وزیر اعظم جناب نریندر مودی نے ریاست اسرائیل کے صدر مملکت عالی جناب اسحاق ہرزوگ سے یکم دسمبر 2023 کو، دبئی میں کوپ 28 سربراہی اجلاس کے موقع پر دو فریقی ملاقات کی۔
دونوں رہنماؤں نے خطے میں اسرائیل اور حماس کے درمیان جاری تنازع پر تبادلہ خیال کیا۔ وزیر اعظم نے 7 اکتوبر کے دہشت گردانہ حملے میں جانوں کے ضیاع پر تعزیت کا اظہار کیا اور یرغمالیوں کی رہائی کا خیرمقدم کیا۔
وزیر اعظم نے متاثرہ آبادی کے لیے انسانی امداد کی مسلسل اور محفوظ ترسیل کی ضرورت کا اعادہ کیا۔ انہوں نے دو ریاستی حل اور بات چیت و سفارت کاری کے ذریعے اسرائیل - فلسطین مسئلے کے جلد اور پائیدار حل کے لیے ہندوستان کی حمایت پر زور دیا۔
صدر ہرزوگ نے ہندوستان کی جی 20 صدارت کی کامیابی پر وزیر اعظم کو مبارکباد دی اور ہندوستان-مشرق وسطی-یورپ اقتصادی راہداری کے آغاز کا خیرمقدم کیا۔
