బీహార్‌లోని ముజఫర్‌పూర్‌లోగల ఓ కర్మాగారంలో బాయిలర్ పేలుడు దుర్ఘటనలో ప్రాణనష్టం వాటిల్లడంపై ప్రధానమంత్రి శ్రీ నరేంద్ర మోదీ తీవ్ర సంతాపం వ్యక్తం చేశారు.
ఈ మేరకు ఒక ట్వీట్‌ ద్వారా ఇచ్చిన సందేశంలో-
“"బీహార్‌లోని ముజఫర్‌పూర్‌గల కర్మాగారంలో దుర్ఘటన సంభవించడం చాలా బాధాకరం. ఈ ఉదంతంలో మరణించిన వారి కుటుంబాలకు నా ప్రగాఢ సానుభూతి ప్రకటిస్తున్నాను. అలాగే ఈ సంఘటనలో గాయపడినవారు త్వరగా కోలుకోవాలని దైవాన్ని ప్రార్థిస్తున్నాను” అని ప్రధాని పేర్కొన్నారు.
बिहार के मुजफ्फरपुर की एक फैक्ट्री में हुआ हादसा अत्यंत दुखद है। मैं मृतकों के परिजनों के प्रति अपनी गहरी संवेदनाएं व्यक्त करता हूं। साथ ही घायलों के शीघ्र स्वस्थ होने की कामना करता हूं।
— Narendra Modi (@narendramodi) December 26, 2021
కాగా, బీహార్‌లోని ముజఫర్‌పూర్‌లోగల ఓ కర్మాగారంలో బాయిలర్ పేలుడువల్ల మరణించినవారి కుటుంబాలకు ‘ప్రధానమంత్రి జాతీయ సహాయ నిధి’ (పీఎంఎన్‌ఆర్‌ఎఫ్‌) నుంచి నష్టపరిహారం మంజూరుకు ప్రధాని ఆమోదముద్ర వేశారు. ప్రధానమంత్రి కార్యాలయం ఈ విషయాన్ని ఒక ట్వీట్‌ద్వారా తెలిపింది. ఈ మేరకు...
“ముజఫర్‌పూర్‌లోని కర్మాగారంలో సంభవించిన దుర్ఘటనలో ప్రాణాలు కోల్పోయిన వారి కుటుంబాలకు ‘పీఎంఎన్‌ఆర్‌ఎఫ్‌’ నుంచి తలా రూ.2 లక్షల వంతున నష్టపరిహారం అందించేందుకు ప్రధానమంత్రి ఆమోదించారు. అలాగే గాయపడిన వారికి తలా రూ.50,000 వంతున అందజేయబడుతుంది” అని పేర్కొంది.
The Prime Minister has approved an ex-gratia of Rs. 2 lakh each from PMNRF for the next of kin of those who have lost their lives due to the accident at a factory in Muzaffarpur. The injured would be given Rs. 50,000 each.
— PMO India (@PMOIndia) December 26, 2021
