గగన్‌యాన్‌ కార్యక్రమంలో భాగంగా ఇవాళ భారత అంతరిక్ష పరిశోధన సంస్థ (ఇస్రో) నిర్వహించిన ‘టీవీ-డి1’ ప్రయోగం సఫలం కావడంపై ప్రధానమంత్రి శ్రీ నరేంద్ర మోదీ హర్షం వ్యక్తం చేశారు. భారత తొలి మానవసహిత అంతరిక్షయానం కార్యక్రమ సాకారంలో ఇది మన దేశాన్ని మరో అడుగు చేరువ చేసిందని ఈ సందర్భంగా ఆయన వ్యాఖ్యానించారు.
ఈ మేరకు ‘ఎక్స్‌’ ద్వారా పంపిన సందేశంలో:
“ఈ ప్రయోగం భారత తొలి మానవసహిత అంతరిక్షయాన కార్యక్రమం గగన్‌యాన్‌ సాకారానికి మన దేశాన్ని మరో అడుగు చేరువ చేసింది. ఈ ప్రయోగ సాఫల్యంపై ‘ఇస్రో’లోని మన శాస్త్రవేత్తలందరికీ నా శుభాకాంక్షలు తెలియజేస్తున్నాను” అని ప్రధానమంత్రి పేర్కొన్నారు.
This launch takes us one step closer to realising India’s first human space flight program, Gaganyaan. My best wishes to our scientists at @isro. https://t.co/6MO7QE1k2Z
— Narendra Modi (@narendramodi) October 21, 2023
