پی ایم۔ کسان اسکیم کا ایک برس مکمل ہونے کے موقع پر وزیر اعظم مودی نے پی ایم۔ کسان اسکیم کے تحت تمام مستفیدین کو کسان کریڈٹ کارڈس (کے سی سی) تقسیم کرنے کے لئے ایک سیچوریشن ڈرائیو کی رونمائی کی۔ اس مہم کے تحت ملک بھر کے کسان اسکیم کے 25 لاکھ سے زائد مستفیدین کو فائدہ پہنچایا گیا۔
مرکزی حکومت نے اس مہم کا آغاز کاشتکاروں کو کے سی سی اسکیم سے فائدہ بہم پہنچانے کے لئے کیا تھا تاکہ کاشتکار کھیتی کی زیادہ لاگت پر قابو پانے کے لئے بینکوں سے ادارہ جاتی قرض حاصل کر سکیں۔
دیہی علاقوں میں بینکوں کی 2000 سے زائد برانچوں کو کاشتکاروں کو کے سی سی کارڈس فراہم کرانے کی ذمہ داری سونپی گئی ہے۔ کاشتکار 4 فیصد کی شرح سود پر تین لاکھ روپئے تک کا قرض حاصل کر سکتے ہیں۔ حکومت نے 20000 کروڑ روپئے تک کا تخمینہ طے کیا ہے جو کے سی سی کارڈس رکھنے والے کاشتکاروں کو قرض فراہم کرانے کے لئے خرچ کیے جائیں گے۔
