పశ్చిమ బెంగాల్ రైలు ప్రమాదంలో ప్రాణ నష్టంపై ప్రధానమంత్రి శ్రీ నరేంద్ర మోదీ సంతాపం ప్రకటించారు. ఈ దుర్ఘటనలో బాధితులను అన్ని విధాలా ఆదుకునేందుకు చర్యలు కొనసాగుతున్నాయని ఆయన చెప్పారు. రైల్వే శాఖ మంత్రి శ్రీ అశ్వనీ వైష్ణవ్ ప్రమాద స్థలికి చేరుకోనున్నారని పేర్కొన్నారు. ఈ ప్రమాదంలో మరణించిన వారి కుటుంబాలకు ప్రధానమంత్రి జాతీయ సహాయ నిధి నుంచి రూ.2 లక్షలు, గాయపడిన వారికి రూ.50 వేలు వంతున పరిహారం చెల్లించనున్నట్లు ప్రధానమంత్రి కార్యాలయం ఒక ప్రకటనలో తెలిపింది.
రైలు ప్రమాదంపై స్పందిస్తూ ప్రధానమంత్రి 'ఎక్స్' ద్వారా పంపిన సందేశంలో:
''పశ్చిమ బెంగాల్ లో రైలు ప్రమాదం ఎంతో విచారకరం. ఈ దుర్ఘటనలో ఆప్తులను కోల్పోయిన వారికి నా ప్రగాఢ సానుభూతి తెలియజేస్తున్నాను. అలాగే గాయపడిన వారు త్వరగా కోలుకోవాలని ఆకాంక్షిస్తున్నాను. దీనిపై అధికారులతో మాట్లాడి వివరాలు తెలుసుకున్నాను. ప్రమాద స్థలంలో బాధితులను ఆదుకునేందుకు సహాయ కార్యక్రమాలు కొనసాగుతున్నాయి. రైల్వే శాఖ మంత్రి శ్రీ అశ్వనీ వైష్ణవ్ అక్కడకు చేరుకుని సహాయ కార్యక్రమాలను పర్యవేక్షిస్తారు'' అని పేర్కొన్నారు.
కాగా... ప్రధానమంత్రి కార్యాలయం 'ఎక్స్' ద్వారా పంపిన సందేశంలో:
''పశ్చిమ బెంగాల్ లో రైలు ప్రమాద మృతుల కుటుంబాలకు ప్రధానమంత్రి పరిహారం ప్రకటించారు. ఈ మేరకు ప్రధానమంత్రి జాతీయ సహాయ నిధి నుంచి రూ.2 లక్షల వంతున, గాయపడిన వారికి రూ.50వేల చొప్పున ఆర్థిక సహాయం అందుతుంది" అని పేర్కొంది.
The railway accident in West Bengal is saddening. Condolences to those who lost their loved ones. I pray that the injured recover at the earliest. Spoke to officials and took stock of the situation. Rescue operations are underway to assist the affected. The Railways Minister Shri…
— Narendra Modi (@narendramodi) June 17, 2024
PM @narendramodi has announced that an ex-gratia of Rs. 2 lakh from PMNRF would be given to the next of kin of each deceased in the railway mishap in West Bengal. The injured would be given Rs. 50,000. https://t.co/2zsG6XJsGx
— PMO India (@PMOIndia) June 17, 2024
