نئی دہلی،8/اکتوبر۔ وزیر اعظم جناب نریندر مودی 9اکتوبر 2018 کو سامپلا، روہتک، ہریانہ کا دورہ کریں گے۔
وزیراعظم دین بندھو سر چھوٹو رام کے مجسمے کی نقاب کشائی کریں گے۔ سر چھوٹو رام ایک عظیم لیڈر تھے، جنھوں نے کسانوں کی فلاح و بہبود کے علاوہ پسماندہ اور مظلوم طبقات کی آزادی کے لئے مسلسل کام کیا۔ انھیں تعلیم کے شعبے کے علاوہ دیگر سماجی کاموں میں ان کی خدمات کے لئے بھی جانا جاتا ہے۔
ایک عوامی میٹنگ کے دوران وزیر اعظم جناب نریندر مودی سونی پت میں ریل کوچ ریفربیشنگ کارخانہ کا سنگ بنیاد رکھنے کے لئے ایک تختی کی نقاب کشائی کریں گے۔ اس کی تعمیر مکمل ہونے کے بعد ملک کے شمالی خطے میں ریل کوچوں کے لئے مرمت کاری اور رکھ رکھاؤ کی بڑی سہولتوں والا یہ کارخانہ ہوگا۔ اس کارخانہ کا قیام ماڈیولر اور پہلے سے تعمیر کردہ تعمیراتی تکنیک، جدید ترین مشینری کے استعمال کے ذریعے اور ماحول دوست خصوصیات کے ساتھ کیا جارہا ہے۔
