ధార్వాడ్లోని ఎలక్ట్రానిక్ తయారీ సముదాయంతో ఆ నగరంసహా పరిసర ప్రాంతాల ప్రజలకు ఎంతో ప్రయోజనం చేకూరుతుందని ప్రధానమంత్రి శ్రీ నరేంద్ర మోదీ అన్నారు. తయారీ- ఆవిష్కరణల ప్రపంచంలో కర్ణాటక పురోగమనాన్ని ఇది నిర్దేశించగలదని కూడా ఆయన పేర్కొన్నారు.
అంతకుముందు కేంద్రమంత్రి ప్రహ్లాద్ జోషి ఒక ట్వీట్‌ ద్వారా కర్ణాటకలోని ధార్వాడ్ జిల్లాకు ఎలక్ట్రానిక్ తయారీ సముదాయం మంజూరైనట్లు తెలిపారు. చేశారు. ఈ సముదాయం ఏర్పాటుతో రాష్ట్రానికి రూ.1,500 కోట్ల పెట్టుబడులు వస్తాయన్నారు. ఈ పరిశ్రమలలో 18 వేల మందికి ఉద్యోగాలు లభిస్తాయని, తద్వారా జిల్లాతోపాటు రాష్ట్ర ఆర్థిక వ్యవస్థ కూడా పటిష్టం కాగలదని వివరించారు.
కేంద్ర మంత్రి ప్రహ్లాద్ జోషి ట్వీట్లపై ప్రధానమంత్రి ఒక ట్వీట్‌ ద్వారా స్పందిస్తూ;
“ఈ సముదాయం ధార్వాడ్, ఆ పరిసర ప్రాంతాల ప్రజలకు ఎనలేని ప్రయోజనం కలుగుతుంది. అలాగే తయారీ-ఆవిష్కరణల ప్రపంచంలో కర్ణాటక పురోగతిని కూడా నిర్దేశిస్తుంది” అని పేర్కొన్నారు.
This will greatly benefit the people of Dharward and surrounding areas. It will also boost Karnataka’s strides in the world of manufacturing and innovation. https://t.co/gnnNNA2Gwk
— Narendra Modi (@narendramodi) March 25, 2023
