ప్రధాన మంత్రి శ్రీ నరేంద్ర మోదీ తో యుఎస్ విదేశీ వ్యవహారాల శాఖ మంత్రి శ్రీ మైఖేల్ పోంపియో మ‌రియు యుఎస్ రక్షణ శాఖ మంత్రి శ్రీ జేమ్స్ మేటిస్ ఈ రోజు స‌మావేశ‌మ‌య్యారు.
వారు అధ్య‌క్షుడు శ్రీ ట్రంప్ యొక్క శుభాకాంక్ష‌ల‌ను ప్రధాన మంత్రి కి అంద‌జేశారు. అధ్య‌క్షుడు శ్రీ ట్రంప్ తో తాను జ‌రిపిన సంభాష‌ణ ల‌ను ప్రధాన మంత్రి ఈ సందర్భంగా ఆప్యాయంగా గుర్తు కు తెచ్చుకొన్నారు. అలాగే, ఆయ‌న‌కు కూడా త‌న శుభాకాంక్ష‌ల‌ను అంద‌జేయ‌వ‌ల‌సిందిగా మంత్రుల‌కు విజ్ఞప్తి చేశారు.
అంత క్రితం ఈ రోజు జరిగిన 2+2 ముఖాముఖి సంభాష‌ణ‌ల కార్యక్రమం ఫ‌ల‌ప్ర‌దమైందని, ఆ కార్యక్రమం నిర్మాణ‌త్మ‌కం గా సాగిందని ప్రధాన మంత్రి దృష్టి కి మంత్రులు తీసుకువచ్చారు. ఉభ‌య దేశాల మ‌ధ్య తొలి సారి గా 2+2 ముఖాముఖి సంభాష‌ణ‌ల కార్య‌క్ర‌మాన్ని నిర్వ‌హించినందుకు గాను ఇరువురు మంత్రుల ను, ఈ కార్యక్రమం లో వారితో పాలుపంచుకొన్న కేంద్ర విదేశీ వ్యవహారాల శాఖ మంత్రి ని మ‌రియు కేంద్ర రక్షణ శాఖ మంత్రి ని ప్రధాన మంత్రి అభినందించారు.
