పారిస్ ఒలింపిక్స్‌లో పాల్గొన్న భారత క్రీడాకారుల బృందంతో ప్రధానమంత్రి శ్రీ నరేంద్ర మోదీ ఇవాళ సమావేశమయ్యారు. ఈ మేరకు న్యూఢిల్లీలో వారితో కాసేపు ముచ్చటించారు. క్రీడా పోటీల్లో వారి అనుభవాలు, అనుభూతుల గురించి వాకబు చేశారు. మైదానంలో వారు శక్తివంచన లేకుండా శ్రమించారని, అసాధారణ ప్రతిభానైపుణ్యాలు ప్రదర్శించారని ప్రశంసించారు.
పారిస్ ఒలింపిక్స్‌లో దేశానికి ప్రాతినిధ్యం వహించిన క్రీడాకారులందరూ విజేతలేనని శ్రీ మోదీ అభివర్ణించారు. క్రీడారంగానికి కేంద్ర ప్రభుత్వం సదా వెన్నుదన్నుగా నిలుస్తుందని, క్రీడాకారులకు అవసరమైన అత్యుత్తమ మౌలిక సదుపాయాల కల్పనకు భరోసా ఇస్తుందని ఆయన అన్నారు.
ఈ మేరకు సామాజిక మాధ్యమం ‘ఎక్స్’ ద్వారా పంపిన వరుస సందేశాల్లో:
‘‘పారిస్ ఒలింపిక్స్ లో మన దేశానికి ప్రాతినిధ్యం వహించిన భారతీయ క్రీడాకారుల బందంతో భేటీ నాకెంతో సంతోషాన్నిచ్చింది. క్రీడా ప్రాంగణంలో వారి అనుభవాలు, అనుభూతుల గురించి అడిగి తెలుసుకున్నాను. మైదానంలో వారు ప్రదర్శించిన అసాధారణ ప్రతిభానైపుణ్యాలను ప్రశంసించాను.’’ అలాగే...
‘‘పారిస్ వెళ్లిన క్రీడాకారులందరూ చాంపియన్లే... క్రీడలకు కేంద్ర ప్రభుత్వం ఎల్లప్పుడూ అండదండగా నిలుస్తుంది. క్రీడారంగానికి అవసరమైన అత్యుత్తమ మౌలిక సదుపాయాలు సమకూర్చడానికి హామీ ఇస్తోంది’’ అని ప్రధానమంత్రి పేర్కొన్నారు.
It was a delight to interact with the Indian contingent that represented our nation in the Paris Olympics. Heard their experiences from the games and lauded their feats on the sports field. pic.twitter.com/e0NmcbULYD
— Narendra Modi (@narendramodi) August 15, 2024
Every player who went to Paris is a champion. The Government of India will continue to support sports and ensure that a top-quality sporting infrastructure is built. pic.twitter.com/WhgID22Bps
— Narendra Modi (@narendramodi) August 15, 2024
