نئی دہلی’4جنوری : وزیراعظم ،جناب نریندرمودی 4جنوری ، 2019کو منی پوراورآسام کے دورے پرہیں ۔
وزیراعظم منی پورمیں متعدد پروجیکٹوں اوراسکیموں کا افتتاح کریں گے اورسنگ بنیاد رکھیں گے ۔ مورک میں واقع مربوط چیک پوسٹ ( چنگی چوکی ) ، دولتی بائی بیراج پروجیکٹ ،سوامبنگ میں واقع ایف سی آئی خوراک اسٹوریج گودام ، تھانگل /سروگنڈ میں واقع ایکوسیاحتی کامپلکس اور مختلف آبی سپلائی اسکیموں سمیت مختلف پروجیکٹوں کے افتتاح کی علامت کے طورپر لوح کی رونمائی بھی کریں گے ۔
موصوف سلچر ۔امپھال لائن پرچارسوکی وی ڈبل سرکٹ کو بھی وقف کریں گے ۔
موصوف دھننجے پوریونیورسٹی ، امپھال ،کے بنیادی ڈھانچہ ترقیات ، کھیل کود کی سہولتوں وغیرہ جیسے پروجیکٹوں کا سنگ بنیاد بھی رکھیں گے ۔ بعدا زاں وہ امپھال کے مشرقی ضلع میں ہپتہ کینگئی بنگ میں مجمع سے خطاب بھی کریں گے ۔
آسام میں وزیراعظم سلچرمیں ، رام نگرمیں منعقدہ ایک عوامی جلسے بھی خطاب کریں گے ۔
