మహనీయులారా,
* ‘స్థితిస్థాపక ద్వీప దేశాల కోసం మౌలిక సదుపాయాలు' - ఐ.ఆర్.ఐ.ఎస్. ప్రారంభం కొత్త ఆశను, కొత్త విశ్వాసాన్ని ఇస్తుంది. ఇది అత్యంత బలహీన దేశాల కోసం ఏదైనా చేసామన్న సంతృప్తినిస్తుంది.
* ఈ విషయంలో, విపత్తు తట్టుకునే మౌలిక సదుపాయాల కోసం కూటమి (సి.డి.ఆర్.ఐ) ని నేను అభినందిస్తున్నాను.
* ఈ ముఖ్యమైన వేదిక నుండి, ఆస్ట్రేలియా, యు.కె. తో సహా ప్రధానంగా మారిషస్, జమైకా వంటి చిన్న ద్వీప సమూహాలకు చెందిన అన్ని మిత్ర దేశాల నాయకులందరికీ నా హృదయపూర్వక ధన్యవాదాలు తెలియజేస్తున్నాను.
* ఈ ప్రారంభ కార్యక్రమం కోసం తమ విలువైన సమయాన్ని వెచ్చించినందుకు ఐక్యరాజ్యసమితి సెక్రటరీ జనరల్‌ కి కూడా నేను కృతజ్ఞతలు తెలియజేస్తున్నాను.
మహనీయులారా,
* వాతావరణ మార్పుల ప్రభావం బారిన పడకుండా ఏ దేశమూ లేదన్న విషయం గత కొన్ని దశాబ్దాలుగా రుజువయ్యింది. అవి అభివృద్ధి చెందిన దేశాలైనా, సహజ వనరులతో సమృద్ధిగా ఉన్న దేశాలైనా, ప్రతి దేశానికీ ఇది పెద్ద ముప్పు గా పరిణమించింది.
* అదేవిధంగా, ఇక్కడ , "అభివృద్ధి చెందుతున్న చిన్న ద్వీపాలు-ఎస్.ఐ.డి.ఎస్." కి కూడా , వాతావరణ మార్పుల నుండి అతిపెద్ద ముప్పు పొంచి వుంది. ఇది వారికి ఒక జీవన్మరణ సమస్య; అది వారి ఉనికికే ఒక సవాలు. వాతావరణ మార్పుల వల్ల సంభవించే విపత్తులు వారికి అక్షరాలా ఘోరమైన విపత్తు రూపంలో ఉంటాయి.
* అలాంటి దేశాల్లో, వాతావరణ మార్పు అనేది వారి జీవిత భద్రతకే కాదు, వారి ఆర్థిక వ్యవస్థకు కూడా పెద్ద సవాలుగా మారింది.
* అటువంటి దేశాలు పర్యాటకంపై ఎక్కువగా ఆధారపడి ఉన్నాయి. అయితే, ప్రకృతి వైపరీత్యాల కారణంగా పర్యాటకులు కూడా అక్కడికి రావడానికి భయపడుతున్నారు.
మిత్రులారా,
* ఎస్.ఐ.డి.ఎస్. దేశాలు శతాబ్దాలుగా ప్రకృతికి అనుగుణంగా జీవిస్తున్నందువల్ల, ప్రకృతిసిద్దమైన మార్పులకు అనుగుణంగా ఎలా జీవించాలో వారికి బాగా తెలుసు.
* అయితే, గత కొన్ని దశాబ్దాలుగా చూపిన స్వార్థపూరిత ప్రవర్తనల కారణంగా, ప్రకృతి యొక్క అసహజ రూపం తెరపైకి రావడంతో, వాటి దుష్ఫలితాలను, ఈ రోజు అమాయక చిన్న ద్వీప దేశాలు ఎదుర్కొంటున్నాయి.
* అందువల్ల, సి.డి.ఆర్.ఐ. లేదా ఐ.ఆర్.ఐ.ఎస్. కేవలం మౌలిక సదుపాయాలకు సంబంధించిన విషయం మాత్రమే కాదు, ఇది మానవ సంక్షేమం యొక్క అత్యంత సున్నితమైన బాధ్యతలో ఒక భాగంగా, నేను భావిస్తున్నాను.
* ఇది మానవాళి పట్ల మనందరి సమిష్టి బాధ్యత.
* ఒక విధంగా, మన పాపాలకు ఇది ఒక సాధారణ ప్రాయశ్చిత్తంగా నేను భావిస్తున్నాను.
మిత్రులారా,
* సి.డి.ఆర్.ఐ. అనేది కేవలం ఒక సదస్సు నుండి ఉద్భవించిన ఒక ఊహా చిత్రం కాదు, అయితే, సి.డి.ఆర్.ఐ. ఏర్పాటు అనేది సంవత్సరాల ఆలోచనలు, అనుభవాల ఫలితం.
* చిన్న ద్వీప దేశాలపై వాతావరణ మార్పు ముప్పు పొంచి ఉందని గుర్తించిన భారతదేశం, పసిఫిక్ దీవులు మరియు కారికోమ్ (సి.ఏ.ఆర్.ఐ.సి.ఓ.ఎం) దేశాలతో సహకారం కోసం ప్రత్యేక ఏర్పాట్లు చేసింది.
* మేము వారి పౌరులకు సౌర సాంకేతికతలలో శిక్షణ ఇచ్చాము. అక్కడ మౌలిక సదుపాయాల అభివృద్ధికి నిరంతరం సహకరించాము.
* దీనికి కొనసాగింపుగా, ఈ రోజు, ఈ వేదిక నుండి నేను భారతదేశం తరఫున మరొక కొత్త ప్రోత్సాహకాన్ని ప్రకటిస్తున్నాను.
* భారత అంతరిక్ష సంస్థ ఇస్రో, ఎస్.ఐ.డి.ఎస్. కోసం ఒక ప్రత్యేక డేటా విండో ను రూపొందించనుంది.
* దీంతో, ఉపగ్రహం ద్వారా తుఫానులు, పగడపు దిబ్బల పర్యవేక్షణ, తీర-రేఖ పర్యవేక్షణ మొదలైన వాటి గురించి, ఎస్.ఐ.డి.ఎస్. సకాలంలో సమాచారాన్ని నిరంతరాయంగా అందుకునే అవకాశం ఉంది.
మిత్రులారా,
అనేక ధన్యవాదాలు.
గమనిక:
ఇది ప్రధానమంత్రి ప్రసంగానికి ఇంచుమించు సమీప అనువాదం. అసలు ప్రసంగం హిందీ లో చేశారు.
