தேர்வுக்கான கலந்துரையாடலின் போது, இளம் மாணவர்களுடன் பிரதமர் மோடி உரையாற்றுகையில், ராகுல் திராவிட், விவிஎஸ் லஷ்மண் ஆகியோரின் பேட்டிங் பற்றி குறிப்பிட்டு, எவ்வாறு இந்தியா கிரிக்கெட் போட்டியை வென்றது என எடுத்துக்காட்டினார்.
“2001 ஆம் ஆண்டில் ஈடன் கார்டன்ஸ் மைதானத்தில் இந்தியாவுக்கும், ஆஸ்திரேலியாவுக்கும் இடையே நடந்த டெஸ்ட் போட்டியின் போது, நமது அணி பின்னடைவை சந்தித்தது. அனைவரும் உற்சாகம் இழந்து விட்டனர். ஆனால், அப்போது ராகுல் திராவிட், விவிஎஸ் லஷ்மண் இணையின் சிறப்பான ஆட்டத்தால், பாலோ ஆன் பெற்ற நிலையிலும் இந்தியா அந்தப் போட்டியை வென்றதை யாராலும் மறக்க முடியாது” என்று பிரதமர் மோடி கூறினார்.
