عزت مآب وزیر اعظم مٹسو ٹاکس، دونوں ممالک کے مندوبین، میڈیا کے دوستو،
نمسکار!
سب سے پہلے میں یونان کے جنگلات میں لگنے والی آگ کے المناک واقعات میں جانوں کے اتلاف پر اپنی اور بھارت کے تمام عوام کی جانب سے تعزیت کا اظہار کرتا ہوں۔
اس کے ساتھ ہی ہم زخمیوں کی جلد صحت یابی کے لیے دعا گو ہیں۔
دوستو، یونان اور بھارت - یہ ایک قدرتی اتحاد ہے- دنیا کی دو قدیم تہذیبوں کے درمیان، دنیا کے دو قدیم جمہوری نظریات کے درمیان،
اور دنیا کے قدیم تجارتی اور ثقافتی تعلقات کے درمیان۔
دوستو،
ہمارے تعلقات کی بنیاد جتنی قدیم ہے اتنی ہی مضبوط ہے۔
سائنس، آرٹ اور ثقافت - تمام محاذوں پر ہم نے ایک دوسرے سے سیکھا ہے۔
آج ہمارے پاس جغرافیائی سیاسی، بین الاقوامی اور علاقائی مسائل پر بہترین ہم آہنگی ہے چاہے وہ بحر ہند و بحرالکاہل میں ہو یا بحیرہ روم میں۔
دو پرانے دوستوں کی طرح، ہم ایک دوسرے کے جذبات کو سمجھتے ہیں اور ان کا احترام کرتے ہیں۔
40 سال کے وقفے کے بعد کسی بھارتی وزیر اعظم کا یونان کا یہ پہلا دورہ ہے۔
اس کے باوجود نہ تو ہمارے تعلقات کی گہرائی کم ہوئی ہے اور نہ ہی تعلقات کی گرم جوشی میں کوئی کمی واقع ہوئی ہے۔
اس لیے آج وزیر اعظم اور میں نے بھارت اور یونان کی شراکت داری کو اسٹریٹجک سطح پر لے جانے کا فیصلہ کیا ہے۔
ہم نے دفاع اور سلامتی، بنیادی ڈھانچے، زراعت، تعلیم، نئی اور ابھرتی ہوئی ٹکنالوجی اور ہنرمندی کی ترقی کے شعبوں میں اپنے تعاون کو بڑھا کر اپنی اسٹریٹجک شراکت داری کو مضبوط بنانے کا فیصلہ کیا ہے۔
دوستو، دفاع اور سلامتی کے شعبے میں ہم نے فوجی تعلقات کے ساتھ ساتھ دفاعی صنعتوں کو بھی تقویت دینے پر اتفاق کیا ہے۔
آج ہم نے دہشت گردی اور سائبر سیکورٹی کے شعبے میں باہمی تعاون پر بھی تبادلہ خیال کیا۔
ہم نے فیصلہ کیا کہ ہمارے قومی سلامتی کے مشیروں کی سطح پر بھی گفت و شنید کے لیے ایک ادارہ جاتی پلیٹ فارم ہونا چاہیے۔
جناب وزیر اعظم اور میں اس بات سے اتفاق کرتے ہیں کہ ہماری دوطرفہ تجارت تیزی سے بڑھ رہی ہے اور مزید ترقی کے وسیع امکانات موجود ہیں۔
لہٰذا ہم نے 2030 تک اپنی باہمی تجارت کو دوگنا کرنے کا ہدف مقرر کیا ہے۔
آج جلد ہی وزیر اعظم ایک کاروباری اجلاس کی میزبانی کریں گے۔
اس میں ہم دونوں ممالک کے کاروباری نمائندوں کے ساتھ کچھ مخصوص شعبوں پر تبادلہ خیال کریں گے۔
ہمیں یقین ہے کہ ہم اپنے ممالک کے درمیان تجارت اور سرمایہ کاری کی حوصلہ افزائی کرکے اپنے صنعتی اور اقتصادی تعاون کو ایک نئی سطح پر لے جا سکتے ہیں۔
زرعی شعبے میں تعاون کے معاہدے پر آج دستخط کیے گئے۔
اس معاہدے کے ساتھ، ہم زراعت اور بیج کی پیداوار کے ساتھ ساتھ تحقیق، مویشی پروری اور لائیو سٹاک کی پیداوار کے شعبے میں تعاون کر سکتے ہیں۔
دوستو،
دونوں ملکوں کے درمیان ہنرمند مہاجرت کو آسان بنانے کے لیے ہم نے جلد ہی مائیگریشن اینڈ موبلٹی پارٹنرشپ معاہدہ کرنے کا فیصلہ کیا ہے۔
ہم سمجھتے ہیں کہ ہمیں اپنے قدیم عوامی تعلقات کو نئی شکل دینے کے لیے تعاون بڑھانا چاہیے۔
ہم اپنے تعلیمی اداروں میں ثقافتی اور تعلیمی تبادلوں کو فروغ دیں گے۔
دوستوں، ہم نے قومی اور بین الاقوامی مسائل پر بھی تبادلہ خیال کیا۔
یونان نے بھارت یورپی یونین تجارت اور سرمایہ کاری معاہدے کے لیے اپنی حمایت کا اظہار کیا ہے۔
یوکرین کے معاملے میں، دونوں ممالک سفارت کاری اور گفت و شنید کی حمایت کرتے ہیں۔
میں نے یونان کا اقوام متحدہ اور دیگر بین الاقوامی سطح پر تعاون پر شکریہ ادا کیا۔
میں جی 20 میں بھارت کی صدارت کے لیے نیک امنگوں اور حوصلہ افزائی کے لیے وزیر اعظم کا شکر گزار ہوں۔
دوستو،
میں ہیلینک جمہوریہ کے عوام اور صدر کا تہہ دل سے شکریہ ادا کرتا ہوں کہ انھوں نے آج مجھے ’’گرینڈ کراس آف دی آرڈر آف آنر‘‘ سے نوازا۔
140 کروڑ بھارتیوں کے ذریعے میں نے ایوارڈ قبول کیا اور شکریہ ادا کیا۔
بھارت اور یونان کی مشترکہ اقدار ہماری دیرینہ اور قابل اعتماد شراکت داری کی بنیاد ہیں۔
جمہوریت کی اقدار اور نظریات کو قائم کرنے اور کامیابی سے فروغ دینے میں دونوں ممالک کا تاریخی کردار ہے۔
مجھے یقین ہے کہ گندھارا اسکول آف آرٹ کی طرح، جو بھارتی اور گریکو رومن آرٹ کا ایک خوبصورت امتزاج ہے، بھارت اور یونان کی دوستی بھی وقت کی چٹان پر ایک انمٹ نشان چھوڑے گی۔
ایک بار پھر میں یونان کے اس خوبصورت اور تاریخی شہر میں مجھے اور میرے وفد کی مہمان نوازی پر وزیر اعظم اور یونان کے عوام کا تہہ دل سے شکریہ ادا کرتا ہوں۔
بہت بہت شکریہ۔
ग्रीस और भारत- ये एक स्वाभाविक मिलन है
— PMO India (@PMOIndia) August 25, 2023
-विश्व की दो पुरातन सभ्यताओं के बीच,
-विश्व के दो पुरातन लोकतान्त्रिक विचारधाराओं के बीच, और
-विश्व के पुरातन व्यापारिक और सांस्कृतिक संबंधों के बीच: PM @narendramodi
आज हमारे बीच Geo-political , International और Regional विषयों पर बेहतरीन तालमेल है- चाहे वो इंडो-पैसिफ़िक में हो या मेडीटिरेनियन में।
— PMO India (@PMOIndia) August 25, 2023
दो पुराने मित्रों की तरह हम एक दूसरे की भावनाओं को समझते हैं और उनका आदर करते हैं: PM @narendramodi
40 वर्षों के लंबे अंतराल के बाद भारत के किसी प्रधानमंत्री का ग्रीस आना हुआ है।
— PMO India (@PMOIndia) August 25, 2023
फिर भी, ना तो हमारे संबंधों की गहराई कम हुई है, ना ही रिश्तों की गर्मजोशी में कोई कमी आई है: PM @narendramodi
दोनों देशों के बीच skilled migration को सुगम बनाने के लिए, हमने जल्द ही एक माइग्रैशन एण्ड मोबिलिटी partnership एग्रीमेंट करने का निर्णय लिया।
— PMO India (@PMOIndia) August 25, 2023
हमारा मानना है कि अपने प्राचीन people to people संबंधों को नया रूप देने के लिए हमें सहयोग बढ़ाना चाहिए: PM @narendramodi
ग्रीस ने India-EU trade और इनवेस्टमेंट एग्रीमेंट पर अपना समर्थन प्रकट किया।
— PMO India (@PMOIndia) August 25, 2023
यूक्रेन के मामले में, दोनों देश Diplomacy और Dialogue का समर्थन करते हैं: PM @narendramodi
मैं हेलेनिक Republic के लोगों और राष्ट्रपति जी का हार्दिक धन्यवाद करता हूँ कि आज उन्होंने मुझे “Grand Cross of the Order of Honour” से सम्मानित किया।
— PMO India (@PMOIndia) August 25, 2023
140 करोड़ भारतीयों की ओर से मैंने यह पुरस्कार स्वीकार किया और अपना आभार व्यक्त किया: PM @narendramodi
