وزیراعظم جناب نریندر مودی نے آج نئی دلی کے پرگتی میدان میں قومی یوم ٹکنالوجی 2023 کے موقع پر ایک پروگرام کا افتتاح کیا۔یہ پروگرام 11سے 14 مئی تک منعقد کئے جانے والے 25ویں قومی یوم ٹکنالوجی کی تقریبات کے آغاز کے موقع پر بھی منعقد کیا گیا ہے۔اس یادگار موقع پر وزیر اعظم نے ملک میں سائنسی اور تکنیکی جدت سے متعلق 5800 کروڑروپے سے زیادہ کے متعدد پروجیکٹوں کا سنگ بنیاد رکھا اور قوم کے نام وقف کیا۔ یہ پروگرام ملک میں سائنسی اداروں کو مستحکم کرکے وزیر اعظم کے آتم نربھر بھارت کے وژن کے خطوط پر ہے ۔
جن پروجیکٹو ں کے لئے سنگ بنیاد رکھا گیا ہے ان میں ہنگولی میں لیزر انٹر فیرومیٹر گریویٹیشنل ویو آبزرویٹری – انڈیا، (لیگو – انڈیا)، اوڈیشہ کے جتنی میں ہومی بھا بھا کینسر اسپتال اینڈ ریسرچ سینٹر اور ممبئی میں ٹا ٹا میموریل اسپتال کا پلاٹینم جوبلی بلاک شامل ہیں۔
جن پروجیکٹوں کو قوم کے نام وقف کیا گیا ان میں ممبئی میں فشن مولب ڈینم -99 پروڈکشن پلانٹ ، وشاکھا پٹنم میںرئیر ارتھ پر ماننٹ میگنیٹ پلانٹ ، نوی ممبئی میں نیشنل ہیڈرون بیم تھیراپی فیسلٹی ، نوی ممبئی میں ریڈیو لاجیکل ریسرچ یونٹ ، وشاکھا پٹنم میں ہومی بھا بھا کینسر اسپتال اینڈ ریسرچ سینٹر اور نوی ممبئی میں وومین اینڈچلڈرن کینسر اسپتال کی عمارت شامل ہیں۔
پروگرام کے دوران وزیر اعظم نے حالیہ مستقبل میں بھارت میں سائنسی اور ٹکنالوجی سے متعلق ترقی کو ظاہر کرنے والی نمائش کا افتتاح کیا اور اس پر ایک نظر ڈالی ۔ انہوں نے اس موقع پر ایک یادگاری ٹکٹ اور سکہ بھی جاری کیا۔
اجتماع سے خطاب کرتے ہوئے وزیر اعظم نے کہا کہ 11 مئی کا دن بھارت کی تاریخ میں بہت اہم ہے ۔ انہوں نے اس بات کو اجاگر کیا کہ آج ہی کے دن بھار ت کےسائنسدانوں نے کوکران میں ایک شاندار کامیابی حاصل کی تھی ،جس نے پورے ملک کا سر فخر سے بلند کردیا۔وزیر اعظم نے کہا کہ ‘‘ میں اس دن کو کبھی نہیں بھلاسکتا جب اٹل جی نے بھارت کے کامیاب نیو کلیائی تجربے کا اعلان کیا تھا۔ انہوں نے کہا کہ پوکھران کے نیو کلیائی تجربے نے نہ صرف بھارت کی سائنسی صلاحیتوں کو ثابت کرنے میں مدد کی بلکہ ملک کی عالمی ساکھ میں بھی اضافہ کیا ۔’’وزیراعظم نے کہا کہ ‘‘ اٹل جی کے الفاظ میں ، ہم نے اپنا سفر کبھی نہیں روکا اور ہمارے راستے میں آنے والے چیلنجوں کے سامنے کبھی نہیں جھکے۔وزیر اعظم نے قومی یوم ٹکنالوجی کے موقع پر تمام شہریوں کو مبارکباددی۔
وزیراعظم نے ان مستقبل کے پروجیکٹوں کے بارے میں ، جن کا افتتاح کیا گیا،ذکر کرتے ہوئے ممبئی میں نیشنل ہیڈرون بیم تھیراپی فیسلٹی ، ریڈیو لوجیکل ریسرچ یونٹ ، وشاکھا پٹنم میں فشن مولب ڈینم -99 پروڈکشن پلانٹ ، ریئر ارتھ پرماننٹ میگنیٹ پلانٹ یا کینسر ریسرچ اسپتالوں سے متعلق کہا کہ یہ نیو کلیائی ٹکنالوجی کی مددسے ملک کی ترقی کو بڑھانے میں مدد کریں گے۔لیگو انڈیا کے بارے میں وزیر اعظم نے کہا کہ یہ اکیسویں صدی میں سائنس اور ٹکنالوجی کا سب سے بڑا قدم ہوگا۔ یہ آبزرویٹری طلبا اور سائنسدانوں کے لئے تحقیق کے نئے مواقع پیدا کریں گے۔
وزیراعظم نے اس بات کا اعادہ کیا کہ آج امرت کال کے ابتدائی دور میں 2047 کے اہداف ہمارے سامنے بالکل واضح ہیں۔ وزیراعظم نے ترقی ، جدت طرازی اور پائیدار ترقیاتی اہداف کے لئے ایک جامع ماحول تیار کرنے کی ضرورت پر زور دیتے ہوئے کہا کہ ہمیں ملک کو وکست اور آتم نربھر بنانا ہے ۔ انہوں نے ہر مرحلے میں ٹکنالوجی کی اہمیت کو اجاگر کیا اور کہا کہ بھارت اس سلسلے میں ایک جامع اور 360 ڈگری کے طریق کار کے ساتھ آگے بڑھ رہا ہے ۔ وزیر اعظم نے کہا کہ بھارت ٹکنالوجی کو اپنا تسلط قائم کرنے کا ذریعہ بلکہ ملک کی ترقی کا ذریعہ سمجھتا ہے۔
آج کی تقریب کے موضوع ‘‘ اسٹارٹس اپ کے لئے اسکول – نوجوان ذہنوں کو جدت طرازی کے لئے آمادہ کرنا’’ کی ستائش کرتے ہوئے وزیر اعظم نے کہا کہ بھارت کے مستقبل کا فیصلہ آج کے نوجوان اور بچوں کے ہاتھوں میں ہے ۔ انہوں نے کہا کہ آج کے بچوں اور نوجوانوں کا جذبہ ، توانائی اور صلاحیتیں بھارت کی بڑی قوت ہیں۔ڈاکٹر اے پی جے عبدالکلام کا حوالہ دیتے ہوئے وزیراعظم نے علم کی اہمیت کو اجاگر کرتے ہوئے کہا کہ ایسے میں جب کہ بھارت ایک علم پر مبنی معاشرے کے طور پر فروغ پارہا ہے یہ برابر کی قوت سے کارروائی بھی کررہا ہے ۔انہوں نے نوجوان ذہنوں کو تحریک دینے کے لئے پچھلے نو برسوں کے دوران ملک میں تیار کی گئی مضبوط بنیاد کی بھی وضاحت کی ۔
وزیراعظم نے کہا کہ 700 اضلاع میں کام کرنے والی 10 ہزار سے زیادہ اٹل ٹنکرنگ لیبس جدت طرازی کی نرسری بن گئی ہیں۔ اہم بات یہ ہے کہ ان لیبس میں 60 فیصد سرکاری اور دیہی اسکولوں میں کام کررہی ہیں۔وزیراعظم نے بتایا کہ 75 لاکھ سے زیادہ طلبا اٹل ٹنکرنگ لیبس میں بارہ لاکھ سے زیادہ جدت طرازی کے پروجیکٹوں پر کام کررہے ہیں۔ وزیراعظم نے کہا کہ یہ اس بات کا اشارہ ہے کہ نوجوان سائنسداں اسکولوں سے ہی آرہے ہیں اور ملک کے کونے کونے میں پہنچ رہے ہیں۔انہوں نے کہا کہ یہ ہر ایک کا فرض ہے کہ وہ ان کی مدد کرے ، ان کی صلاحیتوں کی پرورش کرے اور ان کے نظریا ت کو نافذ کرنے میں مدد کرے ۔ انہوں نے اس بات کو اجاگر کیا کہ اٹل انوویشن سینٹر وں ( اے آئی سی ) میں سیکڑوں اسٹارٹ اپس شروع کئے جارہے ہیں اور کہا کہ یہ نئے بھارت کی نئی لیباریٹریز کے طور پر ابھر رہے ہیں۔ وزیر اعظم نے کہا کہ ‘‘ بھارت کے ٹنکر پرینیور جلد ہی دنیا کے بڑ ے انٹر پرینیور بن جائیں گے ۔
سخت محنت کی اہمیت کے بارے میں مہارشی پتانجلی کا حوالہ دیتے ہوئے وزیر اعظم نے کہا کہ 2014 کے بعد سے کئے گئے اقدامات کے نتیجے میں سائنس اور ٹکنالوجی کے شعبے میں بڑی تبدیلیاں آئی ہیں۔ جناب مودی نے یہ کہتے ہوئے کہ سائنس کتابوں سے باہر آرہی ہے اور تجربات کے ذریعہ پیٹنٹ میں بدل رہی ہے، کہا کہ ‘‘ اسٹارٹ اپ انڈیا مہم ، ڈجیٹل انڈیا اور قومی تعلیمی پالیسی نے بھارت کو اس شعبے میں نئی اونچائیاں حاصل کرنے میں مدد کی ہے ۔ انہوں نے کہا کہ پیٹنٹس کی تعداد جو دس سال پہلے 4000سالانہ تھی آج بڑھ کر 30 ہزار سے زیادہ ہوگئی ہے۔اسی مدت کے دوران ڈیزائنوں کا رجسٹریشن دس ہزار سے بڑھ کر 15 ہزار ہوگیا ہے۔ وزیراعظم نے بتایا کہ ٹریڈ مارک کی تعداد 70 ہزار سے کم تھی ، جو بڑھ کر دو لاکھ 50 ہزار سے زیادہ ہوگئی ہے۔
جناب مودی نے کہا کہ ‘‘ بھارت آج ہرسمت میں آْگے بڑھ رہا ہے جو ایک ٹیک لیڈر بننے کے لئے ضروری ہے۔’’ انہوں نے کہا کہ ملک میں تکنیکی پرورش کے مراکز کی تعداد جو 2014 میں تقریباََ 150 تھی ،آج 650 سے زیادہ ہوگئی ہے۔ وزیر اعظم نے بتایا کہ بھارت کا عالمی جدت طرازی کے اشاریہ کا رینک 81سے بڑھ کر 40ویں پوزیشن پر آگیا ہے اور ملک میں نوجوان خود اپنے ڈجیٹل اور اسٹارٹ اپ شروع کررہے ہیں۔ 2014سے موازنہ کرتے ہوئے وزیر اعظم نے کہا کہ ملک میں اسٹارٹ اپس کی تعداد اندازاََ ایک سو سے بڑھ کر آج ایک لاکھ تک پہنچ گئی ہے اور اس نے بھارت کو آج دنیا میں تیسرا سب سے بڑا اسٹارٹ اپس ماحول والا ملک بنادیا ہے ۔ بھارت کی صلاحیت اور اہلیت کے بارے میں وزیر اعظم نے اس بات کو اجاگر کیا کہ یہ ترقی ایسے وقت میں ہوئی ہے جب دنیا کو اقتصادی غیر یقینی صورتحال کا سامنا ہے۔موجودہ دور کو پالیسی سازوں، سائنسی برادری ، پورے ملک میں پھیلے تحقیقی لیبس اور پرائیویٹ سیکٹر کے لئے انتہائی قیمتی قرار دیتے ہوئے وزیراعظم نے اعادہ کیا کہ اگرچہ طلباء اسکول سے اسٹارٹ اپ تک کا سفر طے کریں گے لیکن یہ فریقین کا کام ہے کہ وہ ان کی ہمیشہ رہنمائی اور ہمت افزائی کریں ۔ وزیراعظم نے اس مقصدکے لئے اپنی مکمل حمایت کا یقین دلایا ۔
وزیر اعظم نے کہا کہ جب ہم ٹکنالوجی کے سماجی سیاق کو ذہن میں رکھتے ہیں تو ٹکنالوجی بااختیار بنانے کا ایک طاقتور ذریعہ بن جاتا ہے۔ یہ عد م تواز ن کو ختم کرنے اور سماجی انصاف کو فروغ دینے کا ذریعہ بن جاتا ہے۔ وزیراعظم نے اس وقت کو یاد کیا جب ٹکنالوجی عام شہریوں کی دسترس سے باہر تھی اور ڈیبٹ ، کریڈٹ کارڈ ،حیثیت کی علامت سمجھے جاتے تھے لیکن آج یوپی آئی اپنی آسانی کی وجہ سے ایک معمو ل بن چکی ہے۔ آج بھارت سب سے زیادہ ڈاٹا کا استعمال کرنے والے ملکوں میں شامل ہے ۔ دیہی انٹر نیٹ استعمال کرنے والو ں کی تعداد شہری استعمال کرنے والوں سے زیادہ ہوگئی ہے ۔ جے اے ایم ٹرینٹی ، جی ای ایم پورٹل ، کوون پورٹل ، ای نیم وغیرہ تکنیکی شمولیت کے ایجنٹ بن گئے ہیں۔
وزیراعظم نے کہا کہ ٹکنالوجی کا درست استعمال سماج کو نئی قوت دیتا ہے ، حکومت آج زندگی کے ہرمرحلے میں خدمات فراہم کرنے کے لئے ٹکنالوجی کا استعمال کررہے ہے۔وزیراعظم نے کہا کہ آن لائن پیدائش سرٹیفکیٹ ، ای – پاٹھ شالہ اور دیکشا ای- لرننگ پلیٹ فارم ، اسکالر شپ پورٹل ، ملازمت کی مدت کے دوران یونیورسل ایکسز نمبر ، طبی علاج کے لئے ای –سنجیونی ، بزرگوں کے لئے جیون پرمان جیسے سولیوشن ہر مرحلے میں شہریوں کی مدد کررہے ہیں۔ انہو ں نے سماجی انصاف اور رہن سہن میں آسانی میں اضافے کے لئے آسان پاسپورٹ ، ڈجی یاترا اور ڈجی لاکر کی مثالیں بھی پیش کیں۔
ٹکنالوجی کی دنیا میں تیزی سے ہونےوالی تبدیلیوں کا حوالہ دیتے ہوئے وزیر اعظم نے اس اعتماد کا اظہار کیا کہ بھارت کے نوجوان اس رفتار کو حاصل کرنے اور اس سے آگے بڑھ جانے میں ملک کی قیادت کریں گے۔ انہوں نے اے آئی ٹولز کا ذکر کیا جو ایک بڑی تبدیلی لانے کے طورپر ابھرے ہیں ۔ صحت کے سیکٹر میں کسی حد کے بغیر امکانات ، ڈرون ٹکنالوجی میں ہونے والی نئی جدت طرازیوں اور تھیراپی کے سیکٹر میں نئی پیش رفت کا حوالہ دیتے ہوئے کہا کہ بھارت کو ایسی انقلابی ٹکنالوجی میں ضرور سبقت حاصل کرنی چاہئے ۔ ایک خودکفیل دفاعی سیکٹر کے بھارت کے ہدف کا حوالہ دیتے ہوئے وزیر اعظم نے دفاعی بہترین کارکردگی کے لئے جدت طرازی یا آئی ڈیکس کاذکر کیا اور اس بات پر خوشی کا اظہار کیا کہ وزارت دفاع نے 350 کروڑروپے سے زیادہ کے آئی ڈیکس سے 14جدت طرازیوں کی خریداری کی ۔وزیراعظم نے آئی-کریئیٹ اور ڈی آر ڈی او ینگ سانٹسٹ لیبس جیسے اقدامات کا ذکر کرتے ہوئے کہا کہ ان کوششوں کو ایک نئی سمت دی جارہی ہے۔خلاء کےسیکٹر میں نئی اصلاحات کے بارے میں وزیراعظم نے کہا کہ بھارت ایک عالمی گیم چینجرکے طورپر ابھر رہا ہے اور انہوں نے ایس ایس ایل وی اور پی ایس ایل وی اور آر بٹ پلیٹ فارمس جیسی ٹکنالوجیوں کو اجاگر کیا ۔ جناب مودی نے خلا کے شعبے میں نوجوانوں اور اسٹارٹ اپس کو نئے مواقع فراہم کرنے کی ضرورت پر زور دیا اور کوڈنگ ، گیمنگ اور پروگرامنگ کے شعبوں میں سبقت حاصل کرنے پر بھی زور دیا۔وزیر اعظم نے ایسے وقت میں جب کہ بھارت سیمی کنڈکٹر ز جیسے نئے شعبوں میں اپنی موجودگی میں اضافہ کررہا ہے ، پی ایل آئی اسکیم جیسے پالیسی سطح کے اقدامات کو بھی اجاگر کیا۔
اختراع اور سیکورٹی میں ہیکاتھونس کے رول پر روشنی ڈالتے ہوئے وزیراعظم نے اس بات پر زور دیا کہ حکومت ہیکاتھون کلچر کو مسلسل فروغ دے رہی ہے ، جہاں طلبا نئے چیلنجز کو قبول کرتے ہیں اورانہوں نےدستگیری کی ضرورت پر زور دیا اور سا تھ ہی ساتھ انہوں نےاس کے لئے ایک فریم ورک کی تشکیل کی ضرورت پر بھی زور دیا۔ انہوں نے تجویز پیش کی کہ ایک ادارہ جاتی نظام کو ٹھیک ٹھاک رکھا جانا چاہئے تاکہ اٹل ٹنکرنگ لیبس سے نکلنے والے طلباکے مسائل سے نمٹا جاسکے ۔ وزیراعظم نے کہا کہ کیا ہم اسی طرح ملک کے مختلف علاقوں میں 100 لیبس کی نشاندہی کرسکتے ہیں جو نوجوانوں کے ذریعہ چلائےجانےچاہئیں۔ صاف توانائی اور قدرتی کھیتی کے خصوصی توجہ والے شعبوں کو اجاگر کرتے ہوئے وزیراعظم نے تحقیق اور ٹکنالوجی کو فروغ دینےکی ضرورت پر زور دیا ۔ اپنا خطاب ختم کرتے ہوئے وزیراعظم نے اس امید کااظہار کیا کہ نیشنل ٹکنالوجی ہفتہ ان امکانات کو بروئے کارلانے میں ایک اہم رول ادا کرسکتا ہے ۔
مرکزی وزیر دفاع جناب راج ناتھ سنگھ اور عملے ، عوامی شکایات اور پنشن کےمرکزی وزیرمملکت ڈاکٹرجتیندرسنگھ کے علاوہ دیگر لوگ بھی اس موقع پر موجود تھے ۔
پس منظر
مہاراشٹر میں ہنگولی میں تیار کیا جانے والاایل آئی جی او انڈیا دنیا میں ایک کارآمد لیزرانٹرفیرومیٹرگریویٹیشنل ویو ابزرویٹری ہوگا۔ یہ ایک4کلومیٹرلمبا انتہائی حساس انٹرفیرومیٹر ہے، جو بلیک ہولس اور نیوٹرون اسٹار جیسے زبردست ایسٹرو فیزیکل آبجیکٹس کے ملنے کے دوران پیدا ہونے والےسینسنگ گریویٹیشنل لہروں کو سمجھنے میں مددگار ثابت ہوگا۔ ایل آئی جی او انڈیا امریکہ میں کام کرنےوالی دو ابزرویٹریز کے ساتھ مل کر کام کرے گا ایک واشنگٹن کےہینڈفورڈ میں اور دوسرا لوسیانا لیونگسٹون میں ہوگا۔
ریئر ارتھ پرمانینٹ میگنیٹس ترقی یافتہ ملکوں میں خاص طور پر تیار کئے گئے ہیں ۔ ریئر ارتھ پرمانینٹ میگنیٹ تیارکرنےکی سہولت وشاکھاپٹنم میں بھابھااٹامک ریسرچ سینٹرکے کیمپس میں تیار کی گئی ہے ۔ یہ سہولت ملک کی ٹکنالوجی پر مبنی ہے۔دیسی وسائل سے نکالئے گئے ملک کی ریئر ارتھ مٹریل کااستعمال کیا جارہا ہے۔اس سہولت کےساتھ ہندوستان ریئرارتھ پرمانینٹ میگنیٹ تیار کرنےکی صلاحیت والےدنیا کے چندملکوں کے ایک مخصوص گروپ میں شامل ہو جائے گا۔
نوی ممبئی کے ٹاٹا میموریل سینٹرکے نیشنل ہیڈرون بیم تھیراپی سہولت ، جدید نوعیت کی سہولت ہے جو ارد گرد کے عام ڈھانچے کو کم سے کم ڈوز کے ساتھ ٹیومر تک تابکاری کی انتہائی درست ترسیل کے لیے کام کرتی ہے۔ ٹشو کو نشانہ بنانے کے لیے خوراک کی درست ترسیل تابکاری تھراپی کے ابتدائی اور تاخیر سے ہونے والے ضمنی اثرات کو کم کرتی ہے۔
فیژن مولیڈینم -99 پروڈکشن فیسلٹی بھابھااٹامک ریسرچ سینٹر ٹرامبےکیمپس پر واقع ہے، یہ مولیوڈینم 99 ٹکنیٹیم 99 ایم کا سرپرست ہے، جو کینسر اور دل کی بیماری وغیرہ کاجلد پتہ لگانے کے لئے 85 فیصد سے زیادہ تصویری طریقہ کار میں استعمال ہوا ہے۔ توقع ہے کہ اس سہولت سے سالانہ تقریبا 9 سے 10 لاکھ مریضوں کی اسکیننگ ہوسکے گی۔
بہت سے کینسر ہسپتالوں اور تنصیبات کا سنگ بنیاد رکھا جانا اورانہیں قوم کے نام وقف کئےجانےکر ڈی سینٹرلائز کیا جائے گا اور ملک کے مختلف خطوں میں عالمی نوعیت کی کینسر کی دیکھ بھال کی گنجائش اور سہولت میں اضافہ کرے گا۔
اٹل اختراعی مشن اور دیگر اجزا
یہ پروگرام اور تقریبات ٹکنالوجی کے قومی دن 2023 کے موقع پر ہورہی ہیں جس میں اٹل اختراعی مشن پر خصوصی توجہ دی گئی ہے ۔ اس سال کے ٹکنالوجی کے قومی دن کےموقع پر قومی دن کے موضوع پر روشنی ڈالتے ہوئے اےآئی ایم پویلین کئی اختراعی پروجیکٹس کو نمایاں کرے گا اور وہاں آنےوالے لوگوں کو ایک موقع فراہم کرے گا کہ وہ براہ راست ٹنکرنگ اجلاس کا برسرموقع جائزہ لیں اوراسے دیکھیں۔ ٹنکرنگ سرگرمیوں میں شامل ہوں اوراے آر/ وی آر، ڈیفنس ٹیک، ڈیجی یاترا، ٹیکسٹائل اورلائف سائنسیز وغیرہ جیسے کئی انگیجمنٹ زون کے ساتھ اسٹارٹ اپس کےذریعہ غیر معمولی اختراعات اورمصنوعات کا مشاہدہ کریں ۔
پروگرام کےدوران وزیراعظم نے ایک ایکسپو کابھی افتتاح کیا جس میں حالیہ ماضی میں ہندوستان میں تیار کی گئی جدید سائنسی اور ٹکنالوجیکل ترقی کو نمایاں کیا گیا ہے ۔ اس موقع پر جناب نریندر مودی ایک یادگاری اسٹامپ اورسکہ بھی جاری کریں گے۔
سابق وزیراعظم جناب اٹل بہاری واجپئی کے ذریعہ نیشنل ٹکنالوجی کے قومی دن کاآغاز ان ہندوستانی سائنسدانوں ، انجینئروں اورماہرین ٹکنالوجی کے اعزاز میں 1999 میں کیا گیا تھا ، جنہوں نے ہندوستان کی سائنسی اورٹکنالوجی ترقی کے لئے کام کیا تھا اور1998 میں پوکھران میں ایٹمی دھماکے کے تجربے کے کامیاب ا نعقاد کو یقینی بنایا تھا۔ اس کے بعد سے ہرسال 11 مئی کو ٹکنالوجی کا قومی دن منایا جاتا ہے۔ یہ دن ہرسال نئے اور مختلف موضوع کے ساتھ منایا جاتا ہے ، اس سال کاموضوع ہے ’اسکول ٹو ا سٹارٹ اپس –اختراع کے لئے نوجوان ذہن کو بیدار کرنا‘۔
On National Technology Day, India salutes our scientists for their hardwork. We also remember the exemplary leadership of Atal Ji, which led to successful Pokhran tests in 1998. pic.twitter.com/421kKjBf2b
— PMO India (@PMOIndia) May 11, 2023
हमारे सामने 2047 के स्पष्ट लक्ष्य हैं।
— PMO India (@PMOIndia) May 11, 2023
हमें देश को विकसित बनाना है, हमें देश को आत्मनिर्भर बनाना है। pic.twitter.com/mUwk1jqotN
For India, technology is a tool for adding momentum to the country's growth trajectory. pic.twitter.com/veGcoBcTpT
— PMO India (@PMOIndia) May 11, 2023
Atal Tinkering Labs are nurturing the seeds of innovation among youngsters. pic.twitter.com/vtAqVJGQLq
— PMO India (@PMOIndia) May 11, 2023
पहले जो science केवल किताबों तक सीमित थी, वो अब experiments से आगे बढ़कर ज्यादा से ज्यादा patents में बदल रही है। pic.twitter.com/SIop32OJ9F
— PMO India (@PMOIndia) May 11, 2023
Powered by Yuva Shakti, India is making strides in the world of Start-Ups. pic.twitter.com/3KTIwCal5o
— PMO India (@PMOIndia) May 11, 2023
Indians have embraced digital payments. UPI has become the new normal. pic.twitter.com/Tu8DJfFIlR
— PMO India (@PMOIndia) May 11, 2023
