సిడ్నీలో బిజినెస్ రౌండ్ టేబుల్ సమావేశంలో ప్రసంగించిన ప్రధాన మంత్రి

ప్రధాన మంత్రి శ్రీ నరేంద్ర మోదీ ఈ రోజు సిడ్నీలో అగ్రశ్రేణి ఆస్ట్రేలియన్ కంపెనీల సిఇఒలతో బిజినెస్ రౌండ్ టేబుల్ సమావేశంలో ప్రసంగించారు.

స్టీల్, బ్యాంకింగ్, ఎనర్జీ, మైనింగ్, ఐటీ సహా వివిధ రంగాలకు ప్రాతినిధ్యం వహిస్తున్న ప్రముఖ కంపెనీల సి ఇ ఒ లు హాజరయ్యారు. ఆస్ట్రేలియాలోని కొన్ని ప్రముఖ విశ్వవిద్యాలయాల వైస్ ఛాన్సలర్లు కూడా రౌండ్ టేబుల్ లో పాల్గొన్నారు.

సులభ వ్యాపారం (ఈజ్ ఆఫ్ డూయింగ్ బిజినెస్) కోసం, ఆర్థిక వృద్ధికి ఊతమిచ్చేందుకు భారత ప్రభుత్వం చేపట్టిన అనేక ఆర్థిక సంస్కరణలు, కార్యక్రమాలను ప్రధాని ప్రముఖంగా ప్రస్తావించారు. వీటిలో, మౌలిక సదుపాయాల కనెక్టివిటీ ప్రాజెక్టులకు సమీకృత విధానం కోసం మిషన్ గతి శక్తి; జన్ ధన్-ఆధార్-మొబైల్ ట్రినిటీ; జాతీయ విద్యావిధానం; హైడ్రోజన్ మిషన్ 2050; పీఎల్ఐ పథకం; అంతరిక్షం, జియోస్పేషియల్ రంగంలో ప్రైవేట్ పెట్టుబడులను తెరవడం; వైద్య పరికరాల తయారీలో కొత్త విధానం; ఆయుష్మాన్ భారత్ ఆరోగ్య బీమా పథకం మొదలైనవి

ఉన్నాయి.

డిజిటల్ ఇన్ఫ్రాస్ట్రక్చర్, ఐటీ, ఫిన్ టెక్, టెలికాం, సెమీకండక్టర్స్, స్పేస్, గ్రీన్ హైడ్రోజన్ సహా పునరుత్పాదక ఇంధనం, విద్య, ఫార్మా,హెల్త్కేర్,మెడికల్ డివైజెస్ మాన్యుఫ్యాక్చరింగ్, మైనింగ్, కీలకమైన ఖనిజాలు, టెక్స్ టైల్ , అగ్రికల్చర్, ఫుడ్ ప్రాసెసింగ్ వంటి మౌలిక రంగాల్లో భారత్ అందిస్తున్న పెట్టుబడుల అవకాశాలను సద్వినియోగం చేసుకోవాలని సి ఇ ఒ లకు ప్రధాని పిలుపునిచ్చారు.

భారతీయ సహచర సంస్థలతో పరస్పర ప్రయోజన  భాగస్వామ్యాన్ని ఏర్పరుచుకోవాలని ప్రధాన మంత్రి సి ఇ ఒ  లను ప్రోత్సహించారు.

రౌండ్ టేబుల్ సమావేశంలో ఈ క్రింది సి ఇ ఒ  లు పాల్గొన్నారు.

Interacted with top CEOs during the business roundtable in Sydney. Elaborated on the business opportunities in India and the reform trajectory of our Government. Invited Australian businesses to invest in India. pic.twitter.com/vxxCY3P5ez

— Narendra Modi (@narendramodi) May 24, 2023