نئی دہلی، 13/جولائی 2020 ۔ وزیر اعظم جناب نریندر مودی نے آج ویڈیو کانفرنس کے ذریعے ٹوکیو اولمپکس کے لئے روانہ ہونے والے بھارتی ایتھلیٹوں کے دستے کے ساتھ تبادلہ خیال کیا۔ وزیر اعظم کے ذریعے یہ تبادلہ خیال کھیلوں میں شرکت سے قبل ان کی حوصلہ افزائی کی ایک کوشش ہے۔ کھیل کود اور نوجوانوں کے امور کے وزیر جناب انوراگ ٹھاکر، کھیل کود اور نوجوانوں کے امور کے وزیر مملکت جناب نیستھ پرمانک اور وزیر قانون جناب کرن رجیجیو بھی اس موقع پر موجود تھے۔
ایک غیر رسمی اور برجستہ تبادلہ خیال کے دوران وزیر اعظم نے ایتھلیٹوں کی حوصلہ افزائی کی اور ان کے اہل خانہ کا ان کی قربانیوں کے لئے شکریہ ادا کیا۔ دیپکا کماری (تیراندازی) سے بات چیت کرتے ہوئے وزیر اعظم نے عالمی چمپئن شپ میں سونے کا تمغہ جیتنے کے لئے انھیں مبارک باد دی۔ وزیر اعظم نے ذکر کیا کہ ان کا سفر تیر کے ذریعے آم توڑنے سے شروع ہوا تھا۔ وزیر اعظم نے ایک کھلاڑی کے طور پر ان کے سفر کے بارے میں بھی دریافت کیا۔ وزیر اعظم نے پروین جادھو (تیراندازی) کی مشکل حالات کے باوجود راستے پر ڈٹے رہنے کے لئے ستائش کی۔ وزیر اعظم نے ان کے اہل خانہ سے بھی بات چیت کی اور ان کی کوششوں کو سراہا۔ جناب مودی نے کنبے کے ساتھ مراٹھی میں تبادلہ خیال کیا۔
نیرج چوپڑا (بھالا پھینکنا)سے بات چیت کرتے ہوئے وزیر اعظم نے بھارتی فوج کے ساتھ ان کے تجربے اور چوٹ سے ان کی صحت یابی کے بارے میں دریافت کیا۔ جناب مودی نے ان سے کہا کہ وہ توقعات کے بوجھ تلے دبے بغیر اپنی بہترین کارکردگی کا مظاہرہ کریں۔ دوتی چند (اسپرنٹ) کے ساتھ جناب مودی نے بات چیت کا آغاز ان کے نام کے معنی سے کیا، جس کا مطلب ’تابناکی‘ ہے اور اپنی کھیل کی ہنرمندیوں کے ذریعے روشنی بکھیرنے کے لئے ان کی عزت افزائی کی۔ وزیر اعظم نے ان سے کہا کہ وہ بلا خوف آگے بڑھیں، کیونکہ پورا ملک ایتھلیٹوں کے پیچھے کھڑا ہے۔ وزیر اعظم نے آشیش کمار (باکسنگ) سے دریافت کیا کہ انھوں نے باکسنگ کا انتخاب کیوں کیا۔ انھوں نے پوچھا کہ انھوں نے کووڈ-19 کے خلاف کیسے لڑائی لڑی اور اپنی ٹریننگ بھی جاری رکھی۔ وزیر اعظم نے، اپنے والد کی موت کےباوجود اپنے ہدف سے نہ ڈگمگانے کے لئے ان کی ستائش کی۔ ایتھلیٹ نے صحت یابی کے عمل میں اپنے اہل خانہ اور دوستوں سے حاصل ہونے والی حمایت کو یاد کیا۔ جناب مودی نے اس موقع کو یاد کیا جب کرکٹر سچن تندولکر نے ایسے ہی حالات میں اپنے والد کو کھودیا تھا اور کیسے انھوں نے اپنے کھیل کے ذریعے اپنے والد کو خراج عقیدت پیش کیا تھا۔
وزیر اعظم نے متعدد ایتھلیٹوں کے لئے رول ماڈل ہونے کے لئے میریکوم (باکسنگ) کی ستائش کی۔ انھوں نے ان سے دریافت کیا کہ وہ کیسے اپنے اہل خانہ کی دیکھ بھال کرنے اور اپنے کھیل کا سلسلہ جاری رکھنے میں کامیاب رہیں، بالخصوص وبا کے دوران۔ وزیر اعظم نے ان سے ان کے پسندیدہ پنچ اور ان کے پسندیدہ کھلاڑی کے بارے میں دریافت کیا۔ انھوں نے ان کے تئیں نیک خواہشات کا اظہار کیا۔ پی وی سندھو (بیڈمنٹن) سے وزیر اعظم نے حیدرآباد کے گاچی باؤلی میں ان کی پریکٹس کے بارے میں دریافت کیا۔ انھوں نے ان کی ٹریننگ کے دوران خورد و نوش کی اہمیت کے بارے میں بھی دریافت کیا۔ وزیر اعظم نے ان کے والدین سے کہا کہ وہ ایسے والدین کو مشورہ اور ٹپس دیں جو اپنے بچوں کو اسپورٹس پرسن بنانا چاہتے ہیں۔ اولمپک میں کامیابی کے لئے ایتھلیٹ کو نیک خواہشات پیش کرتے ہوئے وزیر اعظم نے کہا کہ وہ بھی ان کے ساتھ آئس کریم کھائیں گے جب وہ ایتھلیٹوں کا وطن واپسی پر خیرمقدم کریں گے۔
وزیر اعظم نے ایلاوینل ولاریون (شوٹنگ) سے دریافت کیا کہ کھیل میں ان کی دلچسپی کیسے پیدا ہوئی۔ ذاتی طور پر وزیر اعظم مودی نے شوٹر سے بات چیت کی، جن کی پرورش گجرات کے احمدآباد میں ہوئی تھی اور تمل میں ان کے والدین کو مبارکباد دی اور اس وقت کو یاد کیا جب وہ ان کے حلقہ مانی نگر سے رکن اسمبلی تھے۔ انھوں نے دریافت کیا کہ وہ اپنی پڑھائی لکھائی اور اسپورٹس ٹریننگ کے درمیان کیسے توازن رکھتی ہیں۔
وزیر اعظم نے سوربھ چودھری (شوٹنگ) سے توجہ مرکوز کرنے کے عمل کو بہتر بنانے اور ذہنی توازن قائم رکھنے میں یوگا کے رول کے بارے میں بات چیت کی۔ وزیر اعظم نے معروف کھلاڑی شرت کمل (ٹیبل ٹینس) سے سابقہ اور اس اولمپک کے درمیان فرق کے بارے میں پوچھا اور اس تقریب پر وبا کے اثرات کے بارے میں بھی معلومات حاصل کیں۔ جناب مودی نے کہا کہ ان کے وسیع تجربے سے پورے دستے کو مدد ملے گی۔ ایک دوسری ٹینس کھلاڑی منیکا بترا (ٹیبل ٹینس) کی وزیر اعظم نے اسپورٹس میں غریب بچوں کی ٹریننگ کے لئے ان کی زبردست ستائش کی۔ انھوں نے کھیلتے وقت اپنے ہاتھ میں ترنگا پہننے کی ان کے عادت کا ذکر کیا۔ انھوں نے ان سے پوچھا کہ رقص کے تئیں ان کے جنون سے کھیل میں انھیں دباؤ کو کم کرنے میں مدد ملتی ہے۔
وزیر اعظم نے کہا کہ کیسے ونیش فوگاٹ (پہلوانی) اپنی خاندانی وراثت کے سبب ان سے کی جانے والی وسیع توقعات سے عہدہ برآ ہوتی ہیں۔ ان کو درپیش چیلنجوں کا ذکر کرتے ہوئے وزیر اعظم نے کہا کہ وہ ان سے کیسے نمٹیں گی۔ انھوں نے ان کے والد سے بھی بات چیت کی اور ایسی شاندار لڑکیوں کی پرورش و پرداخت کے طریقوں کے بارے میں ان سے دریافت کیا۔ انھوں نے ساجن پرکاش (تیراکی) سے ان کی چوٹ اور اس سے صحت یاب ہونے کے بارے میں دریافت کیا۔
من پریت سنگھ (ہاکی) سے بات چیت کرتے ہوئے وزیر اعظم نے کہا کہ ان سے بات چیت کرتے وقت انھیں میجر دھیان چند وغیرہ جیسے ہاکی لیجنڈ یاد آرہے ہیں۔ وزیر اعظم نے اس امیدکا اظہار کیا کہ ان کی ٹیم اس وراثت کو زندہ رکھے گی۔
ثانیہ مرزا (ٹینس) کے ساتھ بات چیت کرتے ہوئے وزیر اعظم نے ٹینس کی بڑھتی ہوئی مقبولیت کا ذکر کیا اور اس سینئر کھلاڑی سے نئے ابھرتے ہوئے کھلاڑیوں کو اپنا مشورہ دینے کے لئے کہا۔ انھوں نے ان سے ٹینس کی اپنی شراکت دار کے ساتھ ان کے تال میل کے بارے میں بھی دریافت کیا۔ انھوں نے ان سے گزشتہ 5-6 برسوں کے دوران اسپورٹس کے شعبے میں آنے والی تبدیلیوں کے بارے میں بھی دریافت کیا۔ ثانیہ مرزا نے کہا کہ بھارت نے حالیہ برسوں میں خوداعتمادی کا مظاہرہ کیا ہے اور اس کی عکاسی کھلاڑیوں کی کارکردگی میں ہوگی۔
بھارتی ایتھلیٹوں سے خطاب کرتے ہوئے وزیر اعظم نے اس بات پر افسوس کا اظہار کیا کہ وہ وبا کے سبب ایتھلیٹوں کی ضیافت نہیں کرسکے۔ انھوں نے کہا کہ اس وبا نے ان کے طور طریقوں کو بدل کر رکھ دیا ہے اور اولمپک کے سال کو بھی۔ انھوں نے اپنے من کی بات والے خطاب کا اعادہ کیا جب انھوں نے شہریوں سے اپیل کی تھی کہ وہ اولمپک میں اپنے کھلاڑیوں کے لئے چیئر کریں۔ انھوں نے #چیئر فار انڈیا کی مقبولیت کا ذکر کیا۔ انھوں نے کہا کہ پورا ملک ان کے پس پشت ہے اور تمام اہل وطن کی دعائیں ان کے ساتھ ہیں۔ انھوں نے بتایا کہ لوگ نمو ایپ پر لاگ اِن کرکے اپنے کھلاڑیوں کو چیئر کرسکتے ہیں، جہاں اس مقصد کے لئے خصوصی انتظامات کئے گئے ہیں۔ وزیر اعظم نے کہا کہ ’’135 کروڑ بھارتیوں کی نیک خواہشات کھیل کے میدان میں داخل ہونے سے پہلے آپ سب کے لئے ملک کی دعائیں ہیں۔‘‘
हाल के दिनों में #Cheer4India के साथ कितनी ही तस्वीरें मैंने देखी हैं।
— PMO India (@PMOIndia) July 13, 2021
सोशल मीडिया से लेकर देश के अलग अलग कोनों तक, पूरा देश आपके लिए उठ खड़ा हुआ है।
135 करोड़ भारतीयों की ये शुभकामनाएँ खेल के मैदान में उतरने से पहले आप सभी के लिए देश का आशीर्वाद है: PM @narendramodi
وزیر اعظم نے ایتھلیٹوں کے درمیان مشترکہ خصوصیات کا ذکر کیا، جو کہ جرأت مندی، اعتماد اور مثبت فکر ہیں۔ انھوں نے کہا کہ سبھی ایتھلیٹوں کے اندر نظم و ضبط، تندہی اور عزم مصمم قدرے مشترک ہیں۔ وزیر اعظم نے کھلاڑیوں کے درمیان عہد بستگی اور مسابقت کا ذکر کیا۔ یہی خوبیاں نیو انڈیا میں پائی جاتی ہیں۔ ایتھلیٹس نیو انڈیا کی عکاسی کرتے ہیں اور ملک کے مستقبل کی علامت ہیں۔
आपमें एक कॉमन फ़ैक्टर है- Discipline, Dedication और Determination.
— PMO India (@PMOIndia) July 13, 2021
आपमें commitment भी है, competitiveness भी है।
यही qualities, New India की भी हैं।
इसीलिए, आप सब New India के Reflection हैं, देश के भविष्य के प्रतीक हैं: PM @narendramodi
انھوں نے کہا کہ تمام ایتھلیٹس اس بات کے گواہ ہیں کہ کیسے آج ملک ان کے ساتھ نئی سوچ اور نئے نقطہ نظر کے ساتھ کھڑا ہے۔ آج آپ کی حوصلہ افزائی ملک کے لئے اہم ہے۔ انھوں نے کہا کہ ایتھلیٹوں کو اعلیٰ ترجیح دی گئی ہے تاکہ وہ اپنی بھرپور صلاحیت کے ساتھ آزادانہ طریقے پر کھیل کا مظاہرہ کرسکیں اور اپنے گیم اور تکنیک کو بہتر بناسکیں۔ وزیر اعظم نے کھلاڑیوں کی حمایت کے لئے حالیہ برسوں میں کی گئی تبدیلیوں کا ذکر کیا۔
आप सब इस बात के साक्षी हैं कि देश किस तरह आज एक नई सोच, नई अप्रोच के साथ अपने हर खिलाड़ी के साथ खड़ा है।
— PMO India (@PMOIndia) July 13, 2021
आज देश के लिए आपका मोटिवेशन महत्वपूर्ण है।
आप खुलकर खेल सकें, अपने पूरे सामर्थ्य के साथ खेल सकें, अपने खेल को, टेकनीक को और निखार सकें, इसे सर्वोच्च प्राथमिकता दी गई है: PM
وزیر اعظم نے کہا کہ کوشش کی گئی ہے کہ کھلاڑیوں کو بہتر ٹریننگ کیمپ اور بہتر ساز و سامان میسر آسکے۔ آج کھلاڑیوں کو زیادہ بین الاقوامی ایکسپوزر دستیاب کرایا جارہا ہے۔ انھوں نے کہا کہ اتنے قلیل وقت میں اتنی تبدیلیاں پیش آئی ہیں، کیونکہ کھیل کود سے متعلق اداروں نے کھلاڑیوں کے ذریعے دیے جانے والے مشوروں کو ترجیح دینا شروع کیا ہے۔ انھوں نے اس بات پر بھی خوشی کا اظہار کیا کہ پہلی مرتبہ اتنی بڑی تعداد میں کھلاڑیوں نے اولمپک کے لئے کوالیفائی کیا ہے۔ انھوں نے کہا کہ ’فٹ انڈیا‘ اور ’کھیلو انڈیا‘ جیسی مہمات سے بھی اس میں مدد ملی ہے۔ انھوں نے کہا کہ پہلی مرتبہ بھارتی کھلاڑی اتنے سارے کھیلوں میں حصہ لے رہے ہیں۔ متعدد ایسے کھیل ہیں جن کے لئے بھارت نے پہلی مرتبہ کوالیفائی کیا ہے۔
हमने प्रयास किया खिलाड़ियों को अच्छे ट्रेनिंग कैंप्स के लिए, बेहतर equipment के लिए।
— PMO India (@PMOIndia) July 13, 2021
आज खिलाड़ियों को ज्यादा से ज्यादा international exposure भी दिया जा रहा है।
स्पोर्ट्स से जुड़ी संस्थानों ने आप सबके सुझावों को सर्वोपरि रखा, इसीलिए इतने कम समय में इतने बदलाव आ पाये हैं: PM
पहली बार इतनी बड़ी संख्या में खिलाड़ियों ने ओलंपिक के लिए क्वालिफाई किया है।
— PMO India (@PMOIndia) July 13, 2021
पहली बार इतने ज्यादा खेलों में भारत के खिलाड़ी हिस्सा ले रहे हैं।
कई खेल ऐसे हैं जिनमें भारत ने पहली बार क्वालिफाई किया है: PM @narendramodi
وزیر اعظم نے کہا کہ نوجوان بھارت کے اعتماد اور توانائی کو دیکھتے ہوئے وہ پرامید ہیں کہ وہ دن دور نہیں ہے جب صرف جیت نئے انڈیا کی عادت ہوگی۔ انھوں نے کھلاڑیوں کو مشورہ دیا کہ وہ اپنی بہترین صلاحیتوں کا مظاہرہ کریں اور اہل وطن سے کہا کہ وہ ’’چیئر فور انڈیا‘‘ کریں۔
