عزت مآب، وزیر اعظم میلونی،
دونوں ممالک کے مندوبین،
میڈیا کے دوستو،
نمسکار!
میں وزیر اعظم میلونی اور ان کے وفد کا پرتپاک خیرمقدم کرتا ہوں کیونکہ یہ ان کا پہلا ہندوستان کا دورہ ہے۔ اٹلی کے شہریوں نے انہیں گزشتہ سال وہاں ہونے والے انتخابات میں پہلی خاتون اور کم عمر ترین وزیراعظم کے طور پرمنتخب کیا۔ تمام ہندوستانیوں کی طرف سے، میں اس تاریخی کامیابی پر انہیں مبارکباد اور نیک خواہشات کا اظہار کرنا چاہتا ہوں۔ ان کے عہدہ سنبھالنے کے چند دن بعدہماری پہلی ملاقات بالی میں جی 20 سربراہی اجلاس کے دوران ہوئی تھی۔
دوستو’
ہماری آج کی گفتگو بہت مفید اور انتہائی معنی خیز تھی۔ اس سال ہندوستان اور اٹلی اپنے باہمی تعلقات کی 75 ویں سالگرہ منا رہے ہیں۔ اور اس موقع پر، ہم نے فیصلہ کیا ہے کہ ہم ہندوستان-اٹلی پارٹنرشپ کو اسٹریٹجک پارٹنرشپ کا درجہ دیں گے۔ ہم نے اپنے اقتصادی تعلقات کو مزید مضبوط بنانے پر زور دیا۔ ہماری ‘‘میک ان انڈیا’’ اور ‘‘آتم نر بھر بھارت’’ مہمات ہندوستان میں سرمایہ کاری کے زبردست مواقع کھول رہی ہیں۔ ہم نے قابل تجدید توانائی، گرین ہائیڈروجن، آئی ٹی، سیمی کنڈکٹرز، ٹیلی کام اور خلا جیسے شعبوں میں تعاون بڑھانے پر خصوصی زور دیا۔ آج ہم ہندوستان اور اٹلی کے درمیان ایک اسٹارٹ اپ برج کے قیام کا اعلان کر رہے ہیں، اور ہم اس فیصلے کا خیر مقدم کرتے ہیں۔
دوستو’
ایک اور شعبہ ہے جہاں دونوں ممالک ایک نئے باب کا آغاز کر رہے ہیں اور وہ ہے دفاعی تعاون کاشعبہ۔ ہندوستان میں دفاعی مینوفیکچرنگ سیکٹر میں مشترکہ پیداوار اور مشترکہ ترقی کے مواقع پیدا کیے جا رہے ہیں جو دونوں ممالک کے لیے فائدہ مند ثابت ہو سکتے ہیں۔ ہم نے دونوں ممالک کی مسلح افواج کے درمیان باقاعدہ مشترکہ مشقیں اور تربیتی کورسز منعقد کرنے کا بھی فیصلہ کیا ہے۔ ہندوستان اور اٹلی دہشت گردی اور علیحدگی پسندی کے خلاف جنگ میں کاندھے سے کاندھا ملا کر چل رہے ہیں۔ ہم نے اس تعاون کو مزید مضبوط بنانے کے بارے میں تفصیل سے بات کی ہے۔
دوستو’
ہندوستان اور اٹلی کے درمیان صدیوں پرانے ثقافتی اور عوام سے عوام کے درمیان رشتے ہیں۔ موجودہ دور کی ضروریات کے مطابق ان تعلقات کو ایک نئی شکل اور نئی توانائی دینے پر ہم نے بات چیت کی ہے۔ دونوں ممالک کے درمیان مائیگریشن اور موبیلٹی پارٹنرشپ کے معاہدے پر جاری مذاکرات خصوصی اہمیت کے حامل ہیں۔ اس معاہدے کا جلد نفاذ ہمارے عوام سے عوام کے تعلقات کو مزید مضبوط کرے گا۔ ہم نے دونوں ممالک کے اعلیٰ تعلیمی اداروں کے درمیان تعاون کو فروغ دینے کی ضرورت پر بھی زور دیا۔ ہندوستان اور اٹلی کے تعلقات کی 75 ویں سالگرہ منانے کے لیے ہم نے ایک ایکشن پلان تیار کرنے کا فیصلہ کیا ہے۔ اس کی مدد سے ہم دونوں ممالک کے تنوع، تاریخ، سائنس اور ٹیکنالوجی، اختراعات، کھیلوں اور کامیابیوں کو ایک عالمی پلیٹ فارم پر پیش کر سکیں گے۔
دوستو’
تمام ممالک کووڈ وبائی بیماری اور یوکرین کے تنازع سے پیدا ہونے والے خوراک، ایندھن اور کھاد کے بحران سے متاثر ہوئے ہیں۔ ان کا خاص طور پر ترقی پذیر ممالک پر منفی اثر پڑا ہے۔ ہم نے اس بارے میں اپنی مشترکہ تشویش کا اظہار کیا ہے اور ان مسائل کے حل کے لیے مشترکہ کوششوں پر زور دیا ہے۔ ہم ہندوستان کی جی 20 صدارت کے دوران بھی اس موضوع کو ترجیح دے رہے ہیں۔ یوکرین تنازعہ کے آغاز سے ہی بھارت نے واضح کر دیا ہے کہ اس تنازعے کو بات چیت اور سفارت کاری کے ذریعے ہی حل کیا جا سکتا ہے اور بھارت کسی بھی امن عمل میں اپنا تعاون دینے کے لیے پوری طرح تیار ہے۔ ہم ہند۔ بحرالکاہل (انڈو پیسیفک) میں اٹلی کی فعال شرکت کا بھی خیر مقدم کرتے ہیں۔ یہ بڑی خوشی کی بات ہے کہ اٹلی نے ہند۔ بحرالکاہل( انڈو پیسیفک) بحری پہل (اوشین انیسیٹو) میں شامل ہونے کا فیصلہ کیا ہے۔ یہ ہمیں ہند-بحرالکاہل میں اپنے تعاون کو بڑھانے کے لیے ٹھوس موضوعات کی نشاندہی کرنے کا اہل بنائے گا۔ عالمی حقائق کی بہتر انداز میں عکاسی کے لیے کثیر الجہتی اداروں میں اصلاحات ضروری ہیں۔ ہم نے اس موضوع پر بھی گفتو کی ہے۔
عزت مآب ،
آج شام آپ رئیسنا ڈائیلاگ میں بطور مہمان خصوصی شرکت کریں گی۔ ہم سب وہاں آپ کا خطاب سننے کے منتظر ہیں۔ آپ کا اور آپ کے وفد کا ہندوستان کے دورے اور ہماری مفید بات چیت کے لیے بہت بہت شکریہ۔
इस वर्ष भारत और इटली अपने द्विपक्षीय संबंधों की 75वीं वर्षगाँठ मना रहे हैं।
— PMO India (@PMOIndia) March 2, 2023
और इस अवसर पर हमने भारत-इटली साझेदारी को Strategic Partnership का दर्जा देने का निर्णय लिया है: PM @narendramodi
हमने अपने आर्थिक संबंधों को और सुदृढ़ करने पर जोर दिया।
— PMO India (@PMOIndia) March 2, 2023
हमारे “Make in India” और “आत्मनिर्भर भारत” अभियान से भारत में निवेश के अपार अवसर खुल रहे हैं: PM @narendramodi
हमने Renewable Energy, Green Hydrogen, IT, semiconductors, telecom, space जैसे क्षेत्रों में सहयोग बढ़ाने पर विशेष जोर दिया।
— PMO India (@PMOIndia) March 2, 2023
भारत और इटली के बीच एक Startup Bridge की स्थापना की आज घोषणा हो रही है, जिसका हम स्वागत करते हैं: PM @narendramodi
आतंकवाद और अलगाववाद के खिलाफ लड़ाई में भारत और इटली कंधे से कंधा मिला कर चल रहे हैं।
— PMO India (@PMOIndia) March 2, 2023
हमने इस सहयोग को और मज़बूत करने पर विस्तारपूर्वक चर्चा की: PM @narendramodi
भारत और इटली के संबंधों की 75वीं वर्षगाँठ मनाने के लिए हमने एक Action Plan बनाने का निर्णय लिया।
— PMO India (@PMOIndia) March 2, 2023
इससे हम दोनों देशों की विविधता, इतिहास, science and technology, innovation, sports और अन्य क्षेत्रों में उपलब्धियों को वैश्विक पटल पर showcase कर सकेंगे: PM @narendramodi
यूक्रेन संघर्ष के शुरुआत से ही भारत ने यह स्पष्ट किया है कि इस विवाद को केवल डायलॉग और डिप्लोमेसी के ज़रिये ही सुलझाया जा सकता है।
— PMO India (@PMOIndia) March 2, 2023
और भारत किसी भी शांति प्रक्रिया में योगदान देने के लिए पूर्ण रूप से तैयार है: PM @narendramodi
हम Indo-Pacific में इटली की सक्रीय भागीदारी का भी स्वागत करते हैं।
— PMO India (@PMOIndia) March 2, 2023
यह बहुत ख़ुशी की बात है कि इटली ने Indo-Pacific Ocean Initiative में शामिल होने का निर्णय लिया है।
इससे हम Indo-Pacific में अपना सहयोग बढ़ाने के लिए ठोस विषयों की पहचान कर सकेंगे: PM @narendramodi
