நாடு முழுவதிலுமிருந்து வந்திருந்த கைவினைக் கலைஞர்கள் தங்களது பல்வேறு படைப்புகளை காட்சிக்கு வைப்பதற்கு ஹூனார் ஹாத் ஒரு மேடையாக அமைந்துள்ளது. ஹூனார் ஹாத்துக்கு இன்று வந்தபோது, பிரதமர் பல்வேறு கைவினைக் கலைஞர்களுடன் கலந்துரையாடினார்.
கண்காட்சி அரங்குகளில் ஒன்றில் காட்சிக்கு வைக்கப்பட்டிருந்த படைப்புகளை பிரதமர் மோடி பார்வையிட்டபோது, இந்தியாவின் கலாச்சார பண்முகத்தன்மையை உணர்த்தும் இந்திய வரைபடம் ஒன்றை, கைவினைஞர் ஒருவர் அவருக்கு பரிசாக வழங்கினார். அந்த வரைபடத்தில் மகாத்மா காந்தி, ஒற்றுமை சிலை உள்ளிட்ட அம்சங்கள் இடம்பெற்றிருந்ததை பிரதமர் மோடி பாராட்டினார்.
