وزیر اعظم جناب نریندر مودی نے آج یوروپی کونسل کے صدر عالیجناب چارلس مائیکل کے ساتھ فون پر گفتگو کی ۔
وزیراعظم نے یوکرین میں بگڑتی ہوئی صورتحال اور انسانی بحران پر اپنے دکھ کا اظہار کیا۔ انہوں نے مخاصمانہ کارروائیاں بند کرنے اور مذاکرات کرنے کے لئے بھارت کی اپیل کو دوہرایا۔
وزیراعظم نے ا س بات پر زوردیا کہ عصری عالمی نظام بین الاقوامی قانون ، اقوام متحدہ کے چارٹر اور تمام ملکوں کے اقتدار اعلیٰ اور علاقائی یکجہتی کے لئے احترام پر ٹکا ہوا ہے۔
وزیراعظم نے دونوں فریقوں کے درمیان بات چیت کا خیرمقدم کیا اور سبھی لوگوں کی آزادانہ نقل وحمل اور مفت اوربلارکاوٹ انسانی ہمدردی کی بنیاد پر امداد کی رسائی کو یقینی بنانے کی اہمیت پر زوردیا۔
وزیراعظم نے متاثرہ علاقوںمیں دواؤں سمیت فوری راحتی سامان بھیجنے کے لئے بھارت کی طرف سے کی جارہی کوششوں کے بارے میں بھی عالیجناب چارلس مائیکل کو مطلع کیا۔
