وزیر اعظم جناب نریندر مودی اور آسٹریلیا کے وزیر اعظم عزت مآب جناب اسکاٹ موریسن 21 مارچ 2022 کو دوسری بھارت۔آسٹریلیا ورچووَل سربراہ ملاقات کا اہتمام کریں گے۔ یہ سربراہ ملاقات، 4 جون 2020 میں منعقد ہوئی اُس اولین تاریخی سربراہ ملاقات کے بعد منعقد ہونے جارہی ہے جس نے دونوں ممالک کے تعلقات کو آگے بڑھاتے ہوئے اسے جامع کلیدی شراکت داری کا درجہ دیا تھا۔
آئندہ منعقد ہونے والی ورچووَل سربراہ ملاقات کے دوران، قائدین جامع کلیدی شراکت داری کے سلسلے میں مختلف پہل قدمیوں کے تحت ہوئی پیش رفت کے بارے میں جانکاری حاصل کریں گے۔ یہ سربراہ ملاقات بھارت اور آسٹریلیا کے درمیان متعدد شعبوں میں نئی پہل قدمیوں اور افزوں تعاون کو آگے بڑھانے میں مدد فراہم کرے گی۔ توقع کی جاتی ہے کہ قائدین تجارت، اہم معدنیات، نقل مکانی و نقل و حرکت، اور تعلیم سمیت دیگر شعبوں میں قریبی تعاون کا عہد کریں گے۔
قائدین کے ذریعہ باہمی مفادات پر مبنی علاقائی اور بین الاقوامی موضوعات پر تبادلہ خیالات کیے جائیں گے۔ یہ سربراہ ملاقات دونوں ممالک کے ذریعہ اپنے باہمی تعلقات سمیت علاقائی اور عالمی موضوعات پر اپنے قریبی تعاون کو دی جانے والی اہمیت کو بھی اجاگر کرتی ہے۔
بھارت۔ آسٹریلیا جامع کلیدی شراکت داری نے ترقی کا سلسلہ جاری رکھا ہے اور دونوں ممالک کووِڈ۔19 وبائی مرض کے باوجود، سائنس اور تکنالوجی، دفاع، سائبر، اہم اور کلیدی اشیاء، آبی وسائل انتظام کاری، پبلک ایڈمنسٹریشن اور حکمرانی سمیت متعدد شعبوں میں ایک دوسرے کو مسلسل قریبی تعاون فراہم کر رہے ہیں۔
وزیر اعظم مودی اور وزیر اعظم موریسن نے ماہ ستمبر 2021 میں واشنگٹن ڈی سی میں، کووِڈ۔19 وبائی مرض کے بعد ، کواڈ قائدین کی سربراہ ملاقات کے شانہ بہ شانہ ، اولین بہ نفس نفیس ملاقات کی تھی اور گلاسگو میں نومبر 2021 میں سی او پی 26 کے شانہ بہ شانہ، لچکدار سجزیرہ نما ممالک کے لیے بنیادی ڈھانچہ (آئی آر آئی ایس)کو مشترکہ طور پر لانچ کیا تھا۔
