PM Modi interacts with recipients of Nari Shakti Puraskar 2016
If India can grow at 8% per annum over the next 3 decades, it would be one of the world’s most advanced countries: PMప్రధాన మంత్రి శ్రీ నరేంద్ర మోదీ ‘నారీ శక్తి పురస్కారాలు’ మరియు ‘స్త్రీ శక్తి పురస్కారాలు’ అందుకున్న వారిని ఈ రోజు కలుసుకొని, వారితో ముచ్చటించారు.
ప్రధాన మంత్రి వారితో సంభాషించిన క్రమంలో, పురస్కార విజేతలను- వారు తమ వ్యక్తిగత దక్షత పరంగా, ఇంకా తమ తమ రంగాలలో మార్గదర్శకులుగా నిలచి సాధించిన అగ్రగామి విజయాలకు గాను- వారిని అభినందించారు.
భారతదేశం రానున్న మూడు దశాబ్దాలలో ఏటా 8 శాతం వృద్ధిని నమోదు చేయగలిగితే గనక, ప్రపంచంలో అత్యంత పురోగామి దేశాలలో భారత్ కూడా ఒకటి కాగలుగుతుందని ప్రధాన మంత్రి అన్నారు. ఈ లక్ష్యానికి చేరుకోవడానికి మహిళలు తమ తోడ్పాటును గరిష్ఠ స్థాయిలో అందించగలిగే విధంగా తమను తాము తీర్చిదిద్దుకోవాలని ఆయన అన్నారు.
ఈ రోజు లోక్ సభ లో ప్రవేశపెట్టబోయే ప్రసూతి సెలవు బిల్లు మాతృత్వ సెలవును 12 వారాల నుండి 26 వారాలకు పెంచుతుందని ప్రధాన మంత్రి వివరించారు.
మహిళలు మరియు శిశువుల వికాస శాఖ మంత్రి శ్రీమతి మేనకా గాంధి ఈ కార్యక్రమంలో పాల్గొన్నారు.
