కామన్వెల్త్ గేమ్స్‌-2022 పురుషుల కుస్తీ 62 కిలోల విభాగంలో బజరంగ్ పునియా స్వర్ణ పతకం కైవసం చేసుకుని, వరుసగా మూడోసారి కామన్వెల్త్ పతక విజేతగా నిలవడంపై ప్రధానమంత్రి శ్రీ నరేంద్ర మోదీ అభినందించారు.
ఈ మేరకు ట్విట్టర్‌ ద్వారా పంపిన సందేశంలో;
“ప్రతిభావంతుడైన బజరంగ్ పునియా నిలకడకు, నైపుణ్యానికి ప్రతీక. బర్మింగ్‌హామ్‌ కామన్వెల్త్ గేమ్స్‌లో ఆయన స్వర్ణ పతకం సాధించారు. ఈ అద్భుత విజయం సొంతం చేసుకోవడంతోపాటు వరుసగా మూడోసారి కామన్వెల్త్ క్రీడా పతకం కైవసం చేసుకోవడంపై నా అభినందనలు తెలియజేస్తున్నాను. ఆయన స్ఫూర్తి, ఆత్మవిశ్వాసం సదా ఉత్తేజపూరితం... నా శుభాకాంక్షలు సదా ఆయనవెంటే ఉంటాయి” అని పేర్కొన్నారు.
The talented @BajrangPunia is synonymous with consistency and excellence. He wins a Gold at the Birmingham CWG. Congratulations to him for the remarkable feat, his 3rd consecutive CWG medal. His spirit and confidence is inspiring. My best wishes always. pic.twitter.com/hjBYjd1lCP
— Narendra Modi (@narendramodi) August 5, 2022
