونوں کا بھی احاطہ کیا گیا۔دونوں رہنماؤں نے علاقائی اور عالمی امور پر بھی تبادلہ خیال کیا۔
