وزیر اعظم نے جامع عالمی اسٹریٹجک شراکت داری کے سہولت کار کے طور پر 2+2 فارمیٹ کا خیرمقدم کیا
وزرائے موصوف نے وزیر اعظم کے امریکہ کے سرکاری دورے اور صدر بائیڈن کے جی 20 سربراہ اجلاس کے موقع پر بھارت کے دورے کے بعد دوطرفہ تعاون میں پیش رفت پر روشنی ڈالیانھوں نے مغربی ایشیا سمیت باہمی دلچسپی کے مختلف علاقائی اور عالمی امور پر تبادلہ خیال کیاوزیر اعظم نے صدر بائیڈن کے ساتھ آئندہ تعامل کی توقع کا اظہار کیاامریکہ کے وزیر خارجہ جناب انٹونی بلنکن اور وزیر دفاع جناب لائیڈ آسٹن نے آج وزیر اعظم جناب نریندر مودی سے ملاقات کی۔
دونوں سکریٹریوں نے وزیر اعظم کو بھارت کے وزیر دفاع جناب راج ناتھ سنگھ اور وزیر خارجہ ڈاکٹر ایس جئے شنکر کے ساتھ 2+2 فارمیٹ میں اپنی بات چیت کے بارے میں آگاہ کیا۔
انھوں نے جون 2023 میں وزیر اعظم کے امریکہ کے سرکاری دورے اور نئی دہلی میں جی 20 سربراہ اجلاس کے موقع پر دونوں رہنماؤں کے درمیان ملاقات کے بعد دفاع ، سیمی کنڈکٹر ، ابھرتی ہوئی ٹکنالوجی ، خلائی ، صحت سمیت دوطرفہ تعاون کے مختلف شعبوں میں پیش رفت پر بھی روشنی ڈالی۔
وزیر اعظم نے تمام شعبوں میں گہرے تعاون پر اطمینان کا اظہار کیا اور کہا کہ بھارت اور امریکہ کے درمیان جامع عالمی اسٹریٹجک شراکت داری جمہوریت ، تکثیریت اور قانون کی حکمرانی کے احترام پر مبنی ہے۔
انھوں نے مغربی ایشیا میں جاری پیش رفت سمیت باہمی دلچسپی کے مختلف علاقائی اور عالمی امور پر بھی تبادلہ خیال کیا۔ انھوں نے ان مسائل پر بھارت اور امریکہ کے درمیان قریبی تعاون جاری رکھنے کی ضرورت پر زور دیا۔
وزیر اعظم نے صدر بائیڈن کو مبارکباد پیش کی اور کہا کہ وہ ان کے ساتھ تعامل جاری رکھنے کی توقع رکھتے ہیں۔
Glad to receive @SecBlinken and @SecDef. The “2+2” Format is a key enabler for further strengthening the India-US Comprehensive Global Strategic Partnership. Our shared belief in democracy, pluralism and the rule of law underpins our mutually beneficial cooperation in diverse… pic.twitter.com/IGku8yJJsj
— Narendra Modi (@narendramodi) November 10, 2023
