జమ్ములోని పూంఛ్‌లో చంచలాదేవి అనే మహిళకు సొంత ఇల్లు సమకూర్చడం ద్వారా ప్రధానమంత్రి ఆవాస్‌ యోజన తెచ్చిన జీవన సౌలభ్యం గురించి ఆ లోక్‌సభ స్థానానికి ప్రాతినిధ్యం వహిస్తున్న ఎంపీ శ్రీ జుగల్‌ కిషోర్‌ శర్మ చేసిన వరుస ట్వీట్లపై ప్రధానమంత్రి శ్రీ నరేంద్ర మోదీ ఇవాళ స్పందించారు. దేశంలోని తల్లులు.. సోదరీమణుల జీవితాల్లో ‘పీఎంఏవై’ ఎంతో సౌలభ్యం కల్పిస్తోందని ఈ సందర్భంగా ఆయన పేర్కొన్నారు.
ఈ మేరకు ఒక ట్వీట్‌ద్వారా పంపిన సందేశంలో:
“ప్రధానమంత్రి ఆవాస్‌ యోజనతో జమ్ముకశ్మీర్‌కు చెందిన చంచలా దేవి జీవితంలో ఆనందం వెల్లివిరిసింది. మన తల్లులు, సోదరీమణులకు ఈ పథకంతో జీవన సౌలభ్యం కలుగుతున్నదని చెప్పడానికి ఇదే నిదర్శనం” అని ప్రధానమంత్రి పేర్కొన్నారు.
जम्मू-कश्मीर की चंचला देवी जी की यह खुशी बताती है कि कैसे प्रधानमंत्री आवास योजना से हमारी माताओं-बहनों का जीवन आसान हो रहा है। https://t.co/4vdKzdok85
— Narendra Modi (@narendramodi) April 14, 2023
