ఈ రోజు రాజస్థాన్‌లోని ధోల్‌పూర్‌లో జరిగిన రోడ్డు ప్రమాదంలో ప్రాణాలు కోల్పోయిన వారికి ప్రధాన మంత్రి శ్రీ నరేంద్ర మోదీ సంతాపం తెలిపారు. రాష్ట్ర ప్రభుత్వ పర్యవేక్షణలో స్థానిక యంత్రాంగం బాధితులను అన్ని విధాలుగా ఆదుకుంటుందని హామీ ఇచ్చారు.
సామాజిక మాధ్యమం ‘ఎక్స్’లో ఈ విధంగా పేర్కొన్నారు :
“రాజస్థాన్‌లోని ధోల్‌పూర్‌లో జరిగిన ఈ ప్రమాదం హృదయాన్ని కలచివేసింది. అమాయక పిల్లలతో సహా ప్రాణాలు కోల్పోయిన వారి కుటుంబాలకు నా ప్రగాఢ సానుభూతి తెలియజేస్తున్నాను. ఈ బాధను భరించే శక్తిని భగవంతుడు వారికి ప్రసాదించాలి. క్షతగాత్రులంతా త్వరగా కోలుకోవాలని కోరుకుంటున్నాను. రాష్ట్ర ప్రభుత్వ పర్యవేక్షణలో స్థానిక యంత్రాంగం బాధితులను అన్ని విధాలా ఆదుకునే పనిలో నిమగ్నమైంది: ప్రధాన మంత్రి”
ప్రమాదంలో మరణించిన ప్రతి ఒక్క కుటుంబానికి పీఎంఎన్‌ఆర్‌ఎఫ్ నుంచి రూ.2 లక్షల పరిహారం అందించనున్నట్లు ప్రకటించారు. క్షతగాత్రులకు రూ.50 వేలు అందజేస్తామని తెలిపారు.
‘ఎక్స్’లో ప్రధాన మంత్రి కార్యాలయం ఈ విధంగా పేర్కొంది:
“రాజస్థాన్‌లోని ధోల్‌పూర్‌లో జరిగిన ప్రమాదంలో మరణించిన ప్రతి ఒక్క కుటుంబానికి పీఎంఎన్‌ఆర్‌ఎఫ్ నుంచి రూ. 2 లక్షల పరిహారాన్ని ప్రధానమంత్రి ప్రకటించారు. క్షతగాత్రులకు రూ.50వేలు అందజేస్తామని తెలిపారు”.
राजस्थान के धौलपुर में हुआ हादसा हृदयविदारक है। इसमें मासूम बच्चों सहित जान गंवाने वालों के शोकाकुल परिजनों के प्रति मेरी संवेदनाएं। ईश्वर उन्हें इस पीड़ा को सहने की शक्ति प्रदान करे। इसके साथ ही मैं सभी घायलों के शीघ्र स्वस्थ होने की कामना करता हूं। राज्य सरकार की निगरानी में…
— PMO India (@PMOIndia) October 20, 2024
The Prime Minister has announced an ex-gratia of Rs. 2 lakh from PMNRF for the next of kin of each deceased in the mishap in Dholpur, Rajasthan. The injured would be given Rs. 50,000. https://t.co/NDdsTGKiEN
— PMO India (@PMOIndia) October 20, 2024
