ప్రధాన మంత్రి శ్రీ నరేంద్ర మోదీ మళ్ళీ ఎన్నిక అయిన సందర్భంలో ఆయన కు అభినందనల ను తెలిపిన యూరోపియన్ కమిశన్ యొక్క ప్రెసిడెంటు ఉర్సులా వాన్డెర్ లేయెన్

యూరోపియన్ కమిశన్ యొక్క ప్రెసిడెంటు ఉర్సులా వాన్ డెర్ లేయెన్ గారు ప్రధాన మంత్రి శ్రీ నరేంద్ర మోదీ తో ఈ రోజు న టెలిఫోన్ ద్వారా మాట్లాడారు.

సాధారణ ఎన్నికల లో గెలిచినందుకు ప్రధాన మంత్రి కి అభినందనల ను ప్రెసిడెంటు ఉర్సులా వాన్ డెర్ లేయెన్ గారు తెలియ జేశారు. అంతేకాకుండా, ఆయన యొక్క చారిత్రిక మూడో పదవీ కాలానికి గాను శుభాకాంక్షల ను వ్యక్తం చేశారు. భారతదేశం లో ప్రజాస్వామ్యం మరియు ప్రపంచం లో అన్నింటి కంటే పెద్దవైన ఎన్నికల నిర్వహణ ను కూడ ఆమె ఎంతగానో మెచ్చుకొన్నారు.

ప్రెసిడెంటు ఉర్సులా వాన్ డెర్ లేయెన్ గారికి ఆమె హృదయపూర్వక శుభాకాంక్షల ను తెలియజేసినందుకు గాను ప్రధాన మంత్రి తన కృతజ్ఞత ను వ్యక్తం చేస్తూ, భారతదేశం - ఇయు సంబంధాలు ఉమ్మడి విలువల పైన మరియు సూత్రాల పైన ఆధారపడి దృఢం గా కొనసాగుతున్నాయని స్పష్టం చేశారు. ఈ సంవత్సరం లో ఇండియా - ఇయు వ్యూహాత్మక భాగస్వామ్యాని కి ఇరవయ్యో వార్షికోత్సవం అని ప్రధాన మంత్రి అన్నారు. ఈ భాగస్వామ్యాన్ని ప్రపంచ హితాన్ని దృష్టి లో పెట్టుకొని మరింత బలపరచడం కోసం నిరంతరం పని చేస్తూ ఉండాలన్న తన నిబద్ధత ను కూడ ఆయన పునరుద్ఘాటించారు.

ఈ రోజు న ఆరంభం అవుతున్న యూరోపియన్ పార్లమెంటు ఎన్నికల సందర్భం లో ప్రధాన మంత్రి తన శుభాకాంక్షల ను తెలియ జేశారు.

Thank President @vonderleyen for her call. As we mark the 20th anniversary of the 🇮🇳🇪🇺 Strategic Partnership, we are committed to working together to further strengthen the ties for global good. My best wishes for the European Parliamentary elections.

— Narendra Modi (@narendramodi) June 6, 2024