జాతీయ రవాణా విధానానికి సెప్టెంబరు 17న ప్రధాని శ్రీకారం
September 16th, 06:47 pm
ప్రధానమంత్రి శ్రీ నరేంద్ర మోదీ 2022 సెప్టెంబరు 17న న్యూఢిల్లీలోని విజ్ఞాన్ భవన్లో సాయంత్రం 5:30 గంటలకు జాతీయ రవాణా విధానానికి (ఎన్ఎల్పీ) శ్రీకారం చుడతారు. అభివృద్ధి చెందిన ఆర్థిక వ్యవస్థలతో పోలిస్తే భారతదేశంలో రవాణా వ్యయం అధికంగా ఉన్నందున జాతీయ రవాణా విధానం అవసరమైంది. జాతీయ, ఎగుమతి మార్కెట్లలో భారత వస్తువులు పోటీపడాలంటే రవాణా వ్యయం తగ్గించడం అనివార్యం. రవాణా వ్యయం తగ్గుదలతో ఆర్థిక వ్యవస్థలోని వివిధ రంగాలలో సామర్థ్యం పెరిగి, వాణిజ్యంతోపాటు విలువ జోడించేందుకు ప్రోత్సాహం లభిస్తుంది.