وزیر اعظم 15 دسمبر کو کچھ کا دورہ کریں گے اور کئی ترقیاتی پروجیکٹوں کا سنگِ بنیاد رکھیں گے
December 13th, 06:47 pm
اپنی وسیع ساحلی پٹی سے فائدہ اٹھاتے ہوئے گجرات سمندر کے پانی کو پینے کے قابل بنانے کے لئے کچھ کے مانڈوی میں ڈی سیلینیشن پلانٹ لگا رہا ہے ۔ 10 کروڑ لیٹر یومیہ ( 100 ایم ایل ڈی ) کی صلاحیت والا یہ پلانٹ نرمدا گرڈ اور ساؤنی نیٹ ورک کے ساتھ ساتھ گندے پانی کو صاف کرنے کے بنیادی ڈھانچے کے ساتھ پانی کی کفالت کو مضبوط کرے گا ۔ ملک میں پانی کی فراہمی کے لئے ایک پائیدار اور کم خرچ آبی وسائل کے حصول میں یہ ایک سنگِ میل ہے ۔ مندرا ، لکھپت ، ابداسا اور نکھت رانا تعلقہ خطوں کے تقریباً 8 لاکھ لوگوں کو ، اِس پلانٹ سے پانی حاصل ہو گا ، جس کا اضافی پانی بچھووا ، راپر اور گاندھی دھام کو حاصل ہو گا ۔ یہ گجرات میں داہیج ( 100 ایم ایل ڈی ) ، دوارکا ( 70 ایم ایل ڈی ) ، گھوگا بھاؤ نگر ( 70 ایم ایل ڈی ) اور گیر سومناتھ ( 30 ایم ایل ڈی ) کے علاوہ نمکین پانی کو پینے کے قابل بنانے والا پانچواں پلانٹ ہو گا ۔