وزیر اعظم جناب نریندر مودی نے شنگھائی تعاون تنظیم (ایس سی او) کے 22ویں اجلاس کے موقع پر آج سمرقند، ازبکستان میں روسی فیڈریشن کے صدر جناب ولادیمیر پتن سے ملاقات کی۔
دونوں رہنماؤں نے مختلف سطحوں پر رابطوں سمیت دو طرفہ تعلقات میں پائیدار رفتار کو سراہا۔ صدر پوتن نے اس ماہ کے شروع میں ولادی ووستوک میں ایسٹرن اکنامک فورم میں وزیر اعظم کے ویڈیو پیغام کی تعریف کی۔
رہنماؤں نے دو طرفہ تعاون کے اہم امور کے ساتھ ساتھ دلچسپی کے علاقائی اور عالمی امور پر تبادلہ خیال کیا۔ موجودہ جغرافیائی سیاسی صورتحال سے پیدا ہونے والے چیلنجوں کے تناظر میں عالمی غذائی تحفظ، توانائی کی حفاظت اور کھادوں کی دستیابی سے متعلق بھی بات چیت ہوئی۔
یوکرین میں جاری تنازعے کے تناظر میں، وزیر اعظم نے دشمنی کے جلد خاتمے اور مذاکرات اور سفارت کاری کی ضرورت پر زور دیا۔
اس سال دونوں رہنماؤں کی یہ پہلی ملاقات تھی، جو سفارتی تعلقات کے قیام کی 75 ویں سالگرہ کے موقع پر ہوئی ہے۔ انھوں نے رابطے میں رہنے پر اتفاق کیا۔
Had a wonderful meeting with President Putin. We got the opportunity to discuss furthering India-Russia cooperation in sectors such as trade, energy, defence and more. We also discussed other bilateral and global issues. pic.twitter.com/iHW5jkKOW0
— Narendra Modi (@narendramodi) September 16, 2022
