وزیر اعظم جناب نریندر مودی نے 24 اگست 2023 کو جوہانسبرگ میں 15 ویں برکس سربراہ اجلاس کے دوران جمہوریہ ایتھوپیا کے وزیر اعظم عزت مآب ڈاکٹر ابی احمد علی سے ملاقات کی ۔
دونوں رہنماؤں نے ترقی میں شراکت داری اور صلاحیت سازی ، تجارت و سرمایہ کاری ، دفاعی تعاون ، آئی سی ٹی ، زراعت ، نوجوانوں کی ہنر مندی اور دونوں ممالک کے عوام کے درمیان باہمی تعلقات سمیت اہم شعبوں پر مثبت بات چیت کی۔انہوں نے اہم علاقائی اور عالمی امور پر بھی تبادلہ خیال کیا۔
وزیر اعظم نے برکس میں ایتھوپیا کی رکنیت کے لئے وزیر اعظم ابی احمد کو مبارکباد دی ۔انہوں نے ’وائس آف گلوبل ساؤتھ سمٹ‘ میں حصہ لینے کے لئے وزیر اعظم ابی احمد کی تعریف کی۔
وزیر اعظم ابی احمد نے ایتھوپیا کو برکس خاندان میں شامل کرنے کے لئے ہندوستان کی حمایت کے لئے وزیر اعظم کا شکریہ ادا کیا۔انہوں نے چندریان مشن کی کامیابی پر وزیر اعظم کو مبارکباد دی اور اسے ایتھوپیا اور جنوبی دنیا کے ممالک کے لئے فخر و امتیاز کا لمحہ بتایا۔
Held fruitful talks with PM @AbiyAhmedAli. Congratulated him on Ethiopia joining BRICS. We discussed ways to boost ties in sectors like trade, defence and people to people relations. pic.twitter.com/PE6a8xRgZQ
— Narendra Modi (@narendramodi) August 24, 2023
