Deputy Prime Minister of Russia Dmitry Rogozin calls on Prime Minister
రష్యా డిప్యూటీ ప్రధాని శ్రీ దిమిత్రి రొగొజిన్ ఈ రోజు ప్రధాన మంత్రి శ్రీ నరేంద్ర మోదీతో భేటీ అయ్యారు. శ్రీ దిమిత్రి రొగొజిన్ భారతదేశ విదేశీ వ్యవహారాల శాఖ మంత్రి సహ అధ్యక్షతన జరుగుతున్నఇండో-రష్యా గవర్నమెంటల్ కమిషన్ సమావేశంలో పాల్గొనడం కోసం భారతదేశానికి విచ్చేశారు.
భారతదేశం మరియు రష్యాల మధ్య ద్వైపాక్షిక సహకారం సకారాత్మకమైన రీతిలో సర్వతోముఖ పురోగతిని నమోదు చేస్తుండడం పట్ల ప్రధాన మంత్రి ఈ సందర్భంగా సంతృప్తిని వ్యక్తం చేశారు. రెండు దేశాల మధ్య దౌత్య సంబంధాలు ఏర్పడిన తరువాత ఆ సంబంధాల స్థాపన జరిగి 70 ఏళ్లు అయినందున 70వ వార్షికోత్సవాన్ని ఈ సంవత్సరం జరుపుకొంటున్న తరుణాన ఉభయ పక్షాల మధ్య ఉన్నత స్థాయి ఆదాన ప్రదానాలు తరచుగా చోటుచేసుకొంటూ ఉండడాన్ని కూడా ఆయన ప్రశంసించారు.
