2019 జనవరి 27న తమిళనాడులోని మదురైలో ప్రధానమంత్రి పర్యటన
January 25th, 07:20 pm
ప్రధానమంత్రి శ్రీ నరేంద్ర మోదీ 2019 జనవరి 27న తమిళనాడులోని మదురై నగరంలో పర్యటిస్తారు. మదురైతోపాటు పరిసర ప్రాంతాల్లో ఆరోగ్య సంరక్షణ సేవలకు కొత్త ఉత్తేజమిచ్చే దిశగా సాగనున్న నేపథ్యంలో ఈ పర్యటన ప్రాధాన్యం సంతరించుకుంది. ఇందులో భాగంగా మదురైలో అఖిలభారత వైద్యవిజ్ఞానశాస్త్ర సంస్థ (AIIMS) నిర్మాణానికి ప్రధానమంత్రి శంకుస్థాపన చేస్తారు. దీంతోపాటు అదే రోజున మదురైలోని రాజాజీ వైద్య కళాశాల, తంజావూరు వైద్య కళాశాల, తిరునల్వేలి వైద్య కళాశాలల స్థాయిపెంపు ప్రాజెక్టుల కింద కొత్త సూపర్ స్పెషాలిటీ బ్లాక్ లను ఆయన ప్రారంభిస్తారు. ఈ కార్యక్రమాల సందర్భంగా నిర్వహించే బహిరంగ సభలో ప్రజలనుద్దేశించి ప్రధానమంత్రి ప్రసంగిస్తారు.