నెదర్లాండ్స్ ప్రధాని డిక్ షూఫ్ పదవీ బాధ్యతలు స్వీకరించిన సందర్భంగా ప్రధానమంత్రి శ్రీ నరేంద్ర మోదీ ఇవాళ ఆయనకు అభినందనలు తెలిపారు. ఈ నేపథ్యంలో పునరుత్పాదక ఇంధనం, జల నిర్వహణ, వ్యవసాయం తదితర రంగాల్లో భారత్-నెదర్లాండ్స్ భాగస్వామ్యాన్ని మరింత పటిష్టం చేసే దిశగా సంయుక్త కృషికి భారత్ సిద్ధంగా ఉందని శ్రీ మోదీ తెలిపారు.
ఈ మేరకు సామాజిక మాధ్యమం ‘ఎక్స్’ ద్వారా పంపిన సందేశంలో:
‘‘నెదర్లాండ్స్ ప్రధానమంత్రిగా పదవీ బాధ్యతలు స్వీకరించిన సందర్భంగా డిక్ షూఫ్ గారికి అభినందనలు. ఈ నేపథ్యంలో పునరుత్పాదక ఇంధనం, జల నిర్వహణ, వ్యవసాయం, రవాణాసహా నవ్య-వర్ధమాన సాంకేతిక రంగాల్లో భారత్-నెదర్లాండ్స్ భాగస్వామ్యాన్ని మరింత పటిష్ఠం చేసేదిశగా మీతో సంయుక్త కృషికి మేం సిద్ధంగా ఉన్నాం. @MinPres’’ అని ప్రధానమంత్రి పేర్కొన్నారు.
Congratulations Dick Schoof on assuming office as the Prime Minister of the Netherlands. Look forward to closely working together to advance India-Netherlands partnership including in the areas of renewable energy, water management, agriculture, mobility, new and emerging…
— Narendra Modi (@narendramodi) July 2, 2024
